ខេត្តបាត់ដំបង ៖ សេចក្តីរាយការណ៍បានឱ្យដឹងថា បុរសម្នាក់ត្រូវសមត្ថកិច្ចចាប់ខ្លួន បន្ទាប់ពីធ្វើសម្មភាពចាប់នាងក្រមុំម្នាក់ រំលោភបានសម្រេច ពេលនាងកំពុងចោមពុងងូតទឹក ដោយជននេះ បានបញ្ជាឱ្យនាងបែរក្រោយ ដើម្បីឱ្យរូបគេរំលោភ ដែលហេតុការណ៍នេះកើតឡើង កាលពីវេលារសៀលថ្ងៃទី២៧ កុម្ភៈ ម្សិលមិញ ។
ប្រភពឱ្យដឹងថា ក្រោយមកនៅយប់ថ្ងៃដដែល រឿងនេះបានធ្លាយដឹងដល់ម្តាយនាង ក៏រត់មកដាក់ពាក្យបណ្តឹងដល់សមត្ថកិច្ច រហូតឈានដល់ការឃាត់ខ្លួន បុរសរូបនេះតែម្តង ។ ជនសង្ស័យមានឈ្មោះសា ហោ ហៅហម អាយុ៣២ឆ្នាំ រីឯនារីរងគ្រោះអាយុ៣៨ឆ្នាំ ទាំង២នាក់មានទីលំនៅក្នុងភូមិជាមួយគ្នា។
បច្ចុប្បន្ន ជនសង្ស័យត្រូវបានឃាត់ខ្លួន ទៅអធិការដ្ឋាន ដើម្បីសាកសួរ និងកសាងសំណុំរឿង ។ ប៉ុន្តែជននេះនៅតែជានិយាយដោះសាថា រូបគេគ្រាន់តែទះកំប៉េះគូទលេងសោះ ក៏ចាប់ខ្លួនដែរ ។ ទោះបីជាយ៉ាងណា បើតាមពិនិត្យកោលវិច័យលើនារីរងគ្រោះឃើញថា នាងមានរបួសលើប្រដាប់ភេទហើយ ។
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
មេតុងទីន២នាក់ប្ដីប្រពន្ធ វេចបង្វេចរត់ចោលកូនតុងទីនមួយករណីទៀតហើយ !
ខេត្តបន្ទាយមានជ័យ ៖ មានការភ្ញាក់ផ្អើលមួយ ចំពោះកូនតុងទីនជាច្រើននាក់ បន្ទាប់ពីទៅដល់តូបមេតុងទីនស្រាប់តែមានអ្នកថ្មីលក់ ហើយសាកសួរអ្នកជិតខាងថាបាត់មួយរយៈហើយ។
ហេតុការណ៍ភ្ញាក់ផ្អើលខាងលើ បានកើតឡើងនៅរសៀល ថ្ងៃទី២៧ កុម្ភៈ ២០១៧ នៅចំណុចផ្សារត្រី ស្ថិតក្នុងភូមិបាលិលេយ្យ១ សង្កាត់និងក្រុងប៉ោយប៉ែត។ នៅកន្លែងកើតហេតុកូនតុងទីនមិនច្រើនទេ ប៉ុន្តែពេលសួរនាំពួកគាត់និយាយថា ចំនួនកូនតុងទីនមាន១៣៩នាក់ ខ្លះលេង៥ក្បាល ខ្លះលេង៣ឬ២ក្បាល ដែលសរុបទឹកប្រាក់ប្រមូលក្នុងមួយថ្ងៃៗ មិនតិចជាង១ម៉ឺនដុល្លាអាមេរិកឡើយ។
ក្រុមកូនតុងទីននិយាយថា មេតុងទីននោះប្តីឈ្មោះ ជា ប្រពន្ធឈ្មោះ ឡេង ជាអាជីវករលក់គ្រឿងក្រអូបនៅផ្សារត្រី ក្នុងភូមិកើតហេតុខាងលើ ហើយមានតូបរហូត៣។ ពាក់ព័ន្ធបញ្ហានេះក្រុមកូនតុងទីនភាគច្រើន មិនហ៊ានធ្វើបទសម្ភាសទេ តែស្ត្រីអាជីវករលក់អង្ករក្នុងផ្សារត្រីឈ្មោះ អាង ឈុន អាយុ៤៤ឆ្នាំ និយាយថា សម្រាប់គ្រួសារគាត់លេងតុងទីន៥ក្បាលអស់ប្រាក់១៥ម៉ឺនបាត និងស្ត្រីម្នាក់ទៀត ជាម្ចាស់ហាងកាហ្វេក្នុងផ្សារត្រីនោះដែរមិនប្រាប់អត្តសញ្ញាណបាននិយាយថា គ្រួសារគាត់លេង៥ក្បាលដែរ អស់ប្រាក់រហូត៣០ម៉ឺនបាត។
ក្រុមអាជីវករនិយាយថា មេតុងទីនរូបនេះ ទំនងជារៀបគម្រោង រត់យូរហើយព្រោះ តូបទាំងអស់បានសេងទៅឲ្យអ្នកថ្មីគ្មាននរណាដឹងទេ លុះឃើញអ្នកថ្មីមកលក់ ហើយពេលសួរនាំម្ចាស់ថ្មីប្រាប់ថា សេងពីមេតុងទីនខាងលើ ទើបដឹងថា មេតុងទីនរត់ក៏នាំគ្នាភ្ញាក់ផ្អើលតែម្តង។ មុននេះបន្តិចដោយមានសេចក្តីរាយការណ៍ ដល់សមត្ថកិច្ចលោកវរសេនីយ៍ទោ ធិន ស៊ិនដេត អធិការនគរបាលក្រុងប៉ោយប៉ែត បានបញ្ជាកម្លាំងទៅជួបជាមួយកូនតុងទីន និងណែនាំឲ្យទៅដាក់ពាក្យបណ្តឹង ចៀសវាងកើតមានអំពើហិង្សា៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]