កូនស្រីម្ចាស់ល្ខោន ភី សុគន្ធី ពិតជាមនុស្សកំពូលសំណាង ទើបតែបានឡាន ពេលនេះប្ដីកំពុងតែ...

ភ្នំពេញ៖ សេចក្តីសុខរបស់មនុស្សស្រី តែងប្រាថ្នាចង់បានស្វាមីដែល យល់ចិត្ត និងដឹងសុខទុក្ខយើងគ្រប់ពេលវេលា ប៉ុន្តែរឿងនេះមិនងាយកើតឡើងគ្រប់មនុស្សស្រីទាំងអស់នោះទេ។

មិនដឹងថាជាតិមុន កូនស្រីម្ចាស់ល្ខោន ភី សុគន្ធី សាងបុណ្យអ្វីទេ ទើបជាតិនេះ អ្នកនាងក្លាយជាមនុស្សស្រីកំពូលសំណាង ព្រោះបានស្វាមីដែលពូកែយល់ចិត្តបែបនេះ។

ទើបតែពពោះកូនលើកដំបូង អនាគតបងថ្លៃ នីឡា រូបនេះក៏ទទួលបានកាដូឡានថ្មីពីស្វាមី ទៅហើយ។ មិនទាន់បានប៉ុន្មានផង ថ្មីៗនេះស្រាប់តែ ស្វាមីអ្នកនាង ធ្វើផ្ទះថ្មធំទ្រនំខ្ពស់មួយទៀតជូនខ្លួន នេះបើតាមរូបភាពដែល កូនប្រសាម្ចាស់ល្ខោន ភី សុគន្ធី បានបង្ហោះក្នុងបណ្ដាញសង្គម។

យ៉ាងណាមិញ ស្វាមីគំរូរូបនេះ មិនបានបញ្ជាក់ពី ថវិកាក្នុងការចំណាយធ្វើផ្ទះនេះអស់ប៉ុន្មាននោះទេ តែយើងអាចប៉ាន់ស្មានដឹងថា តម្លៃផ្ទះនេះគឺមិនតិចម៉ឺនដុល្លារឡើយ៕

ទង្វើរបស់លោក បានធ្វើឲ្យមនុស្ស ជាច្រើននាក់កំពុងកោតសរសើរ និងមានមនុស្សស្រីមិនតិចនាក់ទេ ដែលលួចច្រណែននឹងសំណាងភរិយារបស់លោក ៕ 

• ផន សុផារី