ភ្នំពេញ៖ ស្ថានភាពជំងឺរបស់ ឪពុក តារាចម្រៀង លោក ករុណា ពេជ្រ នៅមិនទាន់ដឹង លទ្ធផលយ៉ាងណានោះទេ ស្របពេលគេឃើញ លោកតែងតែ ព្យាយាមរកគ្រូពេទ្យ ជំនាញ ទាំងផ្លូវវិទ្យាសាស្ត្រ អមនឹងការបន់ស្រន់ ទាំងផ្លូវងងឹតផងដែរ។
អ្វីដែលគួរឲ្យអាណិតខ្លោចចិត្តនោះ មុននេះលោក ក៏បានបង្ហើបសារបង្ហាញពីក្ដីបារម្ភចំពោះសុខភាពអ្នកមានគុណ ដោយរៀបរាប់ទាំងទឹកភ្នែកថា៖ « ប៉ា ខំផ្តល់កំលាំងចិត្តដល់កូនដើម្បីអោយប្រឹងនឹងការងារផ្សេងៗ ដើម្បីបានថវិកា មកផ្គត់ផ្គង់គ្រួសារ .... តែដល់ពេលកូនបានថវិកា មិនគួរណា យកថវិកា មកផ្គត់ផ្គង់ប៉ា ក្នុងស្ថានភាពបែបនេះសោះ
បញ្ហាជាច្រើន តែងតែពិភាក្សា និង ដោះស្រាយតែពីរនាក់ ឳពុក និង កូន ដល់ឥឡូវមានអារម្មណ៏ថាកូនបាត់ដាំស្តាំម្ខាងបាត់ទៅហើយ..... តែការពិភាគ្សា របស់កូនជាមួយប៉ា មិនគួរកូនអោយដឹងរឿងច្រើនពេក រហូតដល់ប៉ា គិតច្រើន រហូតដល់ជំងឺវាលឿនដល់ថ្នាក់នេះសោះ... កូនពិតជាសោកស្តាយណាស់ សោកស្តាយណាស់ ដែលសំរេចចិត្ត យករឿងមួយនេះពិភាគ្សាជាមួយ រហូតប៉ា ឈានដល់ថ្នាក់នេះ....
ប៉ា អោយកូនសុំទោស ហើយកូននឹងប្រឹងអោយអស់ពីលទ្ធភាព រំពឹងសង្ឃឹមថាប៉ា នឹងបានប្រសើរឆាប់ៗ .... ហើយសូមផលបុណ្យដែលប៉ាបានធ្វើ និង កុសលដែលកូនបានសាង ជួយប៉ា អោយដឹងឡើងវិញ » ។
ទង្វើនេះបានស្ដែង ពីទំហំចិត្តនៃការស្រលាញ់ ដែលលោកមានចំពោះអ្នកមានគុណ ហើយលោក ពិតជាមិនចង់ចំណាយលុយ ក្នុងករណីបែបនេះនោះទេ។
យ៉ាងណាមិញ គ្រាន់តែអាន សារនេះហើយភ្លាមក៏មាន ប្រិយមិត្តជាច្រើន សម្ដែងក្ដីអាណិតអាសូរ លោកជាខ្លាំង ថែមទាំងបានផ្ញើសារលើកទឹកចិត្ត តារាចម្រៀងរូបនេះ និងជូនពរឲ្យ ប៉ាលោក ឆាប់ជាសះស្បើយទៀតផង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
