បរទេស៖ ខែ្សការពាររបស់ក្រុមអធិរាជស Real Madrid កីឡាករ Dani Carvajal រំពឹងថាក្រុមរបស់ខ្លួននឹងធើ្វបានកាន់តែល្អ ហើយនឹងអាចឈ្នះគ្រប់ពានរង្វាន់ ដែលក្រុមរបស់ខ្លួនបានចូលរួមប្រកួត។
រដូវកាលថ្មីខាងមុខនេះ គឺជារដូវកាលទី១៥របស់ Carvajal នៅ Real Madrid ហើយ ពោលគឺរូបគេបានចូលរួមជាមួយក្លិបតាំងពីអាយុ១០ឆ្នាំមកម្ល៉េះ ខណៈដែលសមាជិកក្រុមជម្រើសជាតិអេស្ប៉ាញរូបនេះ បានឈ្នះពាន Champions League ដល់ទៅ៣ដង ជាមួយក្លិប គឺក្នុងឆ្នាំ២០១៤, ២០១៦ និង២០១៧។
Carvajal បាននិយាយទៅកាន់ទូរទស្សន៍របស់ Real Madrid ថា៖ «ពួកយើងចង់ឈ្នះគ្រប់ពានរង្វាន់ទាំងអស់ តាមដែលអាចធើ្វទៅបាន។ វាជារដូវកាលទី១៥របស់ខ្ញុំ ហើយគ្រប់រដូវកាលខ្ញុំពិតជាមានមោទនភាពដែលខ្ញុំអាចនៅក្លិបនេះ។ ខ្ញុំសង្ឃឹមថា ខ្ញុំអាចនឹងនៅទីនេះបានយូរទៀត។ ខ្ញុំសូមអរគុណដល់ Real Madrid ដែលបានធើ្វអ្វីគ្រប់យ៉ាង ទើបខ្ញុំមានថៃ្ងនេះ»។
Carvajal និងក្រុម Real Madrid នឹងត្រូវប្រជែងពានរង្វាន់មួយបន្ទាប់ទៀត គឺពានរង្វាន់ UEFA Super Cup ទល់នឹងក្រុមបិសាចក្រហម Manchester United៕
ប្រភព៖ Marca
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]