រាជធានីភ្នំពេញ ៖ តារាចម្រៀងផលិតកម្មថោនកញ្ញាអេនី ហ្សាម បញ្ចេញប្រតិកម្មតប ក្មេងស្រីម្នាក់ដែលប្រើពាក្យសម្តីបែបបង្អាប់រូបនាងពាក់ព័ន្ធទៅនឹងការកែច្រមុះ ។
អេនី ហ្សាម ចាត់ទុកពាក្យសម្តីក្មេងស្រីនោះដែលលើកឡើងថា «នាងកែសម្រស់តាំងពីមុន ចាប់អាជីពសិល្បៈ និងរស់មិនបានយូរ»នោះថាជាការប្រណែនឈ្នានីស ។
ឆ្លើយតបទៅនឹងការលើកឡើងពីក្មេងស្រីដាក់ឈ្មោះហ្វេសប៊ុកថា«ស្ករជូរ»នោះ តារាចម្រៀងដែលជាប្អូនស្រីបង្កើតរបស់លោកមង្គល ទីណា កញ្ញាអេនី ហ្សាម កាលពីពេល ថ្មីៗកន្លងមកសរសេរថា «ស្ករជូរ បងដូចជាធ្លាប់ជួបអូនម្តង តែបងភ្លេចបាត់ហើយថាជួបនៅពេលណា។ ជួបអូនឯងម្តងគត់ ជួបដូចមិននិយាយរកគ្នាទៀត តែបងឆ្ងល់ថាអូនឯងនិយាយមកដូចស្គាល់បងច្បាស់ណាស់អីុចឹង ហើយរបៀបអូននិយាយដូចមនុស្សផ្ចាញ់ផ្ចាល់គេអីុចឹង ដូចមនុស្សច្រណែនឈ្នាន្នីសគេ ធ្វើដូចខ្លួនឯងអស្ចារ្យណាស់ ។
អូនស្អាត អូននៅក្មេងស្អាតបែបធម្មជាតិ ចុះបងមានទៅនិយាយអីអូន មានទៅប៉ះពាល់អីអូន ម៉េចបានអូនរមាស់រឿងបងម្ល៉េះ ។ បងកែកុនជារឿងបង លុយបង មានបានទៅសុំលុយអូនឯណា ។
បើចង់និយាយថាឱ្យបង ចាំជួបចាំនិយាយផ្ទាល់មក បងឧស្សាហ៍ទៅកោះកុងណាស់ ។ លើកមុនលឺនិយាយម្តងហើយ តែបងខ្ជិលរវល់ តែទុកយូរអូនដូចជាបានដៃដល់ហើយ កុំឃើញគេ មិនមាត់ៗថាគេល្ងង់ អូនចង់បានល្បីមែន ម៉េចមិនប្រាប់បង ។ អូនឯងចង់ល្បីថតរូបស្រាតមួយប៉ុស្តិ៍ ហើយផុសទៅល្បីហើយមិនចាំបាច់និយាយថាឱ្យគេទេ ធ្វើអីុចឹងវាប៉ះពាល់ដល់គេនាំតែគេខឹង ។ បើអូនថតរូបដូចបងនិយាយហ្នឹង អូនល្បី ហើយមិនប៉ះពាល់គេទៀត ។ ថ្ងៃក្រោយកុំអីុចឹងណាអូន ពេលខុសគេប្រាប់សុំទោសគេទៅចប់ហើយ នៅឆ្ងាញ់ត្រង់ថាឱ្យគេអត់ខួរទៀត ចុះអូនមានខួរឬ បាននិយាយអីុចឹង ថាគេកុំចេះដឹងរឿងអូន ចុះអូនម៉េចចូលចិត្តចេះដឹងរឿងគេម្ល៉េះ » ។
បន្ទាប់ពីការលើកឡើងរបស់ក្មេងស្រីនោះមក មានអ្នកគាំទ្រតារាចម្រៀងអេនី ហ្សាម មួយចំនួនសម្តែងការមិនពេញចិត្ត និងស្តីឲ្យនាងវិញ។ ទោះជាយ៉ាងណាក្តី«ស្ករជូរ»មិននៅស្ងៀមក៏បង្ហោះសារឆ្លើយតបដោយខ្លីថា«ខ្ញុំគ្រាន់តែនិយាយរឿងកែច្រមុះ មិនមានរឿងអីចម្លែកសោះ ម្នាក់ៗខំ Share និងcommant ឈឺចាប់ដូចខ្ញុំជេរម៉ែគាត់អីុចឹង» ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]