អេនី ហ្សាម និងគូស្នេហ៍ កាន់តែផ្អែមល្ហែម មើលទៅហាក់យល់ចិត្តគ្នាខ្លាំង

ភ្នំពេញ៖ ពិតណាស់ កញ្ញា អេនី ហ្សាម ត្រូវបានគេស្គាល់ជាប្អូនស្រីបង្កើត របស់អតីតតារាចម្រៀងលោក មង្គល ទីណា។ ពិតណាស់ តារាចម្រៀងស្រីរូបនេះ បានសាងឈ្មោះលើវិថីសិល្បៈអស់ជាច្រើនឆ្នាំ ហើយប្រជាប្រិយភាពនាងក៏មានភាពល្បីល្បាញមិនចាញ់ តារារួមអាជីពប៉ុន្មានឡើយ។ 

យ៉ាងណាមិញ គេដឹងផងដែរថា កញ្ញា អេនី ហ្សាម ក៏ធ្លាប់បាត់មុខមួយរយៈធំលើវិស័យសិល្បៈ ប៉ុន្តែពេលនេះនាងងាកមកចូលសិល្បៈវិញ ហើយនៅតែមានហ្វេនគាំទ្រច្រើនដដែល។ បើងាកទៅមើលជីវិតឯកជន ថ្មីៗនេះនាងធ្វើឲ្យមហាជនភ្ញាក់ផ្អើល ខណៈបង្ហាញមុខគូស្នេហ៍ជាមនុស្សស្រីដូចគ្នា។

តួយ៉ាង បន្ទាប់ពីបង្ហាញមុខគូស្នេហ៍ជាសាធារណៈរួច កញ្ញា អេនីហ្សាម និងសង្សារ កាន់តែបង្ហាញភាពស្និទ្ធស្នាលជាមួយគ្នាមើលទៅមានក្ដីសុខខ្លាំង។ ម្យ៉ាងវិញទៀត ថ្មីៗនេះតារាចម្រៀងរូបនេះ បានបង្ហោះរូបជាមួយគូស្នេហ៍ឱបក្រសោបគ្នា យ៉ាងផ្អែមល្ហែម ធ្វើឲ្យហ្វេនលួចច្រណែនគ្រប់ៗគ្នា៕ 

សូមទស្សនារូបភាពខាងក្រោម៖