ប្រជាជនថៃរាប់ម៉ឺននាក់ ចូលរួមពិធីហាត់សមក្បួនដង្ហែ ត្រៀមសម្រាប់ពិធីថ្វាយព្រះភ្លើងដល់អតីតព្រះមហាក្សត្រ នៅព្រឹកនេះ

ថៃ៖ កាលពីម៉ោង៤ ព្រឹកមិញនេះ ប្រជាជនថៃស្លៀកឈុតខ្មៅរាប់ពាន់នាក់ បានប្រមូលផ្តុំគ្នា ក្នុងតំបន់ Sanam Luang ដើម្បីចូលរួមទស្សនាការហាត់សម ត្រៀមសម្រាប់ពិធីថ្វាយព្រះភ្លើងដល់អតីតព្រះមហាក្សត្រ។ ដើម្បីអាចទស្សនាការហាត់សមច្បាស់ ពួកគេបានទៅដល់ទីតាំងរៀបចំកម្មវិធី តាំងពីមួយម៉ោងមុន ពេលដែលគេអនុញ្ញាតឲ្យចូលម្ល៉េះ។

ក្នុងពិធីនោះដែរ គេឃើញមានវត្តមាន ព្រះមហាក្សត្រី Sirindhorn ក្នុងឈុតសម្លៀកបំពាក់ បុគ្គលិកវាំង និងនាយករដ្ឋមន្ត្រីថៃ លោក Prayuth Chan-ocha ក្នុងឯកសណ្ឋានកងទ័ព។

គួរបញ្ជាក់ថា ផ្លូវចំនួន ១៨ ជុំវិញតំបន់ Sanam Luang ត្រូវបានបិទតាំងពីយប់ថ្ងៃសុក្រមកម្ល៉េះ ហើយផ្លូវចំនួន ២៧ ផ្សេងទៀតនឹងត្រូវបិទ នៅថ្ងៃស្អែក ដើម្បីបន្តការហាត់សមក្បួនដង្ហៃ២ផ្សេងទៀត។

ក្បួនដង្ហែ សរុបទាំងអស់មាន៦ នឹងត្រូវធ្វើឡើងចាប់ពីថ្ងៃទី ២៦ ដល់ ២៩ តុលា ដែលមានអ្នកដង្ហែជាង ៥០០០នាក់ ក្នុងឈុតសម្លៀកបំពាក់ប្រពៃណីចម្រុះពណ៌៕

សូមទស្សនារូបភាពសកម្មភាពហាត់សមនៅខាងក្រោមនេះ៖

ប្រភព៖ បរទេស

• រូបភាព