រាជធានីភ្នំពេញ ៖ បុរសម្នាក់បានដេកស្លាប់នៅក្នុងបន្ទប់ជួល ខណៈដែលគាត់នៅផ្ទះតែម្នាក់ឯង ហើយប្រពន្ធទៅធ្វើការនៅក្រៅប្រទេស និងកូនប្រុសទៅរៀនបាត់ ហេតុការណ៍បង្កការភ្ញាក់ផ្អើលកាលពីវេលាម៉ោង៥និង៣០នាទីល្ងាច ថ្ងៃទី២២ ខែមិថុនា ឆ្នាំ២០១៧ ក្នុងបន្ទប់ជួលលេខ៨ ស្ថិតនៅភូមិថ្មគោល សង្កាត់ចោមចៅ ខណ្ឌពោធិ៍សែនជ័យ។
បុរសរងគ្រោះឈ្មោះ រ៉ង សារ៉េត អាយុ៣៧ឆ្នាំ មានស្រុកកំណើតនៅក្នុងភូមិឃុំដូង ស្រុកបាទី ខេត្តតាកែវ ចំណែកប្រពន្ធឈ្មោះអឹុម សុផារី ជាពលការិនីធ្វើការនៅប្រទេសជប៉ុន និងមានកូនប្រុសអាយុ១១ឆ្នាំ រស់នៅជាមួយឪពុក។
តាមប្រភពព័ត៌មានឲ្យដឹងថា បុរសរងគ្រោះស្នាក់នៅតែ២នាក់កូនប្រុសប៉ុណ្ណោះ ដោយប្រពន្ធទៅធ្វើការ នៅប្រទេសជប៉ុន ហើយមុនពេលកើតហេតុគាត់នៅក្នុងបន្ទប់ជួលតែម្នាក់ឯងទេ ដោយកូនប្រុសបានទៅរៀនបាត់។ ខណៈនោះមិនមាននរណាម្នាក់ដឹងថា គាត់ស្លាប់តាំងពីពេលណានោះឡើយ រហូតដល់ កូនប្រុសរបស់គាត់ត្រឡប់មកពីរៀនវិញ ហើយបើកទ្វារបន្ទប់ចូលទៅក៏ឃើញឪពុកដេកស្មានថា ឪពុកដេកលក់ក៏ទៅដាស់ឲ្យក្រោក ប៉ុន្តែទោះដាស់យ៉ាងណាស់ក៏មិនក្រោកដែរ ក្រោយមកកូនប្រុសបានចាប់អង្រួន ស្រាប់តែមានសភាពរឹងក្រញ៉ង់ៗទៅហើយ ក៏ស្រែកយំ និងហៅអ្នកជិតខាងឲ្យជួយមើល ទើបបង្កឲ្យមានការភ្ញាក់ផ្អើលទាំងល្ងាចតែម្ដង។
ប្រភពដដែលបន្តទៀតថា បន្ទាប់ពីមានការភ្ញាក់ផ្អើលបែបនេះ កម្លាំងនគរបាលប៉ុស្ដិ៍ចោមចៅ រួមជាមួយកម្លាំងនគរបាលបច្ចេកទេសនៃអធិការដ្ឋាន បានចុះទៅធ្វើការពិនិត្យ និងកោសល្យវិច័យ ទើបដឹងថា ជនរងគ្រោះរូបនោះស្លាប់ដោយសារខ្យល់គរ និងបានផ្ដល់ដំណឹងដល់ក្រុមគ្រួសារដើម្បីនាំយកទៅធ្វើបុណ្យតាមប្រពៃណី៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
