គ្រាន់តែរៀនចប់ វគ្គសិក្សាខ្លីសោះ Whan Pavarisa ធ្វើពិធីជប់លៀង ឡើងផ្អើលអស់តារាលំដាប់ៗ

ថៃ៖ ព្រោះតែជាតារាស្រីម្នាក់ ដែលមានឲទំនាក់ទំនងល្អជាមួយនឹងមនុស្សនៅជុំវិញខ្លួន ពិធីការិនី និងជាអ្នកចម្រៀងម្នាក់ផងដែរនាង Whan Pavarisa បានរៀបចំធ្វើពិធីជប់លៀងឆ្លងយ៉ាងអធិកអធមមួយ ក្រោយបញ្ចប់ការសិក្សាវគ្គខ្លីរបស់ខ្លួនបានដោយជោគជ័យ ជាមួយនឹងមិត្តភក្តិជាច្រើននាក់ ដែលសុទ្ធតែជាតារាល្បីៗឈ្មោះក្នុងសង្គមសិល្បៈតែម្តង។

នៅក្នុងនោះដែរគេសង្កេតឃើញនៅក្នុងពិធីជប់លៀងនេះ គឺបានធ្វើឡើងពោរពេញទៅដោយភាពសប្បាយរីករាយខ្លាំងមែនទែន ដោយមានការចូលរួមអបអរសាទរ ពីកំពូលតារាសម្តែងស្រីល្បីៗលំដាប់ជួរមុខដូចជាកញ្ញា Yaya អ្នកនាង Margie និងស្វាមី កញ្ញា Sririta កញ្ញា Mint Chalida និងគូស្នេហ៍ កញ្ញា Kwan និងកញ្ញា Pichy ជាដើម ព្រមទាំងតារាប្រុសស្រីផ្សេងៗទៀតជាច្រើននាក់ ដោយមានការតុបតែងខ្លួនជារបៀបអ្នកសិក្សាចម្រុះគ្នាផងដែរ។

គួរបញ្ចាក់ដែរថា តារាស្រី Whan Pavarisa បានធ្វើពិធីជប់លៀងនេះ ក្រោយបញ្ចប់ការសិក្សាវគ្គខ្លី លើជំនាញគ្រប់គ្រង ពីសាលា Harvard Business School ក្នុងរយៈ១ឆ្នាំ។ 

ហើយក្រៅពីនេះនាងក៏ជាមានការសិក្សាខ្ពស់ ដោយបានបញ្ចប់ការសិក្សាថ្នាក់បរិញ្ញាបត្រផ្នែកក្សេត្រសាស្រ្ត និងភាសាអង់គ្លេស ពីមហាវិទ្យាល័យជុឡាឡុងកន ព្រមទាំងបានបញ្ចប់ថ្នាក់អនុបណ្ឌិតលើជំនាញ វិទ្យាសាស្រ្តស្ថាបត្យករ ផងដែរ៕

ទស្សនាកម្រងរូបភាពដូចខាងក្រោមតទៅ៖ 

• តារាថៃ