ខេត្តកំពង់ស្ពឺ ៖ សេចក្តីរាយការណ៍បន្តឱ្យដឹងនារសៀលថ្ងៃទី១៧ កក្កដា នេះថា ករណីស្ត្រីម្នាក់ ត្រូវឃាតករសម្លាប់នៅក្នុងផ្ទះរបស់ខ្លួន ត្រូវបានសមត្ថកិច្ចធ្វើការស្រាវជ្រាវដឹងពីតម្រុយខ្លះៗហើយ ដោយកំពុងសង្ស័យថា ជារឿងគំនុំរបស់ចោរ ដោយកម្លាំងកំពុងស្វែងរកមុខសញ្ញាហើយ ។
គួរបញ្ជាក់ថា ស្ត្រីរងគ្រោះខាងលើ មានឈ្មោះមុន គន្ធា អាយុ២៩ឆ្នាំ ជាកម្មការិនីរោងចក្រ (ត្រូវឃាតករអារ.កសម្លាប់) មានប្តីឈ្មោះព្រំ វណ្ណៈ អាយុ៣០ឆ្នាំ ជាអ្នកបើកបររថយន្តដឹកកម្មករ ។ រីឯឪពុកក្មេកឈ្មោះព្រំ សំអុល អាយុ៥០ឆ្នាំ ជាអ្នកដឹកកម្មករដែរ ទាំង៣នាក់ មានទីលំនៅក្នុងភូមិកើតហេតុខាងលើ ។
ទាក់ទិនករណីនេះ ត្រូវបុរសប្តីស្ត្រីរងគ្រោះបានបង្ហើបឱ្យសមត្ថកិច្ចដឹងថា កាលពីថ្ងៃទី១៦ កក្កដា នោះ មានក្រុមចោរបានប្លុងម៉ូតូមួយគ្រឿងនៅមុខផ្ទះរបស់គាត់ ប៉ុន្តែមិនគិតថា ជារបស់ចោរនោះទេ គឺស្មានតែរបស់អ្នកភូមិ ។ លុះចាំដល់ល្ងាចថ្ងៃដដែល អត់ឃើញម្ចាស់មកយកម៉ូតូវិញ ក៏សង្ស័យយកម៉ូតូនោះទៅទុកនៅប៉ុស្តិ៍រដ្ឋបាល និងរាយការណ៍ប្រា់សមត្ថកិច្ច ដើម្បីស្វែងរកម្ចាស់ម៉ូតូនេះ ហើយគាត់ក៏ត្រឡប់ទៅផ្ទះវិញធម្មតា ។
បុរសជាប្តីបន្តទៀតថា លុះនៅវេលាទៀបភ្លឺថ្ងៃទី១៧ កក្កដា គាត់បានងើបដេកមុនគេ បើករថយន្តដឹកកម្មករទៅរោងចក្របាត់ ។ ស្រាប់តែមានអ្នកភូមិទូរស័ព្ទប្រាប់ថា «ប្រពន្ធត្រូវគេសម្លាប់ហើយ» គាត់មានការភ្ញាក់ផ្អើលយ៉ាងខ្លាំង ។ ដោយឡែក ឪពុកក្មេកស្ត្រីរងគ្រោះក៏បានឱ្យដែរថា រូបគាត់ក៏ជាអ្នកបើករថយន្តដឹកកម្មករដូចគ្នា លុះពេលគាត់ត្រឡប់មកពីផ្ទះ វិញ ដែលនៅមិនឆ្ងាយពីផ្ទះកូននោះ (ស្ត្រីរងគ្រោះ) គាត់បានឮសំឡេងចៅប្រុសអាយុ៣ឆ្នាំស្រែកយ៉ាងខ្លាំង គាត់ឆ្ងល់ ក៏ចូលទៅមើល ទើបប្រទះឃើញកូនប្រសាស្រីដេកស្លាប់ក្នុងថ្លុកឈាមទៅហើយ ។
ក្រោយពី សមត្ថកិច្ចទទួល និងស្តាប់រឿងទាំងអស់នេះហើយ ក៏ដាក់ការសង្ស័យថា វាអាចជារឿងគំនុំរបស់ចោរហើយ អាចខឹងយកទៅរបស់ពួកវា ។ តែទោះបីជាយ៉ាងណា សមត្ថកិច្ចកំពុងធ្វើការបន្តទៀតលើករណីនេះ ដើម្បីស្វែងមុខសញ្ញាពិតប្រាកដ ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
