ភ្នំពេញ៖ តារាចម្រៀងវ័យក្មេង និងត្រូវជាកូនស្រីបង្កើត របស់តារាចម្រៀងជើងចាស់លោក ហួរ ឡាវី កញ្ញា វី ឌីណែត កំពុងរៀបចំបទចម្រៀងថ្មី និងស្ទិលថ្មីប្លែកជាច្រើនទៀត ដើម្បីបង្កើនប្រជាប្រិយភាព របស់ខ្លួននាពេលខាងមុខ។ ទោះយ៉ាងណាមិនបោះបង់ទ្រនំ ហង្សមាស ឬចាកចេញនោះទេ ខណៈផលិតកម្មប្រជុំដោយ តារាចម្រៀងជើងខ្លាំងល្បីៗក៏ដោយ។
តារាចម្រៀងស្រីវ័យរូបស្រស់សោភា កញ្ញា វី ឌីណែត បានឲ្យភ្នាក់ងារយើងដឹងថា "កាលៈទេសៈណាក៏ដោយង ខ្ញុំនៅតែបន្តនៅហង្សមាស ទោះខ្ញុំដឹងថាសមត្ថភាពខ្ញុំនៅក្រោម តារាមួយចំនួនក្ដី។ នៅទ្រនំសុទ្ធតែជើងខ្លាំងដូច្នេះ ប្រសើរជាងនៅកន្លែងខ្សោយ ។ ពេលនេះកំពុងរៀបចំបទចម្រៀងថ្មី និងស្ទិលថ្មីប្លែកជាច្រើនទៀត ដើម្បី បង្កើនប្រជាប្រិយភាពរបស់ខ្លួន នាពេលខាងមុខ។ តាមរយៈការតាំងចិត្តខ្ពស់នាងជឿថា សមត្ថភាពរបស់ខ្លួនអាចនឹង បោះជំហានកាន់តែខ្ពស់ និងឈានទៅប្រកួតប្រជែង សមត្ថភាពជាមួយតារាល្បីនានា បានក្នុងពេលឆាប់ៗ" ។
ទន្ទឹមនឹងទទួលស្គាល់ពីសមត្ថភាព នៅមានកម្រិតក្នុងផលិតកម្ម រស្មីហង្សមាស កញ្ញា វី ឌីណែត ក៏បានបង្ហាញក្ដីសប្បាយរីករាយផងដែរ បន្ទាប់ពីមួយរយៈខ្លីប៉ុណ្ណោះ កញ្ញាអាច សាងប្រជាប្រិយភាព ដោយមានទស្សនិកជនជាច្រើន ចាប់អារម្មណ៍បទមច្រៀងរបស់ខ្លួន។ តួយ៉ាងដូចជាបទ"មនុស្សចង់បែករករឿងច្រើនម្ល៉េះ" ដែលធ្វើឱ្យមិត្តយុវវ័យជាច្រើន សម្ដែងការភ្ជាក់ផ្អើល។ ប្រការដូច្នេះហើយទើបកញ្ញា គិតថាទីផ្សាររបស់នាងនឹងកាន់តែបោះជំហាន ទៅមុខបន្ទាប់ពីមានការគាំទ្រដូច្នេះ។
សូមជម្រាបថា ស្រីស្រស់រូបស្អាត កញ្ញា វី ឌីណែត បានជ្រកក្រោមទ្រនំផលិតកម្ម រស្មីហង្សមាស ជាង២ឆ្នាំហើយ។ រយៈពេល២ឆ្នាំមកនេះ កញ្ញាមានបទមច្រៀង ចេញលក់លើទីផ្សារប្រមាណ ២០បទ ក្នុងនោះបទ"មនុស្សចង់បែករករឿងច្រើនម្ល៉េះ" ទទួលការគាំទ្រច្រើនជាងគេ និងធ្វើឱ្យកញ្ញាមានភាពល្បីដល់សព្វថ្ងៃ៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]