សុខ សុជាតា ប៉ះសម្លេងជាមួយ រ៉េត ស៊ូហ្សាណា លើកដំបូង ស្រែកមិនចាញ់គ្នា! (មានវីដេអូ)

ភ្នំពេញ៖ កាលពីយប់មិញនេះ តារាចម្រៀងវ័យក្មេង សុខ សុជាតា ដែលជាអតីតបេក្ខភាពប្រលងនៅក្នុងកម្មវិធីចម្រៀង The Voice Kids Cambodia បានបកស្រាយនូវបទចម្រៀងយ៉ាងពិរោះរណ្តំនៅលើឆាកតន្ត្រី។

ហើយអ្វីដែលគួរឱ្យចាប់អារម្មណ៍យ៉ាងខ្លាំង ជាងនេះទៅទៀតនោះគឺ ប្អូនស្រី សុខ សុជាតា បានប៉ះសម្លេងគ្នាជាលើកដំបូងជាមួយនឹងតារាចម្រៀងកញ្ញា រ៉េត ស៊ូហ្សាណា ផងដែរ នៅក្នុងបទ «លើកទីមួយ» ដែលជាសំនៀងដើមរបស់កញ្ញា ឱក សុគន្ធកញ្ញាទៀតផង។

ក្នុងនោះអ្នកទាំងពីរបានស្រែកច្រៀងព្រមគ្នា ឡើងកក្រើកឆាកប្រគំតន្ត្រី Ichitan ទូរទស្សន៍ហង្សមាស ដោយមានការគាំទ្រយ៉ាងខ្លាំងពីសំណាក់ទស្សនិកជននៅខាងមុខឆាក។

ទន្ទឹមនឹងនេះកញ្ញា រ៉េត ស៊ូហ្សាណា និងប្អូនស្រីតូច សុខ សុជាតា ក៏បានបង្ហាញប្រាប់ពីអារម្មណ៍ពិតរបស់ខ្លួនថា ពិតជាមានភាពសប្បាយរីករាយយ៉ាងខ្លាំងនៅពេលដែលបានច្រៀងរួមគ្នាដូច្នេះ៕

តើប្រិយមិត្តរូបណាខ្លះ ជាអ្នកគាំទ្ររបស់តារាចម្រៀងស្រីទាំងពីរដួងនេះ?

ទស្សនាវីដេអូខាងក្រោម៖  

• រ៉េត ស៊ូហ្សាណា
• សុខ សុជាតា
• ចម្រៀង
• វីដេអូ