ខ្លាញ់ត្រីជាប្រភេទវីតាមីនមួយប្រភេទ ដែលទទួលបានការពេញនិយមយ៉ាងខ្លាំងពីសំណាក់ប្រជាជននៅជុំវិញពិភពលោកដែលស្រលាញ់សុខភាព។ ខ្លាញ់ត្រីធ្លាប់ជាប្រភេទវីតាមីនមួយដែលកម្រ និងមានតម្លៃថ្លៃព្រោះតែគុណប្រយោជន៍លើសលប់របស់វា។
ប៉ុន្តែនៅក្នុងពេលបច្ចុប្បន្ន យើងអាចរកទិញវីតាមីនខ្លាញ់ត្រីនេះដោយងាយ និងមានតម្លៃសមរម្យតាមបណ្តាឱសថស្ថានស្របច្បាប់ និងផ្សារទំនើបនានា។ ខ្លាញ់ត្រីភាសាផ្លូវការទូទៅដែលគ្រប់គ្នាស្គាល់ Fish Oil គឺជាសារជាតិវីតាមីនមួយប្រភេទ ចម្រាញ់ពីជាលិការបស់ខ្លាញ់ត្រីបាតសមុទ្រ ដែលសម្បូរទៅដោយអាស៊ីតខ្លាញ់ polyunsaturated ដូចជាអូមេហ្គា 3 និង sterols ដូចជា squalene ដែលរួមមានអាស៊ីត eicosapentaenoic (EPA) និងអាស៊ីត docosahexaenoic (DHA) ជាដើមដែលមានអត្ថប្រយោជន៍ខាងសុខភាពជាច្រើនយ៉ាង។
ខាងក្រោមនេះគឺជាអត្ថប្រយោជន៍ដ៏ច្រើនសន្ធឹកសន្ធាប់របស់ខ្លាញ់ត្រី ៖
គុណប្រយោជន៍ចំពោះសុខភាព
- វីតាមីន D នៅក្នុងខ្លាញ់ត្រី អាចជួយកាត់បន្ថយភាពតានតឹង ការធុញថប់ និងជំងឺ ធ្លាក់ទឹកចិត្ត
- អាចជំនួយខួរក្បាល ប្រឆាំងនឹងជំងឺវង្វេងវង្វាន់
- ជួយផលិតសាច់ដុំ ជំនួយឱ្យសាច់ដុំកាន់តែរឹងមាំ និងបង្ការបញ្ហារមួលក្រពើថែមទៀតផង
- ចំពោះស្រ្តីអាចកាត់បន្ថយការឈឺចាប់ផ្សេងៗដូចជាការឈឺចាប់ពេលមករដូវ ថែមទាំងជំនួយសុខភាពឆ្អឹង ជាពិសេសសម្រាប់ស្រ្តីដែលចូលដល់វ័យចំណាស់ដែលអស់រដូវ
- ចំពោះបុរសអាចការពារជំងឺមហារីកក្រពេញប្រូស្តាត
- អាចការពារការវិវត្តនៃជំងឺសរសៃឈាមបេះដូង
- កាត់បន្ថយបរិមាណកូលេស្តេរ៉ុលនៅក្នុងឈាមក៏ដូចជាហានិភ័យនៃជំងឺសរសៃឈាម។
- ជួយបង្កើនចរាចរឈាម កាត់បន្ថយគ្រោះថ្នាក់នៃការកកឈាម និងទប់ស្កាត់ ការលូតលាស់នៃចង្វាក់បេះដូងមិនទៀងទាត់។
- កាត់បន្ថយហានិភ័យនៃជំងឺទឹកនោមផ្អែមនិងការពារសរសៃប្រសាទនិងជាលិកាតភ្ជាប់នៅក្នុងខ្លួន។
ចំពោះសម្រស់ និងស្បែក
ខ្លាញ់ត្រីមានសារធាតុប្រឆាំងអុកស៊ីតកម្ម និងការពារកម្តៅថ្ងៃ។ វាថែមទាំងផ្ទុកនូវវីតាមីន A និង D ជាច្រើនដែលអាចជួយបង្កើនការលូតលាស់កោសិកាស្បែក និងភ្នាសរំអិល។ វីតាមីនទាំងនេះធ្វើឱ្យសក់ ក្រចក និងស្បែកមានសុខភាពល្អ ដែលនេះជាមូលហេតុដែលយើងគួរប្រើប្រាស់វាឱ្យបានទៀងទាត់។
ដុតបំផ្លាញជាតិខ្លាញ់
អ្នកវិទ្យាសាស្រ្ត និងអ្នកស្រាវជ្រាវខាងចំណីអាហារ បានផ្តល់យោបល់ថាខ្លាញ់ត្រីគឺជាវីតាមីនមួយប្រភេទដែលជួយគ្រប់គ្រងកម្រិតជាតិខ្លាញ់ ហើយអាចជួយដុតបំផ្លាញជាតិខ្លាញ់បានយ៉ាងល្អ ថែមទាំងជំនួយឱ្យអ្នកស្រកទំងន់បានកាន់តែឆាប់រហ័សបើសិនជាអ្នកហាត់ប្រាណបន្ថែម ស្របពេលដែលប្រើប្រាស់វីតាមីនខ្លាញ់ត្រីនេះ។
# ប្រការណែនាំ និងគួរចៀសវាង
ទោះជាខ្លាញ់ត្រីមានសារប្រយោជន៍ ចំពោះសុខភាពយ៉ាងណាក៏ដោយ អ្នកជំនាញបានណែនាំ និងចៀសសវាងប្រើវាក្នុងករណីមួយចំនួនដូចជា ៖
- ហាមប្រើ! ប្រសិនបើអ្នកមានបញ្ហាក្រពេញទីរ៉ូអ៊ីត ឬកម្រិតជាតិកាល់ស្យូម និងវីតាមីន D ខ្ពស់។
- ខ្លាញ់ត្រីអាចប្រើប្រាស់បានដោយការលេប ១ ទៅ ២ គ្រាប់ក្នុងមួយថ្ងៃ និងអាចបន្តការប្រើប្រាស់រហូតដល់ ១ខែ។
- អ្នកអាចទទួលទានខ្លាញ់ត្រីនេះបាន បន្ទាប់ពីហូបបាយរួច ហើយមិនគួរប្រើប្រាស់វានៅពេលដែលពោះទទេនោះទេ ព្រោះវាអាចបណ្តាលឱ្យអ្នកមានបញ្ហារំលាយអាហារ។
- អ្នកមិនត្រូវប្រើខ្លាញ់ត្រីជាមួយវីតាមីនចំរុះផ្សេងទៀតឡើយ រួមបញ្ចូលដូចជាខ្លាញ់ត្រីសាម៉ុងជាដើម៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]