បរទេស៖ កាលពីថ្មីៗនេះ ក្រុមហ៊ុន Apple បានចេញផ្សាយនូវវីដេអូផ្សព្វផ្សាយមួយដើម្បីបង្ហាញនូវភាពទាក់ទាញរបស់ iPad Pro ដែលជាផលិតផលថ្មីមួយរបស់ខ្លួន ដែលវាអាចមានសមត្ថភាពចូលខ្លួនមកជំនួសកុំព្យូទ័របាននាពេលដ៏ខ្លីខាងមុខនេះ។
វីដេអូពាណិជ្ជកម្មមួយនេះ បានបង្ហាញពីក្មេងតូចម្នាក់ប្រើប្រាស់ iPad Pro ទំហំ ១០,៥អ៊ីញជាមួយក្តារចុចឆ្លាតវៃ (Smart Keyboard) និង Apple Pencil ។ លើសពីនេះទៅទៀត ពាណិជ្ជកម្មមួយនេះក៏បានបង្ហាញឲ្យឃើញពីភាពងាយស្រួលរបស់ iPad Pro នៅក្នុងការសរសេរជាមួយ Microsoft Word ការថតរូបជាមួយកាមេរ៉ាខាងក្រោយនិងការបែងចែកអេក្រង់សម្រាប់ប្រើប្រាស់ទៀតផង។ ការផ្តោតអារម្មណ៍ដ៏ធំមួយទៀតនោះគឺថា iPad Pro នឹងប្រើប្រាស់នូវប្រព័ន្ធប្រតិបត្តិការ iOS 11 ដែលមានសមត្ថភាពថ្មីៗ និងចំណុចដ៏គួរឲ្យចាប់អារម្មណ៍យ៉ាងច្រើនទៀតផងដែរ។
វីដេអូពាណិជ្ជកម្មនេះមានចំណងជើងថា "តើកុំព្យូទ័រគឺជាអ្វី?" ដោយគ្រាន់តែពឹងផ្អែកលើចំណងជើង យើងអាចសន្មត់ថាក្រុមហ៊ុន Apple កំពុងផ្ដោតយ៉ាងខ្លាំងដើម្បីទាក់ទាញឲ្យមនុស្សដែលប្រើប្រាស់កុំព្យូទ័រក្នុងការងារ និងការសិក្សា ឲ្យងាកមកប្រើ iPad Pro ជំនួសវិញ។
គួរបញ្ជាក់ផងដែរថា iPad Pro អេក្រង់ទំហំ ១០,៥អ៊ីញនេះ មានតម្លៃចាប់ពី ៦៤៩ដុល្លារឡើងទៅ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
