ខេត្តបាត់ដំបង ៖ សេចក្តីរាយការណ៍បានឱ្យដឹងថា មានការភ្ញាក់ផ្អើលនិងធ្វើឱ្យម្នាក់ៗហួសចិត្តជាខ្លាំង ដោយសារតែមានក្មេងស្រីអាយុ ១០ឆ្នាំប៉ុណ្ណោះ បានធ្វើអត្តឃាតដោយយកក្រមាចង.ក បញ្ចប់ជីវិតខ្លួនឯងនៅនឹងធ្នឹមផ្ទះ កើតឡើងកាលពីវេលាម៉ោង០៨ និង១៥នាទីព្រឹកថ្ងៃទី២៣ មីនា ស្ថិតក្នុងភូមិអន្លង់វិល ឃុំអន្លង់វិល ស្រុកសង្កែ ខេត្តបាត់ដំបង ។
ប្រភពឱ្យដឹងថា ក្មេងស្រីរងគ្រោះមានឈ្មោះជា ចំរើន អាយុ១០ឆ្នាំ រៀនថ្នាក់ទី៣ ។ ពាក់ព័ន្ធករណីនេះ គ្មានអ្នកណាម្នាក់ ដឹងពីមូលហេតុ ដែលក្មេងស្រីរូបនេះចង.កសម្លាប់ខ្លួននោះទេ សូម្បីតែឪពុកម្តាយ ។
ប្រភពបន្តថា បើតាមការអះអាងពីបងស្រី អាយុ១៣ឆ្នាំថា មុនពេលកើតហេតុ ខ្លួននិងប្អូនស្រី (ក្មេងរងគ្រោះ) បានទៅមើលទូរទស្សន៍នៅផ្ទះអ្នកជិតខាង (គឺនៅខាងមុខផ្ទះរបស់ខ្លួន) ។ មួយសន្ទុះស្រាប់តែបាត់ប្អូនស្រី មិនដឹងទៅណា តែខ្លួនក៏មិនបានចាប់អារម្មណ៍អ្វីដែរ ។ លុះពេលខ្លួនដើរមកផ្ទះវិញ ដើម្បីរៀបចំបាយទឹក ស្រាប់តែប្រទះឃើញប្អូនស្រីចង.ក ស្លាប់បាត់ទៅហើយ ដោយឃើញដាក់កៅអីជ័រឡើងទៅចង.កតែម្តង ។
បច្ចុប្បន្ន សមត្ថកិច្ចកំពុងត្រួតពិនិត្យ និងស្រាវជ្រាវរកមូលហេតុយ៉ាងយកចិត្តបំផុត ។
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
ញាក់សាច់! ឡានក្រុង«រិទ្ធិមុន្នី» បើកចូលខ្យូសមានមនុស្សកំពុងអង្គុយញ៉ាំ (មានវីដេអូ)
ខេត្តបាត់ដំបង ៖ សេចក្តីរាយការណ៍បានឱ្យដឹងថា មានករណីគ្រោះថ្នាក់ចរាចរណ៍ដ៏រន្ធត់មួយ ដោយរថយន្តក្រុងដឹកអ្នកដំណើររបស់ក្រុមហ៊ុន «រិទ្ធិមុន្នី» បានជ្រុលទៅបុកកន្លែង«ខ្យូស» លក់សាច់កណ្តុរតាមផ្លូវប្រហែល៥-៦តូបខ្ទេចខ្ទី និងកំពុងសង្ស័យមនុស្សដែលអង្គុយក្នុងខ្យូសធ្លាក់ចូលទឹកទៀត ។ រថយន្តបង្កនៅមិនទាន់អស់ចិត្ត បានបន្តបុករថយន្តកាមរីកំពុងចតស្ងៀមមួយគ្រឿង និងថែមទាំងបុកម៉ូតូ៤គ្រឿងទៀត (សុទ្ធសឹងតែរបស់ភ្ញៀវក្នុងខ្យូស) ទើបរថយន្តបង្កនោះ ស្ងប់ចិត្តធ្លាក់ចូលទឹកអូរតាគីតែម្តង ។
ហេតុការណ៍នេះ កើតឡើងកាលពីវេលាម៉ោង០៣ និង១៥នាទីរសៀលថ្ងៃទី២២ មីនា ស្ថិតតាមបណ្តោយផ្លូជាតិលេខ៥ (ក្បែរស្ពានអូរតាគី) ក្នុងភូមិអូរតាគី ឃុំអូរតាគី ក្រុងបាត់ដំបង ។
ប្រភពឱ្យដឹងថា រថយន្តក្រុងបង្កខាងលើ មានពាក់ស្លាកលេខភ្នំពេញ 3B-4085 (ធ្វើដំណើរពីភ្នំពេញ ទៅខេត្តបន្ទាយមានជ័យ) ។ រីឯរថយន្តកាមរីដែលចតស្ងៀម មានពាក់ស្លាកលេខភ្នំពេញ2A-5220 និងម៉ូតូ៤គ្រឿងទៀតមិនទាន់ស្គាល់ស្លាកលេខ តែបានរងការខូចខាតយ៉ាងដំណំ ។
ក្នុងហេតុការណ៍ខាងលើ គេមិនទាន់ដឹងពីមូលហេតុនោះទេ ហើយចំពោះមនុស្សដែលរងគ្រោះថ្នាក់ ក៏មិនទាន់ដឹងថា មានប៉ុន្មាននាក់នោះដែរ តែត្រូវគេសង្ស័យថា អាចមានមនុស្សធ្លាក់ចូលទឹកអូរតាគីយ៉ាងតិច២នាក់ដែរ ។ ពេលនេះ សមត្ថកិច្ចកំពុងចុះពិនិត្យ និងរកវិធី ដើម្បីលើករថយន្តក្រុងបង្កនេះ ឡើងមកគោកវិញ ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
