ពិនិត្យព្យាបាល និងផ្តល់ថ្នាំដោយឥតគិតថ្លៃ ជំងឺ ឆ្អឹងខ្នង និង ប្រព័ន្ធប្រសាទ ដោយវេជ្ជបណ្ឌិតឯកទេសវៀតណាម

ភ្នំពេញ៖ សម្រាប់ឱកាសពិសេស ថ្ងៃទី 31 ខែ តុលា ឆ្នាំ២០១៧ នេះ មន្ទីរពេទ្យជោរៃភ្នំពេញនឹងមានរៀបចំកម្មវិធីពិនិត្យ និងព្យាបាលជំងឺ ឆ្អឹងខ្នង និង ប្រព័ន្ឋប្រសាទ រួមនឹងផ្តល់ឱសថជូន ដោយឥតគិតថ្លៃដោយវេជ្ជបណ្ឌិតឯកទេសវៀតណាម សម្រាប់អ្នកជំងឺថ្មីដែលបានមកចុះឈ្មោះ ៥០ នាក់ដំបូង។

បន្ទាប់ពីកម្មវិធីពិនិត្យ និងព្យាបាលជំងឺដោយឥតគិតថ្លៃប្រចាំខែវគ្គមុន សម្រាប់វគ្គនេះ មន្ទីរពេទ្យជោរៃភ្នំពេញសហការជាមួយក្រុមហ៊ុនឱសថ DHG Pharma បានរៀបចំកម្មវិធី ពិនិត្យ និងព្យាបាលជំងឺ ឆ្អឹងខ្នង ប្រព័ន្ធប្រសាទ ដោយឥតគិតថ្លៃសម្រាប់អ្នកជំងឺថ្មី៥០នាក់ដំបូងក្នុងរយៈពេល ១ថ្ងៃ ដោយវេជ្ជបណ្ឌិតឯកទេសវៀតណាមមានបទពិសោធន៍ខ្ពស់មកពីមន្ទីរពេទ្យជោរៃទីក្រុងហូជីមិញប្រទេសវៀតណាម។

នេះ គឺជាកម្មវិធីមនុស្សធម៌ដ៏មានអត្ថន័យរបស់មន្ទីរពេទ្យជោរៃភ្នំពេញ និងក្រុមហ៊ុនឱសថ DHG Pharma ចូលរួមចំណែកលើកកម្ពស់សុខុមាលភាពជូនដល់ប្រជាពលរដ្ឋកម្ពុជា ឲ្យមានឱកាសទទួលបានការថែទាំសុខភាពប្រកបដោយគុណភាពពីសំណាក់វេជ្ជបណ្ឌិតឯកទេសវៀតណាមដែលមានបទពិសោធន៍ខ្ពស់ រួមជាមួយសម្ភារៈបរិក្ខារពេទ្យទំនើបដែលមានបំពាក់នៅមន្ទីរពេទ្យជោរៃភ្នំពេញ។ ជាងនេះទៅទៀត គឺជួយឱ្យប្រជាពលរដ្ឋយល់កាន់តែច្ន់យល់កាន់តែច្បាស់​ នៃការថែទាំសុខភាពរបស់ខ្លួន ដើម្បីជ្រើសរើសវិធីព្យាបាលឱ្យបានសមស្របបំផុត។ កម្មវិធីពិនិត្យ និងព្យាបាលជំងឺសប្បុរសធម៌ស្រដៀងគ្នានេះ នឹងមានរៀបចំជារៀងរាល់ខែ ជាមួយនឹងឯកទេសផ្សេងៗគ្នា។ សម្រាប់ខែ តុលា ឆ្នាំ២០១៧ នេះ គឺជាកម្មវិធីពិនិត្យ និងព្យាបាល ជំងឺ ឆ្អឹងខ្នង ប្រព័ន្ធប្រសាទ អ្នកជំងឺអាចចុះឈ្មោះនៅថ្ងៃនេះ តាមរយៈខ្សែទូរស័ព្ទ ០២៣ ៦៨៤ ១០០១ / ០២៣ ៦៨៤ ១០០២ ដើម្បីបានទទួលការពិនិត្យដោយផ្ទាល់ពី លោកបណ្ឌិត ផាន ក្វ័ងសឺន ឯកទេស ជំងឺ ឆ្អឹងខ្នង ប្រព័ន្ធប្រសាទ។

គេហទំព័រ៖ www.chorayphnompenhhospital.com.kh

Facebook: Cho Ray Phnom Penh Hospital

សម្គាល់៖ កម្មវិធីនេះ សម្រាប់តែអ្នកជំងឺមកមន្ទីរពេទ្យជោរៃភ្នំពេញលើកដំបូងប៉ុណ្ណោះ (អ្នកជំងឺថ្មី)៕