ហ៊ានណាស់! យកជីវិតទៅលេងសើច ជាមួយត្រីឆ្លាម (មានវីដេអូ)

បាហាម៉ាស៖ សត្វត្រីឆ្លាមត្រូវបានគេយកមកចិញ្ចឹមក្នុងអាងកញ្ចក់ ដែលវាអាចបង្កជាទស្សនីយ៍ភាពប្លែកភ្នែកមួយ សម្រាប់អ្នកទេសចរ បើថ្វីត្បិតតែឆ្លាមមិនមែនជាសត្វកម្រ ប៉ុន្ដែវាក៏មិនងាយបង្ហាញខ្លួនឲ្យយើងឃើញងាយៗដែរ។

បើទោះបីជាវាសាហាវយ៉ាងណាក៏ដោយ ក៏នៅតែមានមនុស្សឈាមរាវ ហ៊ានប្រថុយប្រថានជាមួយវាផងដែរ ខណៈដែលវីដេអូត្រូវបានគេចែកចាយពេញ Instagram ដែលជាសកម្មភាពបុរសម្នាក់ហក់ចូលទៅក្នុងអាងចិញ្ចឹមត្រីឆ្លាមដោយមិនខ្លាចញញើត។

វីដេអូត្រូវបានថតក្នុងសួនកម្សាន្ត Atlantis នៃប្រទេសបាហាម៉ាស។ បុរសម្នាក់គ្រាន់តែហក់ចូលទៅក្នុងអាងភ្លាម បង្កសម្លេងខ្ជាយទឹក ស្រាប់តែមានត្រីឆ្លាមស្ទុះហែលសំដៅមកកាន់បុរសនោះ ធ្វើឲ្យគេស្ទុះស្ទាតោងឡើងមកវិញសឹងមិនទាន់។

បើទោះបីជាក្នុងឃ្លីបវីដេអូ មានសម្លេងសើចសប្បាយ បុ៉ន្តែបុរសដែលហក់ចូលទៅក្នុងអាងនោះក៏ភ័យមិនស្ទើរដែរ។

គួរឲ្យដឹងថាបុរសនោះហ៊ានប្រថុយប្រថានបែបនេះ ក៏ដើម្បីចង់ឲ្យទំព័រ Instagram របស់ខ្លួនល្បីប៉ុណ្ណោះ ហើយពេលដែលគេហក់ចូលទៅក្នុងទឹកនោះ គេកំពុងស្ថិតក្នុងអាការៈស្រវឹងដែលធ្វើឲ្យគេហ៊ានបែបនេះ៕

តើប្រិយមិត្តទាំងអស់គ្នាគិតយ៉ាងណាដែរ?

ដោយឡែកពត៌មានគួរឲ្យចាប់អារម្មណ៍មួយទៀត៖

បុគ្គលិកក្នុងហាងអាហារមួយ វាយភ្ញៀវទក់សាច់ ដោយសារកុម្ម៉ង់រញ៉េរញ៉ៃពេក (មានវីដេអូ)

អាមេរិក៖ បុគ្គលិកក្នុងហាងអាហារ ត្រូវតែមានលក្ខណៈសម្បត្តិល្អក្នុងការទទួលរាក់ទាក់ភ្ញៀវដែលបានចូលមកក្នុងហាងរបស់ខ្លួន ដោយពួកគេត្រូវតាំងចិត្តបម្រើអតិថិជនឲ្យអស់ពីចិត្តពីថ្លើមទៅតាមដែលអ្វី ដែលពួកគេអាចធ្វើទៅបាន។

ដោយឡែកបុគ្គលិក ផ្នែកទទួលកុម្មង់ម្ហូបអាហារប្រភេទFast food មួយក្នុងសហរដ្ឋអាមេរិក ត្រូវបានគេប្រទះឃើញ បុគ្គលិករូបនោះ បានស្ទុះទៅវាយអតិថិជនដែលកំពុងកុម្មង់អាហារក្នុងហាងរបស់ខ្លួន យ៉ាងកម្រោលដោយសារតែភ្ញៀវកុម្ម៉ង់អាហាររញ៉េរញ៉ៃពេក។

តាមរយៈឃ្លីបវីដេអូដ៏ព្រៃផ្សៃនេះ ត្រូវបានគេដឹងថា ហេតុកាណ៍នេះបានកើតឡើងក្នុងហាងលក់អាហារfast food របស់អាមេរិកឈ្មោះ Wendi ដែលជាហាងផ្គត់ផ្គង់បឺហ្គឺ ដ៏ធំរបស់អាមេរិក ប៉ុន្តែមិនបានបញ្ជាក់ថានៅក្នុងរដ្ឋណា ឬទីក្រុងណានោះទេ។

ជនបង្កហិង្សាជាបុគ្គលិកម្នាក់ក្នុងហាងនោះ បានវាយបុរសដែលជាអតិថិជននោះយ៉ាងញាប់ដៃ ដោយមិនឲ្យបុរសរងគ្រោះអាចតដៃបានឡើយ ហើយគេក៏បាននិយាយបន្ថែមទៀតថា រូបគេនឹងសម្លាប់បុរសរងគ្រោះ ដែលសម្ដីនេះបានបង្ហាញពីកំហឹងយ៉ាងខ្លាំងក្លារបស់បុគ្គលិកនោះ បើទោះបីជាអ្នកដែលនៅក្នុងហេតុការណ៍នោះ បានស្រែកឃាត់ និងគម្រាមហៅប៉ូលិសយ៉ាងណាក៏ដោយ។

យ៉ាងណាមិញ យើងក៏មិនទាន់បានដឹងអំពី ដើមហេតុច្បាស់លាស់ ដែលបណ្ដាលឲ្យបុគ្គលិករូបនេះខឹងសម្បារដល់ថា្នក់ប្រើអំពីហិង្សា គ្រាន់តែដឹងថាបុរសរងគ្រោះជាអតិថិជនបានកុម្មង់រញ៉េរញ៉ៃ និងបង្ហាញចរិតមើលងាយមើលថោក មិនឲ្យតម្លៃអ្នកទទួលភ្ញៀវ មុនពេលផ្ទុះអំពើហិង្សាកើតឡើង។

ប៉ូលិសក៏កំពុងស្រាវជ្រាវ និងទាក់ទងទៅហាង Wendi ដើម្បីសុំការបំភ្លឺ៕

• វីដេអូ