នរណា​​ជា​​អ្នក​គាំទ្រ​កីឡាករ ច្រឹង ពលរដ្ឋ ខ្លះ? តើ​មាន​ដឹង​ទេ​ថា ឪពុក ច្រឹង​ ពលរដ្ឋ ជានរណា?

ភ្នំពេញ)៖ ទស្សនិកជនអ្នកគាំទ្រវិស័យបាល់ទាត់ ប្រាកដជាស្គាល់លោក ច្រឹង ពលរដ្ឋ ច្បាស់ណាស់ថាលោក គឺជា កីឡាករខ្សែបម្រើក្នុងក្លឹប ក្រសួងការពារជាតិ មួយរូប។ ដោយឡែក ទស្សនិកជន ចាប់អារម្មណ៍នោះទេថា តើឪពុករបស់លោក គឺជានរណា? យ៉ាងណាមិញ ថ្ងៃនេះ Khmer Talking នឹងបង្ហាញនូវមន្ទិលទាំងនេះឲ្យទស្សនិកជនបានជ្រាប់។

ថ្លែងក្នុងការសម្ភាសន៍ តាមរយៈកម្មវិធី «អាថ៌កំបាំងក្រៅឆាក របស់តារា» លោក ច្រឹង ពលរដ្ឋ បាននិយាយថា « ឪពុករបស់លោក មានឈ្មោះថា ច្រឹង ប៊ុណ្ណារិទ្ធ គឺជាតារាចម្រៀងដ៏ល្បីល្បាញ មួយរូបក្នុងប្រទេសកម្ពុជា ហើយក៏ជាកីឡាជម្រើសជាតិបាល់ទះផងដែរ ដោយកាលគាត់នៅធ្វើជាតារាចម្រៀង នៅឆ្នាំ១៩៨៦ គាត់ធ្លាប់បានចាប់ដៃគូច្រៀងជាមួយ អ្នកស្រី ហ៊ីម ស៊ីវន ផងដែរ»។

កីឡាករបាល់ទាត់ ច្រឹង ពលរដ្ឋ បានបន្តថា «យ៉ាងណាមិញ ឪពុករបស់លោក ត្រូវបានទទួលមរណភាពទៅហើយ ដោយសារតែ មានជំងីរោគាពាធ ព្រោះកាលនោះ លោកមានជំងី ហើយទៅធ្វើការមកវិញអស់កំលាំងពេក ដោយកាលណោះ លោក ច្រឹង ពលរដ្ឋ ទើបតែមានអាយុ ៧ឆ្នាំ តែប៉ុណ្ណោះ»។

គួរបញ្ជាក់ថា លោក ច្រឹង ពលរដ្ឋ មានបងប្អូនបង្កើត៥នាក់ ក្នុងនោះមាន ស្រី ២ និងប្រុស ៣ ខណៈបច្ចុប្បន្ន គ្រួសាររបស់លោក មានសមាជិក ០៦នាក់ ទាំងម្តាយរបស់លោកផងដែរ។

ប្រភព៖ khmertalking