មើលរូបភាពខាងក្នុងហើយ បានដឹងថា ខុនដូរបស់តារាស្រី YaYa Urassaya កំពុងរស់នៅទំនើបខ្លាំងប៉ុណ្ណា!

ថៃ៖ តារាសម្តែងស្រីកូនកាត់ថៃ-ន័រវេស កញ្ញា YaYa Urassaya បានទទួលជោគជ័យនិងប្រជាប្រិយយ៉ាងខ្លាំងក្លា បន្ទាប់ពីបញ្ចប់រឿងភាគថ្មីរបស់ខ្លួនដែលមានចំណងជើងថា «រលកជីវិត»។

ជាតួអង្គនៅក្នុងខ្សែភាពយន្ត YaYa Urassaya បានដើរជាតួកម្សត់ ជួបតែរឿងឈឺចាប់គ្មានស្បើយ ប៉ុន្តែសម្រាប់ជីវិតពិតរបស់នាងវិញ គឺពិតជាល្អប្រសើរខ្លាំងណាស់។

នាងបានរស់នៅក្នុងខុនដូដ៏ប្រណិតមួយ ដែលមានភាពទំនើបទាន់សម័យ តុបតែងលម្អទៅដោយសម្ភារៈប្រណិតៗយ៉ាងច្រើនសន្ធឹកសន្ទាប់។ ទាំងបរិវេណក៏ធំទូលាយគួរឱ្យចង់រស់នៅ បរិយាកាសមើលពីលើខុនដូទៅក៏ស្រស់ស្អាតថែមទៀត។ មើលហើយបានដឹងថា គួរជាទីមនោរម្យខ្លាំងប៉ុណ្ណា។

ថ្ងៃនេះយើងនឹងនាំអារម្មណ៍របស់អ្នកគាំទ្រ ទៅមើលខុនដូរបស់កញ្ញា YaYa Urassaya បន្តិចថា តើមានលក្ខណៈទំនើបទាន់សម័យយ៉ាងណាខ្លះ? 

ទស្សនាកម្រងរូបភាពស្អាតៗពីខុនដូរបស់កញ្ញា YaYa Urassaya ដូចខាងក្រោម៖ 

កំណត់ហេតុខ្មែរឡូត៖

ដោយឡែករំលឹកព័ត៌មានចាស់គួរឱ្យចាប់អារម្មណ៍មួយផ្សេងទៀតគឺ៖

YaYa Urassaya ស៊ិចស៊ីខ្លាំង ក្រោយជោគជ័យក្នុងរឿងថ្មីរបស់ខ្លួន

ថ្មីៗនេះ សន្ទុះប្រជាប្រិយភាពរបស់តារាសម្តែងស្រីវ័យក្មេង កញ្ញា Yaya Urassaya បានហក់ឡើងយ៉ាងខ្លាំងក្លា តាមរយៈរឿងភាគថ្មីរបស់ខ្លួន ដែលមានចំណងជើងថា «រលកជីវិត»។

គូជាមួយកម្លោះសង្ហា Mark Prin ស្រីស្អាត Yaya Urassaya បានទទួលការកោតសរសើរជាច្រើនពីសំណាក់អ្នកទស្សនាថា សម្តែងសម ចូលតួបានល្អគ្រប់ឈុតឆាក មិនថាជាឆាកស្នេហា កម្សត់ស្រក់ទឹកភ្នែក ឬក៏ឈុតវាយគ្នាជាមួយតួស្រីផ្សេងៗទៀត។

ងាកមកមើលពីជីវិតពិត Yaya Urassaya គឺជាកូនកាត់ជនជាតិថៃ-ន័រវេសមួយរូប ដែលជារឿយៗ គេកម្រឃើញនាងតែងខ្លួនស៊ិចស៊ីបញ្ចេញសាច់ខ្ចីបង្អួតកម្លោះៗណាស់។

ប៉ុន្តែមួយរយៈក្រោយនេះ បន្ទាប់ពីទទួលបានការគាំទ្រច្រើននៅក្នុងការសម្តែជាតួឯកស្រីរឿង «រលកជីវិត» បានធ្វើនាងមានភាពប្រែប្រួលខ្លាំង គួរឱ្យកត់សម្គាល់។ ពិសេសគឺទៅលើការស្លៀកពាក់តុបតែងខ្លួន ពេលចេញតាមកម្មវិធីផ្សេងៗ មើលទៅស៊ិចស៊ីខ្លាំង។

ជាក់ស្តែងនៅក្នុងកម្មវិធីប្រគល់ពានរង្វាន់ OK! Awards កញ្ញា Yaya Urassaya បានស្លៀករ៉ូបពណ៌ខ្មៅមួយឈុត បង្អួតសាច់ដើមទ្រូងដល់ភ្នែកអ្នកគាំទ្រ។

ទន្ទឹមគ្នានេះដែរ គេក៏ឃើញ Nadech Kugimiya គូស្នេហ៍ជាទីស្រលាញ់តាមមើលថែនាងស្អិតផងដែរ ក្រោយមានលេចឮពាក្យចចាមអារ៉ាមមិនល្អមួយចំនួន ព្រោះតែការសម្តែងស្និទ្ធស្នាលគ្នារវាងកញ្ញា Yaya និង Mark Prin ៕

• ម៉ូត
• ទីកន្លែង
• រូបភាព