រាជធានីភ្នំពេញ ៖ បុរសម្នាក់ត្រូវគេកាប់រយះថ្ងាសដេរអស់៦ថ្នេរ ខណៈនិយាយចំអែចំអន់លេងសើចឌឺដងចាប់ដៃប្រពន្ធគេស្ទាបអង្អែល កាលពីវេលាម៉ោង១១ និង៣០នាទីថ្ងៃត្រង់ថ្ងៃទី២៦ ធ្នូ នៅបន្ទប់ជួលភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ ។
តាមការឱ្យដឹងជនរងគ្រោះឈ្មោះសែម សុខហ៊ីម អាយុ៣០ឆ្នាំ ជាកម្មករលើកឥវ៉ាន់ ស្នាក់នៅបន្ទប់ជួលខាងលើ មានស្រុកកំណើតនៅភូមិធំ ឃុំក្រាំងយូ៉វ ស្រុកស្អាង ខេត្ដកណ្ដាល មានប្រពន្ធឈ្មោះម៉ៅ សុខជឿន អាយុ២៥ឆ្នាំ ជាកម្មការិនីរោងចក្រកាត់ដេរមានកូនប្រុសម្នាក់អាយុជាង១ខួប។ ស្ដ្រីជាប្រពន្ធបានឱ្យដឹងថា មុនថ្ងៃកើតហេតុចំនួន៤ថ្ងៃ ប្ដីនិងស្ដ្រីម្នាក់ឈ្មោះនី ស្នាក់នៅបន្ទប់ជួលជិតគ្នា ហើយថែមទាំងរាប់អានគ្នាជិតស្និទ្ធផងដែរនោះ កំពុងនិយាយទូរស័ព្ទទៅប្ដីរបស់គេឈ្មោះណាក់ ហៅតាក្រហុប ជាកម្មករសំណង់ ។ លុះពេលនិយាយចប់ប្ដីខ្លួនបានចំអែចំអន់លេងសើចថា បាត់ប្ដីសុទ្ធតែទូរស័ព្ទរក ហើយបានចាប់ដៃស្ដ្រីនោះទៀត ។ សកម្មភាពនេះ ខ្លួនក៏ឃើញដែរ ស្រាប់តែស្ដ្រីឈ្មោះនី បានប្រកាន់ តែប្ដីនាងនិយាយថា ចាប់លេងសើចទេ ហើយប្ដីរបស់ នាងក៏ធ្លាប់ចាប់ដៃប្រពន្ធខ្ញុំដែរ។
ប្រភពព័ត៌មានបន្ដទៀតថា បន្ទាប់ពីប្ដីស្ដ្រីឈ្មោះនីនោះមកដល់ផ្ទះ នាងក៏បានរៀបរាប់ប្រាប់ប្ដីពីរឿងដែលបុរសរងគ្រោះចាប់ដៃ ហើយប្រពន្ធឈ្មោះម៉ៅ សុខជឿន និយាយកាន់ជើងប្ដីផងនោះ ទើបធ្វើឱ្យស្ត្រីឈ្មោះនីខឹង ខណៈនោះស្រាប់តែបុរសជាប្តីបានដើរទៅវាយបុរសរងគ្រោះតែម្តង ៕
ដកស្រង់ពីគេហរទំព័រ កោះសន្តិភាព
សូមបងប្អូនជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។សូមអរគុណ ខ្មែរស្រលាញ់ខ្មែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]