ភ្នំពេញ៖ ខែ្សបម្រើការពារ ធារី ចន្ថាប៊ីន បានសម្ដែងការសោកស្ដាយ អំពីការចាកចេញរបស់លោក Leonardo Vitorino ពីតំណែងជាគ្រូបង្វឹកក្រុមជម្រើសជាតិកម្ពុជា កាលពីម្សិលមិញ ហើយលោកក៏បានថ្លែងអំណរគុណដល់អ្នកចាត់ការសញ្ជាតិប្រេស៊ីល ដែលខិតខំជួយក្រុមក្នុងពេលកន្លងមកនេះ។
Leonardo ត្រូវបានសហព័ន្ធបាល់ទាត់កម្ពុជា តែងតាំងជាគ្រូបង្វឹកក្រុមជម្រើសជាតិកម្ពុជា កាលពីដើមឆ្នាំ២០១៧ ជាមួយនឹងកុងត្រារយៈពេល១ឆ្នាំ ប៉ុន្ដែទំនាក់ទំនងរបស់លោក និងក្រុមជម្រើសជាតិ ត្រូវបានបញ្ចប់ត្រឹមនេះ ក្រោយដឹកនាំក្រុម៧ប្រកួត ឈ្នះត្រឹម១ និងចាញ់ដល់ទៅ៦ប្រកួត។
សហព័ន្ធបាល់ទាត់កម្ពុជា បានបញ្ចេញនូវលិខិតមួយ ជុំវិញការបញ្ចប់កុងត្រារបស់គ្រូបង្វឹកវ័យ៤៣ឆ្នាំ កាលពីរសៀលម្សិលមិញ ក្រោយរយៈពេល១១ថៃ្ង ពេលដែលកម្ពុជា ចាញ់វៀតណាម ៥-០ ក្នុងការប្រកួតជម្រុះពានរង្វាន់ AFC Asian Cup។
ធារី ចន្ថាប៊ីន បានប្រាប់ដល់ទំព័រ TheMorning ថា៖ «ជាដំបូង ខ្ញុំសូមថែ្លងអំណរគុណដល់ Leonardo និងគ្រូជំនួយទាំង២របស់លោក ដែលបានខិតខំជួយដល់បាល់ទាត់កម្ពុជា អស់ពីសមត្ថភាព។ ខ្ញុំពិតជាសោកស្ដាយ ដោយសារខ្ញុំដឹងថា ពួកគេបានខិតខំអស់ពីសមត្ថភាពរបស់ពួកគេ ប៉ុន្ដែយើងមិនអាចទទួលបាននូវលទ្ធផលដែលយើងចង់បាន»។
ធារី បន្ថែមចុងក្រោយថា៖ «ខ្ញុំសូមជូនពរពួកគេ ឲ្យជួបតែសំណាងល្អ និងជោគជ័យក្នុងអាជីពរបស់ពួកគេ»៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]