ងាយស្រួលបំផុត វិធីជួយឲ្យបាត់ស្នាមជាំខៀវ បានយ៉ាងឆាប់រហ័ស ដោយនឹកស្មានមិនដល់!

នៅពេលដែលអ្នកជួបប្រទះជាមួយនឹង រឿងហេតុនានា ដូចជា ដួលកង់ ដួលម៉ូតូ ឬធ្លាក់ចុះពីទីខ្ពស់ របួសពីការលេងកីឡា អាចបណ្តាលឱ្យនៅលើខ្លួនអ្នកមានស្នាមជាំខ្មៅ ឬជាំខៀវបានដោយងាយ ដោយសារតែការប៉ះទង្គិចយ៉ាងខ្លាំងជាមួយនឹងវត្ថុរឹងនានា។

ហើយជាទូទៅស្នាមជាំនេះវានឹងរលាយបាត់ដោយខ្លួនឯងក្នុងរយៈពេលប្រហែលជា២សប្តាហ៍ ប៉ុន្តែបើអ្នកចង់ឱ្យវាជាសះស្បើយ និងបាត់ស្នាមបានយ៉ាងឆាប់រហ័សគួរជាទីពេញចិត្តជាមួយនឹងឱសថបុរាណធម្មជាតិទាំងអស់នេះគឺ៖

១) ស្លឹកខ្ញី៖ មានគុណសម្បត្តិជួយឈាមឆាប់រលាយល្អ បន្ថយការឈឺចាប់ មិនហើម និងការពារការរលាកផងដែរ។ ងាយៗដោយអ្នកគ្រាន់តែស្លឹកស្រស់វា១ក្តាប់ដៃទៅបុក ហើយយកទឹកមកលាបគឺជាការស្រេច។

២) ពន្លៃ៖ ប្រើពន្លៃប្រមាណជា១មើម យកទៅបុកយកទឹកលាបជុំវិញបរិវេណកន្លែងដែលមានបញ្ហា ឬបុកយកទៅខ្ចប់ក្រណាត់ស្អាតមួយទុកសម្រាប់ស្អំក៏បានដែរ ដើម្បីជួយកាត់បន្ថយការឈឺចាប់ និងកាត់បន្ថយការជាំបានផងដែរ។

៣) ស្លឹកត្រចៀកក្រាញ់៖ យកស្លឹកស្រស់វា១ក្តាប់ដៃ លាងទឹកឱ្យស្អាតហើយយក មកបុកឱ្យម៉ត់ច្របាច់យកទឹកលាបលើមុខរបួស ឬទុកទទួលទាន១-២ដង ក្នុងមួយថ្ងៃ ឱ្យបានជាប់ៗគ្នារយៈពេល៥-៦ថ្ងៃ ឬរហូតទាល់តែបាត់ស្នាមជាំខៀវនោះពីលើស្បែក។ វាក៏មានប្រសិទ្ធភាពជួយបំបាត់ការស្រេកទឹក និងជួយចិញ្ចឹមរាងកាយបានយ៉ាងល្អផងដែរ។

ក្រៅពីនេះអ្នកក៏អាចប្រើសីតុណ្ហភាពក្តៅ ឬត្រជាក់ មកព្យាបាលស្នាមជាំខៀវទាំងនោះក៏បានដែរ ដោយគ្រាន់តែដាក់របស់ក្តៅៗ នៅក្នុងក្រណាត់មួយ រុំឱ្យជិត ហើយយកវាមកស្អំ ដាក់នៅលើស្នាមជាំប្រហែល២០នាទី។ ធ្វើដូចនេះ ២-៣ ដងក្នុង១ថ្ងៃ ដើម្បីឱ្យឈាមដែលកក នៅត្រង់នោះឆាប់រលាយ និងបំបាត់ស្នាមជាំបានយ៉ាងងាយ៕