តណ្ហាជ្រុល! សូម្បីមេគោក៏មិនលើកលែង... ប៉ូលិសចាប់បានហើយ នៅញញឹមស្រស់ទៀត

ថៃ៖ ហេតុការណ៍ដ៏ហួសចិត្តមួយបានកើតឡើងកាលពីព្រឹកថ្ងៃសុក្រ ទី០៣ ខែមីនា ឆ្នាំ២០១៧ កន្លងទៅ ដោយសារបុរសចំណាស់ វ័យ៤០ឆ្នាំម្នាក់ ត្រូវបានប៉ូលិសឃាត់ខ្លួនទាំងអាក្រាតកាយ ពីបទរំលោភមេគោនៅគុម្ពោតស្មៅ ក្បែរដងផ្លូវមួយកន្លែង ក្នុងខេត្តឡាំប៉ាង ប្រទេសថៃ។ 

យោងតាមប្រភពព័ត៌មានបានចុះផ្សាយឲ្យដឹងថា បុរសជនជាតិថៃម្នាក់ មិនស្គាល់អត្តសញ្ញាណ ត្រូវបានអ្នកភូមិនាំគ្នាដេញចាប់ទាំងព្រឹក បន្ទាប់ពីបានប្រទះឃើញបុរសស្រែកឃ្លានតណ្ហារូបនេះ កំពុងឱបថើប និងធ្វើសកម្មភាពរំលោភទៅលើមេគោ។

ជនល្មោភកាមរូបនេះ ទីបំផុតត្រូវបានអ្នកភូមិដេញព័ទ្ធចាប់បាន បន្ទាប់ពីចូលទៅសម្ងំខ្លួននៅក្នុងបន្ទប់ទឹក។ ក្រោយមកម្ចាស់គោក៏បានប្តឹងទៅសមត្ថកិច្ច និងឃាត់ខ្លួនបាននៅនឹងកន្លែងតែម្តង។

អ្វីដែលហួសចិត្តនឹកស្មានមិនដល់នោះ ជនល្មោភកាមរូបនេះ នៅតែបញ្ចេញទឹកមុខរីករាយ ញញឹមស្រស់ បើទោះបីជាត្រូវបានប៉ូលិសឃាត់ខ្លួនទាំងអាក្រាតកាយយ៉ាងណាក៏ដោយ។ មួយវិញទៀត បើស្តាប់តាមចម្លើយសារភាព ជនល្មោភកាមរូបនេះ បាននិយាយថាដោយសារតែខ្លួនមិនអាចទប់អារម្មណ៍ចំណង់ផ្លូវភេទបាន ទើបប្រព្រឹត្តរឿងបែបនេះ ទាំងអារម្មណ៍ពុះកញ្ជ្រោលមិនអាចបញ្ឈប់បាន។

ដោយឡែកចំពោះម្ចាស់គោវិញ មានមុខរបរជាកសិករ ឈ្មោះ Tong Kai អាយុ៦៥ឆ្នាំ បាននិយាយថា «មុនពេលកើតហេតុ ខ្ញុំឃើញបុរសម្នាក់ទៅក្បែរគោ ហើយក៏បានចាប់ផ្តើមរំលោភគោរបស់ខ្ញុំ។ បន្ទាប់មកខ្ញុំ និងអ្នកជិតខាងផ្សេងទៀតក៏បាននាំគ្នាដេញចាប់បាន និងប្តឹងប៉ូលិសតែម្តងទៅ» ។

រីឯក្រុមសមត្ថកិច្ចវិញ បានវាយតម្លៃថា ជនល្មោភកាមរូបនេះអាចនឹងមានជាតិស្រវឹងក្នុងខ្លួន ទើបធ្វើឲ្យគេមានចំណង់ផ្លូវភេទបែបនេះ តែយ៉ាងណាក៏ដោយ ជនសង្ស័យត្រូវបានអ្នកភូមិបរិច្ចាគខោខ្លីមួយ ក្រោយពីសមត្ថកិច្ចធ្វើការឃាត់ខ្លួន បញ្ជូនទៅប៉ុស្តិ៍នគរបាលដើម្បីធ្វើការសួរនាំ៕    

ប្រភព៖ Dailymail

ដោយឡែករំលឹកព័ត៌មានមួយផ្សេងទៀត៖ ចេះតែមាន! យុវជនម្នាក់ ចំណាយលុយយ៉ាងច្រើន ដើម្បីវះកាត់កែសម្ផស្ស ឲ្យដូចមនុស្សក្រៅភព Alien

អាមេរិក៖ ស្ថិតក្នុងសម័យបច្ចេកវិទ្យាដ៏ទំនើបនេះ មនុស្សជាច្រើននៅជុំវិញពិភពលោក មិនថាប្រុសមិនថាស្រី តែងតែប្រាថ្នាចង់បាននូវរូបស្រស់ស្អាត និងសង្ហារ សាកសមជាមួយនឹងដងខ្លួន ដើម្បីជាភាពទាក់ទាញក្នុងក្រសែភ្នែករបស់អ្នកដទៃ។ ខណៈក៏មានមនុស្សមួយ សុខចិត្តចំណាយលុយអស់ខ្ទង់រាប់ពាន់ រាប់ម៉ឺនដុល្លារ ដើម្បីធ្វើការវះកាត់កែសម្ផស្សឲ្យស្អាតផងដែរ។

ដោយឡែក ងាកមកមើលយុវជនសញ្ជាតិអាមេរិកម្នាក់ មានវ័យ២២ឆ្នាំនេះវិញ បែរជាមានគំនិតគិតផ្ទុយស្រឡះពីមនុស្សគ្រប់ ដោយចំណាយលុយអស់ជាច្រើនម៉ឺនដុល្លារ ធ្វើការវះកាត់កែសម្ផស្ស ដើម្បីផ្លាស់ប្តូរខ្លួនឯងឲ្យក្លាយទៅជា មនុស្សក្រៅភព ឬហៅថា «Alien» ទៅវិញ។

Vinny Ohh មកពីទីក្រុង Los Angeles រដ្ឋកាលីហ្វ័រញ៉ា សហរដ្ឋអាមេរិក បានឆ្លងកាត់ដំណើរការវះកាត់កែសម្ផស្ស រហូតដល់ទៅជាង១១០ដង ដោយចំណាយអស់ប្រាក់ជាង ៥០,០០០ដុល្លារអាមេរិក ដោយសារតែចង់ក្លាយខ្លួនទៅជាមនុស្សក្រៅភព (Alien) ។

ជាក់ស្តែងតាមរយៈរូបភាពប៉ុន្មានសន្លឹក ដែលយុវជនវ័យជំទង់ Vinny បានថតឡើងមកនេះ ក្នុងកាយវិការដ៏សែនល្វត់ល្វន់ ដោយមានការតុបតែងខ្លួនយ៉ាងចម្លែក ត្រូវបានគេជឿជាក់ថា មើលទៅគេហាក់បីដូចជាមិនមែនជាបុរសភេទ ហើយរឹតតែមិនមែនជានារីភេទ ឲ្យចំលក្ខណៈពិតប្រាកដឡើយ។

ប្រភពបានឲ្យដឹងថា នៅអាយុ១៧ឆ្នាំ Vinny បានចាប់ផ្តើមកែបបូរមាត់ជាលើដំបូង មុនពេលដែលចាប់ផ្តើម ធ្វើការវះកែកាត់កែ ជាបន្តបន្ទាប់ទៅលើ ច្រមុះ ចង្កា និងឆ្អឹងត្រង់បរិវេណចិញ្ចើម និងនៅចំណុចផ្សេងទៀតជាច្រើន នៅលើដងខ្លួនរបស់គេ។

តាមរយៈរូបភាពផ្សេងទៀត គេឃើញដែរថា Vinny ដែលមានតួនាទីធ្វើការងារ ជាតារាម៉ូដែលក្រៅម៉ោងខាងលើនេះ បានពាក់នូវ Contact Lenses ពណ៌ខ្មៅក្រិប រួមជាមួយនឹងក្រញ៉ាំសត្វ ប្រៀបបីដូចជាពួក Alien (មនុស្សចម្លែកក្រៅភព) និងបានពាក់សក់ក្លែងក្លាយ ពណ៌ឆើតឆាយថែមទៀតផង។

ទោះបីជាយ៉ាងណាក្តី Vinny បាននិយាយថា «ខ្ញុំចង់ក្លាយខ្លួនជា Alien ដែលគ្មានភេទដូចជាមនុស្ស។ ខ្ញុំចង់ឲ្យរូបភាពខាងក្រៅរបស់ខ្ញុំ ឆ្លុះបញ្ចាំងពីអារម្មណដែលខ្ញុំមាននៅខាងក្នុង។ រាល់រូបភាពដែលបង្ហាញឡើង ខ្ញុំពិតជាចង់ធ្វើជាកូនកាត់ដូចពួក Alien ណាស់! មិនមែនជាប្រុស ហើយក៏មិនមែនជាស្រីដែរ។ ខ្ញុំចង់វះកាត់ប្រដាប់ភេទរបស់ខ្ញុំចោល តាំងពីអាយុ ១៧ឆ្នាំមកម្ល៉េះ ប៉ុន្តែនៅពេលដែលទៅជួបគ្រូពេទ្យ គេថាធ្វើអ៊ីចឹងវាអាចទៅរួច តែបញ្ហាអាក្រក់នឹងធ្លាក់មក» ។

Vinny បានបន្ថែមទៀតថា «ខ្ញុំមិនចង់ឲ្យគេថា ខ្ញុំព្យាយាមកែខ្លួនឯង ឲ្យដូចទៅជាមនុស្សស្រីឡើយ។ ខ្ញុំអាចរស់តែម្នាក់ឯងបាន ដោយគ្មានចំណង់ខាងផ្លូវភេទ ដូច្នេះហើយទើបជាមូលហេតុ ដែលខ្ញុំសួរខ្លួនឯងថា ហេតុអីខ្ញុំចាំបាច់មានប្រដាប់ភេទជាបុរស ឬជាស្រ្តីធ្វើអី» ។

គួរឲ្យដឹងដែរ ថ្មីៗនេះ Vinny ក៏មានគម្រោង ថានឹងត្រូវចំណាយប្រាក់ប្រមាណ ១៦០,០០០ដុល្លារជាបន្ត ដើម្បីធ្វើការវះកាត់ទៅលើប្រដាប់ភេទ កាត់ចុងដោះ និងផ្សិតផងដែរ។ ប៉ុន្តែទោះបីជាយ៉ាងណាក្តី តាមរយៈការអះអាងរបស់ គ្រូពេទ្យជំនាញបានឲ្យដឹងថា ការធ្វើបែបនេះគឺមិនអាចទៅរួចឡើយ៕