ភ្នំពេញ៖ តារាសម្តែងស្រី និងតារាម៉ូដែលសម្បុរខ្មៅស្រអែមស្រស់កញ្ញា ប្រាសាទដាវីន បើទោះបីជាកាលពីមួយរយៈធំមុននេះ នាងបានបាត់មុខពីសិល្បៈក៏ពិតមែន ប៉ុន្តែក្រោយពីនាងវិលចូលសិល្បៈជាថ្មីម្តងទៀត រូបសម្រស់ទម្រង់មុខបែបនារីខ្មែរអង្គរ ព្រមជាមួយនឹងរូបរាងដ៏ស្លីមស្អាត របស់នាងនៅតែធ្វើឲ្យប្រិយមិត្តគាំទ្រ លួចច្រណែននឹងនាងដដែល។
ប៉ុន្តែមិនថាយ៉ាងណា ថ្មីៗនេះ តារាស្រីចូលចិត្តលេងស្ទីលតុបតែងខ្លួនបែបបរទេស កញ្ញា ប្រាសាទ ដាវីន បានធ្វើឲ្យអ្នកគាំទ្រភ្ញាក់ផ្អើលយ៉ាងខ្លាំង ក្រោយពីបានលេចចេញនូវវីដេអូ ផ្អែមល្ហែមខ្លីមួយ ជាមួយនឹងតារាប្រុស អេឡិចដាហ្វី ខណៈកំពុងតែជិះម៉ូតូបីជាមួយគ្នា។
ជាការពិតណាស់ វីដេអូផ្អែមល្ហែមនេះ ត្រូវបានបង្ហោះដោយផ្ទាល់ នៅក្នុងគណនីហ្វេសប៊ុកផ្ទាល់ខ្លួនរបស់ តារាប្រុស អេឡិចដាហ្វី ដោយបានអមជាមួយនឹងអត្ថន័យសារផ្អែមល្ហែមថា ៖ « Thanks God that bring this beautiful girl(not just outside but inside) to this amazing world #penhbesdoung» ។
យ៉ាងណាមិញ ចំពោះទំនាក់ទំនងដ៏ស្អិតរមួតមួយនេះ អ្នកទាំងពីរនៅមិនទាន់បានប្រកាសជាផ្លូវការនៅឡើយទេ ថាត្រឹមតែជាមិត្តភក្តិយល់ចិត្ត ឬក៏មានអ្វីជ្រាលជ្រៅផ្សេងលើសនេះ។ ប៉ុន្តែតាមរយៈកាយវិការ ក៏ដូចជាពាក្យសម្តីផ្អែមល្ហែម ហាក់បីដូចជាគូសង្សារ ធ្វើឲ្យអ្នកគាំទ្រមិនសង្ស័យមិនបាន៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
