មិននឹកស្មានថា តារាសម្តែងស្រីរូបនេះ ហ៊ានលះបង់ដល់ម្លឹង ដើម្បីព្រះមហាក្សត្រខ្លួន!

ថៃ៖ កាលពីថ្ងៃទី១៣តុលាម្សិលមិញនេះ តារាសម្តែងស្រីនិយមដើរតួកាចឆ្នាសឆ្នើមនាង Ning Panita បានសម្រេចចិត្តលះបង់កិលេស ហើយចូលខ្លួនក្នុងពិធីកោរសក់បួសជាដូនជីជាលើកដំបូងនៅក្នុងជីវិត។

ការលះបង់ ហើយងាកទៅរកព្រះធម៌ និងភាពស្ងប់ស្ងាត់ដូច្នេះ គឺដើម្បីជាការថ្វាយកុសល ទៅដល់ព្រះមហាក្សត្ររបស់ខ្លួនក្នុងពិធីគម្រប់ខួប ១ឆ្នាំនៃការសោយទីវង្គត។

នៅក្នុងពិធីនោះដែរ ក៏មានការចូលរួមពីសំណាក់បងប្អូនញាតិមិត្ត និងមិត្តភក្តិរបស់តារាសម្តែងស្រី Ning Panita ជាច្រើននាក់ ដែលរួមមានទាំងតារាស្រីនៅក្នុងសង្គមសិល្បៈជាមួយគ្នាជាដើមផងដែរ។

មិនតែប៉ុណ្ណោះកូនស្រីរបស់តារាស្រីរូបនេះ ក៏បានមកចូលរួមនៅក្នុងពីធីនេះដែរ ធ្វើឱ្យកើតក្តីរំភើបយ៉ាងខ្លាំង សម្រាប់ការជ្រះថ្លានៅក្នុងវិស័យព្រះពុទ្ធសាសនា។ ហើយអ្នកគាំទ្រជាច្រើនក៏មានការកោតសរសើរ ចំពោះទឹកចិត្តតារាស្រី Ning Panita យ៉ាងខ្លាំងដែលហ៊ានលះបង់ កោរសក់ ហើយបួសជាដូនជីកាន់សីលដូច្នេះ៕

ទស្សនារូបភាពខាងក្រោម៖