Man Utd ប្រារព្ធពិធីគម្រប់ខួប ៦០ឆ្នាំ នៃឧប្បទ្ទវហេតុធ្លាក់យន្ដហោះនៅទីក្រុងមុយនិច កាលពីម្សិលមិញ

អង់គ្លេស៖ កាលពីម្សិលមិញ ក្លិបបិសាចក្រហម Manchester United បានប្រារព្ធពិធីគម្រប់ខួប ៦០ឆ្នាំ នៃឧប្បទ្ទវហេតុធ្លាក់យន្ដហោះ នៅទីក្រុងមុយនិច ប្រទេសអាល្លឺម៉ង់ ដែលបានសម្លាប់ជីវិតមនុស្ស ២៣នាក់។

នៅក្នុងពិធីគម្រប់ខួប ដែលធើ្វឡើងនៅកីឡដ្ឋាន Old Trafford នេះ មានការចូលរួមដោយលោក Jose Mourinho ជាគ្រូបង្វឹកក្លិប  លោក Edwood ជាអនុប្រធានប្រត្ដិបត្ដិក្លិប លោក Sir Alex Ferguson ជាអតីតគ្រូបង្វឹកក្លិប  កីឡាករក្នុងក្រុម និងថ្នាក់ដឹកនាំផ្សេងៗ ក៏ដូចជាអ្នកគាំទ្រផងដែរ។

សូមបញ្ជាក់ថា ក្នុងចំណោមអ្នកនៅលើយន្តហោះសរុប៤៤នាក់ គឺមានកីឡាករ  គ្រូបង្វឹក និងបុគ្គលិករបស់ក្លិប Manchester United ផងដែរ ហើយសោកនាដកម្មនេះបានបណ្ដាលឲ្យកីឡាករ ៨នាក់  បុគ្គលិក៣នាក់  អ្នកកាសែត៨នាក់ អាកាសយានិក ២នាក់  និងអ្នកដំណើរ២នាក់ផ្សេងទៀត ស្លាប់បាត់បង់ជីវិត៕