កូរ៉េខាងត្បូង៖ រូបថតមួយសន្លឹក ដែលតារាស្រីសាច់ចាំ Sandara Park អង្គុយចាប់ដៃរបស់តារាចម្រៀងប្រុសក្មេង Seungyoon សមាជិកក្រុម Winner កំពុងតែទទួលបានការចាប់អារម្មណ៍ខ្លាំងមិនធម្មតា នៅលើបណ្តាញសង្គម។
គួរឲ្យដឹងថា នៅក្នុងរូបថតមួយសន្លឹកនេះ គេចាប់អារម្មណ៍ឃើញជាពិសេសទៅលើ ទំហំម្រាមដៃរបស់តារាស្រី Sandara Park ដោយអាចនិយាយបានថា ដៃរបស់នាងមានទំហំតូចខ្លាំងមែនទែន ប្រៀបដូចជាដៃកូនក្មេងកំពុងតែចាប់ដៃរបស់លោកប៉ាដូច្នោះដែរ ។
ដោយតាមពិតទៅអាយុរបស់ពួកគេខុសគ្នាច្រើនគួរសម ពោលគឺSandara មានអាយុច្រើនជាង Seungyoon ប៉ុន្តែនៅក្នុងរូបនេះ បែរជាមើលទៅនាងគួរឲ្យស្រលាញ់ និងក្មេងជាង Seungyoon ទៅទៀត ។
ជាការពិតណាស់ Sandara ត្រូវបានគេចាត់ទុកថា ជាតារាស្រីសាច់ចាំមួយរូប ដោយនាងមានជាង៣៣ឆ្នាំទៅហើយក្តី ប៉ុន្តែសម្រស់នៅតែក្មេងស្អាត មិនសាកសមនឹងអាយុអ្វីបន្តិចឡើយ ជាក់ស្តែងដូចជារូបថតមុននេះ ដែលបានបង្ហាញពីទំហំម្រាមដៃ ដ៏តូចដូចកូនក្មេងរបស់នាង។
គួរបញ្ជាក់ផងដែរថា រូបថត Sandara អង្គុយចាប់ដៃ Seungyoon នេះគឺបានដកស្រង់ចេញពីរឿង «We Broke Up» ដែលអ្នកទាំងពីរបានសម្តែងជាគូស្នេហ៍ ដែលបានបែកបាក់គ្នា ប៉ុន្តែចុងក្រោយក៏មកស្រលាញ់គ្នាវិញ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]