ថៃ៖ កំពូលអ្នកប្រដាល់ប្រចាំប្រទេសថៃ ប៊ូខាវ ត្រូវបានគូផ្គង ឡើងសង្វៀនសាជាថ្មីម្តងទៀតនៅចុងខែកញ្ញាខាងមុខ ដោយលើកនេះប៉ះជាមួយអ្នកប្រដាល់មកពីប្រទេសអ៊ុយក្រែន នៅក្នុងព្រឹត្តការណ៍ All Star Fight 2 ។
គួររំលឹកថា កាលពីព្រឹត្តការណ៍ All Star Fight លើកទីមួយ ប៊ូខាវ បានផ្តួលដៃគូប្រកួតមកពីប្រទេសបារាំង ឲ្យសន្លប់យ៉ាងងាយស្រួល ហើយលើកនេះ ដៃគូថ្មីរបស់ប៊ូខាវ គឺកីឡាករ Sergei Kuliaba មកពីប្រទេសអ៊ុយក្រែន ក៏ជាជើងខ្លាំងមួយរូបផងដែរ ដោយប្រវត្តិប្រកួតធ្លាប់ចាញ់តែ៣លើកប៉ុណ្ណោះ។
យ៉ាងណាមិញ ថ្មីៗនេះ ត្រលប់មកកាន់ជីវិតរស់នៅរបស់ជើងខ្លាំងប្រចាំប្រទេសថៃរូបនេះ ហាក់បីដូចជាមានភាពរវល់ច្រើន ដោយយោងតាមបណ្តាញសង្គមហ្វេសប៊ុក ប៊ូខាវ បានឆ្លៀតពេលពីការហ្វឹកហាត់ ដើម្បីទៅដកស្រង់បទពិសោធន៍ជីវិតរស់នៅតាមភូមិជនបទនៅក្នុងប្រទេសថៃ ហើយមិនតែប៉ុណ្ណោះក៏បានស្លៀកពាក់បែបជនបទផងដែរ ដែលមើលទៅខុសប្លែកពីពេលរូបគេឡើងប្រកួតលើសង្វៀន។
បន្ថែមពីនេះទៀត ក្រោយពីចុះស្រង់បទពិសោធន៍នៅតាមជនបទហើយ កាលពីម្សិលមិញ ប៊ូខាវ បានធ្វើដំណើរចាកចេញពីប្រទេសថៃ ទៅកាន់ទីក្រុង Lille ប្រទេសបារាំង និងប្រទេស Luxembourg ផងដែរ ដើម្បីទៅចូលរួមធ្វើសិក្ខាសាលាស្តីពីក្បាច់គុនប្រដាល់ថៃនៅទីនោះ។
បើទោះជាយ៉ាងណាក៏ដោយ ប៊ូខាវ នឹងវិលត្រលប់មកធ្វើការហ្វឹកហាត់វិញ ដើម្បីត្រៀមប្រកួតជាមួយកីឡាករប្រដាល់របស់អ៊ុយក្រែន ដែលធ្វើឡើងនៅថ្ងៃទី៣០ ខែកញ្ញា ខាងមុខនេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]