ភ្នំពេញ៖ តារាចម្រៀង និងជាពិធីការិនីអ្នកនាង ខាត់ សុឃីម បន្ទាប់ពីប្រកាស ប្រមូលក្រុមគ្រួសារ ដែលមានសមជិកប្រមាណ ៤០នាក់ដើម្បីផលិត ចម្រៀងសម្រាប់ចូលឆ្នាំ ប្រពៃណីជាតិផ្ទាល់ខ្លួន ។ ហើយនាថ្ងៃស្អែកដល់ពេលថតMV តែនាងថា គេងមិនលក់ទេ គិតការងារ ថ្ងៃស្អែក គឺជាការរៀបចំដំបូងរបស់ក្រុម ទោះយ៉ាងណាក៏ត្រូវពឹងលើ បងប្អូនហើយសូមជួយផងណា ។
សម្រាប់ការផលិតចម្រៀង លើកដំបូងដែលចូលរួមដោយ សមាជិកគ្រួសារត្រកូលខាត់ទាំងអស់ ដោយអ្នកនាងបង្ហាញពីការ រំពឹងតែ១ភាគរយប៉ុណ្ណោះ ទោះជោគជ័យ ឬមិនជោគជ័យក៏ដោយ តែ អ្នកនាង ខាត់ សុឃីម បានបង្ហាញក្តីបារម្ភថា គេងមិនលក់ទេ គិតការងារ ថ្ងៃស្អែក គឺជាការរៀបចំដំបូងរបស់ក្រុម family KHAT Brandname HD ថតMV ទោះយ៉ាងណាក៏ត្រូវពឹង លើបងប្អូនហើយសូមជួយផងណា ។
ពិធីការិនីរូបស្រស់ អ្នកនាង ខាត់ សុឃីម ក៏ធ្លាប់ឲ្យដឹងថា បន្ទាប់ពីមើលឃើញថារយៈពេល ២ឆ្នាំចុងក្រោយយុវជនចូលចិត្ត តែចង្វាក់ញាក់កន្ត្រាក់អារម្មណ៍ សម្រាប់ពិធីបុណ្យ ចូលឆ្នាំប្រពៃណីជាតិ ដោយភ្លេចចង្វាក់ប្រពៃណី។ ធាតុពិតគឺខ្ញុំមើលឃើញចឹងមែន បុណ្យចូលឆ្នាំប្រពៃណីជាតិមួយ រយៈចុងក្រោយទៅដល់ណា ក៏ឃើញតែគេរាំបទញាក់ ដោយមិនសូវឃើញគេ រាំចង្វាក់ប្រពៃណីទាល់តែសោះ។ អីចឹងខ្ញុំក៏គិតប្រមូលគ្រួសារ របស់ខ្ញុំទាំងអស់ផលិតចម្រៀង ប្រពៃណីតែម្ដង ទោះជោគជ័យ ឬមិនជោគជ័យក៏ដោយ ។
តារាចម្រៀងស្រីរូបនេះបន្តថា បទចម្រៀងចូលឆ្នាំប្រពៃណី ជាតិដែលក្រុមគ្រួសាររបស់ ខ្លួនផលិតលើកដំបូងមានចំនួន ១០បទ និងមានគ្រប់ចង្វាក់ទាំងអស់។ ក្នុងនោះមានការ ចូលរួមនិពន្ធពីលោក ដួង សុខគា ពិធីករ និងជាអ្នកចម្រៀងអាយ៉ៃល្បីឈ្មោះ។ នាងខ្ញុំមិនទាន់បង្ហាញក្ដីរំពឹង ពីជោគជ័យខ្ពស់នៅឡើយទេ សម្រាប់ការផលិតចម្រៀង លើកដំបូងដែលចូលរួមដោយ សមាជិកគ្រួសារត្រកូលខាត់ទាំងអស់ ដោយអ្នកនាងបង្ហាញការរំពឹងតែ ១ភាគរយប៉ុណ្ណោះ ។
សូមជម្រាបថា ទោះយ៉ាងណាក៏ដោយ តារាចម្រៀងរូបនេះសំណូមពរឱ្យ ទស្សនិកជនជួយលើកទឹកចិត្ត មច្រៀងចូលឆ្នាំប្រពៃណី ជាតិឱ្យបានច្រើន អភិរក្ស និងលើកកម្ពស់ចង្វាក់ប្រពៃណី ជាតិខ្មែរឱ្យនៅគង់វង្សតទៅទៀត។ អ្នកនាង ខាត់ សុឃីម និងក្រុមគ្រួសារត្រកូល ខាត់ នឹងចាប់ផ្ដើមថតចម្រៀង ចូលឆ្នាំប្រពៃណីជាតិនៅថ្ងៃទី ១៩ ២០ និង២១ ខែមីនា ខាងមុខ ហើយត្រៀមនឹងចេញលក់ លើទីផ្សារក្នុងពេលដ៏ខ្លីខាងមុខ៕
ប្រភព៖ ដើមអម្ពិល
ដោយឡែក ព័ត៌មានគួរឲ្យចាប់អារម្មណ៍មួយផ្សេងទៀត៖
សុខ ពិសី ជូនពរលោក វេជ្ជបណ្ឌិត Beat Richner ឱ្យឆាប់ជាពីជំងឺ
ភ្នំពេញ៖ យោងតាមការប្រកាស របស់មន្ទីរពេទ្យគន្ធបុប្ផា នៅថ្ងៃទី ២៨ ខែមីនា ឆ្នាំ២០១៧ ម្សិលមិញនេះ បានឱ្យដឹងថា លោកវេជ្ជបណ្ឌិត Beat Richner ដែលជាស្ថាបនិកមន្ទីរពេទ្យគន្ធបុប្ផា កំពុងធ្លាក់ខ្លួនឈឺជាទម្ងន់ ហើយកំពុងទទួលការសង្រ្គោះនៅឯមន្ទីរពេទ្យក្នុងប្រទេសស្វីស។
ដោយសារតែលោកមានជំងឺដូច្នេះ នៅក្នុងសេចក្តីប្រកាសក៏បានបញ្ជាក់ទៀតថា លោកវេជ្ជបណ្ឌិត Beat Richner នឹងលាលែងពីតំណែងជាប្រធានមន្ទីរពេទ្យគន្ធបុប្ជានាពេលខាងមុខនេះហើយ។ ចំណែកឯតំណែងជាប្រធានគ្រប់គ្រងមន្ទីរពេទ្យគន្ធបុប្ផា នឹងត្រូវប្រគល់ជូនលោកវេជ្ជបណ្ឌិត Peter Studer ដែលជាអនុប្រធានមន្ទីរពេទ្យនាពេលបច្ចុប្បន្ននេះជំនួសវិញ។
ដំណឹងនេះពិតជាធ្វើឱ្យមានការព្រួយបារម្ភយ៉ាងខ្លាំង សម្រាប់ប្រជាជនកម្ពុជាយើងភាគច្រើន ដែលធ្លាប់បាន ទទួលការព្យាបាលពីមន្ទីរពេទ្យគន្ធបុប្ផាកន្លងមក។
ក្នុងនោះកញ្ញា សុខ ពិសី ដែលជាតារាចម្រៀងនៅក្នុងផលិតកម្មសាន់ដេ ក៏ធ្លាប់ជាកុមារមួយរូប ដែលធ្លាប់បានទទួលការព្យាបាលពីមន្ទីរពេទ្យនេះផងដែរ ព្រោះនាងបានប្រាប់ឱ្យដឹងថា កាលពីតូចរាល់ពេលឈឺ ម្តាយនាងតែងតែយកទៅព្យាបាលនៅមន្ទីរពេទ្យគន្ធបុប្ផា។
គ្រាន់តែឮដំណឹងថា លោកវេជ្ជបណ្ឌិត Beat Richner ធ្លាក់ខ្លួនឈឺ កញ្ញា ក៏បានជូនពរលោកតាមរយៈបណ្តាញសង្គមហ្វេសប៊ុករបស់ខ្លួនថា៖
«Please recovery soon my hero love u ខ្ញុំបារម្ភពីវីរបុរស beat richner ណាស់ គាត់មានគុណលើកុមារកម្ពុជាច្រើនណាស់ រួមទាំងខ្ញុំដែរ ចាំបានកាលនៅតូចគ្រប់ពេលដែលខ្ញុំ ឈឺម៉ាក់តែងតែយកខ្ញុំមកព្យាបាលនៅមន្ទីរពេទ្យគន្ធបុប្ផា»។
ចុះប្រិយមិត្តទាំងអស់គ្នាវិញ ចង់និយាយអ្វីខ្លះទៅកាន់លោកវេជ្ជបណ្ឌិត Beat Richner ដែលជាស្ថាបនិកមន្ទីរពេទ្យគន្ធបុប្ផារបស់យើង?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]