(ក្រចេះ)៖ កម្លាំងនគរបាលការិយាល័យ ប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននគរបាលខេត្តក្រចេះ បានចាប់វាយខ្នោះ និងបញ្ជូនបុរសវ័យចំណាស់ជាគ្រូថ្នាំខ្មែរម្នាក់ ទៅតុលាការ នៅរសៀលថ្ងៃទី២៤ ខែកុម្ភៈ ឆ្នាំ២០១៧នេះ ពីបទរំលោភសេពសន្ថវៈលើក្មេងស្រី អនីតិជនវ័យ១៦ឆ្នាំ ដែលត្រូវជាចៅស្រីចុងរហូតមានផ្ទៃពោះ៦ខែ។
កម្លាំងនគរបាល បានឃាត់ខ្លួនជនសង្ស័យ កាលពីថ្ងៃទី២២ ខែកុម្ភៈ ឆ្នាំ២០១៧ ស្ថិតក្នុងភូមិតាសោម ឃុំស្វាយជ្រះ ស្រុកស្នួល ខេត្តក្រចេះ បន្ទាប់ពីមានការបែកធ្លាយអាថ៌កំបាំង «រំលោភចៅរហូតមានផ្ទៃពោះ៦ខែ»។ រឿងនេះបានធ្លាយនៅពេល មានការលើកឡើងពីក្រុមប្រឹក្សាឃុំ។
មន្រ្តីនគរបាលបានឲ្យដឹងថា ជនសង្ស័យឈ្មោះ ជា គា អាយុ៧៣ឆ្នាំ មានមុខរបរជាគ្រូថ្នំាខ្មែរ រស់នៅក្នុងភូមិតាសោម ឃុំស្វាយជ្រៈ ស្រុកស្នួល ជាឪពុកចុងរបស់ម្តាយក្មេងស្រីរងគ្រោះ និងក៏ជាជីតាចុងរបស់នាងផងដែរ។
សម្រាប់ករណីរំលោភនេះ ក្រុមគ្រួសាររបស់ក្មេងស្រីរងគ្រោះមិនបានប្តឹងទេ តែក្រុមប្រឹក្សាឃុំទៅវិញជាអ្នកប្តឹង ដោយសារតែក្មេងស្រីរងគ្រោះ ជាកូនទោកំព្រាឪពុក និងសព្វថ្ងៃរស់នៅជាមួយម្តាយ ដែលមានមិនមានការយកចិត្តទុកដាក់លើនាង។ មិនតែប៉ុណ្ណោះជនសង្ស័យ តែងតែគំរាមដោយប្រើពាក្យសម្តីយ៉ាងធ្ងន់ធ្ងរ មកលើនាងទៀតផងនោះ។
នគរបាលស្រុកស្នួល បានឲ្យដឹងថា បន្ទាប់ពីមានការលើកឡើងពី សមាជិកក្រុមប្រឹក្សាឃុំស្វាយជ្រះ នៅក្នុងកិច្ចប្រជុំមួយ នៅសាលាស្រុកស្នួល កាលពីព្រឹកថ្ងៃទី២២ ខែកុម្ភៈ ថាមានករណីរំលោភសេពសន្ថវៈ លើចៅស្រីចុងរហូតមានផ្ទៃពោះទើប កម្លាំងជំនាញព្រហ្មទណ្ឌស្រុក បានចុះឃាត់ខ្លួន ជនសង្ស័យវ័យចំណាស់មកសាកសួរទាំងគ្មានពាក្យបណ្តឹង។
នគរបាលដដែលបានបន្តទៀតថា ក្រោយការនាំខ្លួនបុរសសង្ស័យវ័យចំណាស់ ព្រមទាំងក្មេងស្រីរងគ្រោះមកសាកសួរ និងទទួលបានចម្លើយសារភាព ទើបនគរបាលសម្រេចឃាត់ខ្លួនបុរស សង្ស័យវ័យចំណាស់ រូបនេះពាក់ព័ន្ធ និងករណីរំលោភសេពសន្ថវៈ។
បើតាមការសម្រង់ចម្លើយរបស់ក្មេងស្រីរងគ្រោះវ័យ១៦ឆ្នាំរូបនេះ កាលពីខែកញ្ញា ឆ្នាំ២០១៦កន្លងទៅ សង្ស័យបានបបួល នាងដើរមើលជម្ងឺឲ្យគេតាមភូមិ។ ដោយក្នុងមួយកន្លែងត្រូវដេកផ្លូវ២ ទៅ៣យប់ទើបត្រឡប់មកផ្ទះវិញ។
ការដើរមើលជម្ងឺព្យាបាលឲ្យគេ ជាមួយនិងបុរសជាប់ចោទជាជីតារូបនេះ បានធ្វើឡើងជាច្រើនកន្លែង។ រហូតដល់ថ្ងៃមួយទៀត គាត់បានបបួលនាងមកព្យាបាលជម្ងឺឲ្យគេនៅភូមិស្នួលវត្តកើត ឃុំស្នួល ស្រុកស្នួល និងបានសម្រាកនៅទីនោះ រយៈពេល៣យប់។ នៅថ្ងៃមិនចាំ ខែកញ្ញា ឆ្នាំ២០១៦ វេលាម៉ោង៤ទាបភ្លឺ ដែលបុរសជាប់ចោទវ័យចំណាស់រូបនេះ បានល្បួងនាងរំលោភ រហូតបានសម្រេចចំនួន៣ដង។
ក្រោយការល្បួងចាប់រំលោភ បានសម្រេចជាបន្តបន្ទាប់ រហូតដល់សព្វថ្ងៃនេះ បានធ្វើឲ្យក្មេងស្រីរងគ្រោះវ័យ១៦ឆ្នាំ មានផ្ទៃពោះចំនួន៦ខែ។ តែយ៉ាងណា នាងក៏មិនហ៊ានប្តឹងប្តល់ជនសង្ស័យជាជីតារូបនេះទេ ក៏ព្រោះតែកន្លងមក ជនសង្ស័យរូបនេះ បានគំរាមនាងដោយបង្គាប់នាងឲ្យដើរប្តឹង ថា ទោះជាប្តឹងដល់ទីណាក៏គាត់មិនខ្លាចដែរ។
លោក កែវ ចន្ធី ប្រធានការិយាល័យប្រឆាំងការជួញដូរមនុស្ស និងការពារអនីតិជន បានបញ្ជាក់ឲ្យដឹងថា ក្រោយពីសួរនាំ ជនសង្ស័យបានសារភាពថាខ្លួនបានរំលោភលើជនរងគ្រោះមែន ដោយសម្រេចចំនួន៣ដងពិតមែន៕
ប្រភព៖ Fresh News
ដោយឡែករំលឹកព័ត៌មានមួយផ្សេងទៀត៖ អ្នកម្តាយអើយអ្នកម្តាយ! បីសពកូនឯងមកដុត ប្រុងបញ្ចប់រឿងត្រឹមហ្នឹងមែន?
រាជធានីភ្នំពេញ ៖ សេចក្តីរាយការណ៍ បានឱ្យដឹងថា មានការភ្ញាក់ផ្អើលមួយ ដោយសារតែស្ត្រីម្នាក់ បានបីសាកសពកូនស្រី ទើបអាយុ៣ខែមកវត្ត «តាំងកសាង» ដើម្បីឱ្យតាអាចារ្យ និងតាភ្លុក ជួយរៀបចំបូជា ។
លុះពេលសួររឿងឯកសារលិខិតស្នាម មូលហេតុដែលកូនស្រីស្លាប់ ស្រាប់តែម្តាយនោះឆ្លើយថា «អត់មានទេ» បង្កឱ្យមានការងឿងឆ្ងល់គ្រប់គ្នា ពេលនោះតាអាចារ្យបានជជីកសួរនាំចុះឡើងៗបន្ត ស្រាប់តែបែកធ្លាយចេញរឿងផ្សេងតែម្តង ។
ហេតុការណ៍នេះ កើតឡើងកាលពីវេលាម៉ោង ១០ព្រឹកថ្ងៃទី២៤ កុម្ភ នេះ ស្ថិតនៅវត្ត «តាំងកសាងខាងត្បូង» ក្នុងភូមិចំការឪឡឹក សង្កាត់កាកាប ខណ្ឌពោធិ៍សែនជ័យ ។
ប្រភពឱ្យដឹងថា ស្ត្រីជាម្តាយខាងលើ មានឈ្មោះណុប ស្រីពៅ អាយុ២៣ឆ្នាំ ជាកម្មការិនីរោងចក្រ មានស្រុកកំណើតនៅភូមិថ្ពង ឃុំថ្ពង ខេត្តកំពង់ធំ សព្វថ្ងៃស្នាក់បន្ទប់ជួលលេខ២ ក្នុងខណ្ឌពោធិ៍សែនជ័យ ។ គួរហួសចិត្តទៀតនោះ គឺស្ត្រីរូបនេះមិនស្គាល់ឈ្មោះប្តីខ្លួនពេញលេញផង ដឹងត្រឹមឈ្មោះយ៉ា រស់នៅស្រុកកៀនស្វាយ ។
ចំពោះរឿងដែលបែកធ្លាយនោះ គឺត្រូវបានស្ត្រីរូបនេះរៀបរាប់ថា ខ្លួនមានទំនាក់ទំនងស្នេហាជាមួយប្តីអត់ខាន់ស្លាម្នាក់ ដោយរស់នៅជាមួយ រហូតមានផ្ទៃពោះកូនស្រីនេះ តែត្រូវប្តីដឹងថាមានកូន ក៏រត់ចោលខ្លួនបាត់ទៅ ។ ទើបតែ២ថ្ងៃមុននេះ ប្តីខ្លួនមកសុំត្រូវរ៉ូវគ្នាវិញខ្លួនក៏យល់ព្រមដែរ ។
ស្ត្រីរូបនេះបន្តថា កាលវេលាម៉ោងប្រហែល ៨យប់ថ្ងៃទី២៣ កុម្ភៈ ខ្លួននិងប្តីបានអង្គុយផឹកស្រាជាមួយគ្នា ក្នុងបន្ទប់អស់ម្តង ក៏ត្រូវប្តីប្រើឱ្យទៅទិញស្រាម្តងទៀត ដោយនាងបានទុកកូនស្រីឱ្យនៅជាមួយប្តីនោះ ។ ពេលត្រឡប់មកពីទិញស្រាវិញ ក៏ឃើញនារីម្នាក់ដែលជាគូស្នេហ៍ប្តីនោះ ក៏នៅក្នុងបន្ទប់នោះដែរ ហើយពួកខ្លួនក៏ផ្ទុះជម្លោះគ្នាខ្លាំងតែម្តង ដោយមិនដឹងថា កូនស្រីតូចរបស់ខ្លួនបានស្លាប់ តាំងពីពេលណានោះទេ ។
លុះវេលាម៉ោង ០២ចូលថ្ងៃទី២៤ កុម្ភៈ នេះ ភ្ញាក់ផ្អើលកូនស្រីស្លាប់ ព្រោះកូនអត់ដឹងខ្លួននោះឡើយ តែក៏មិនថា ស្លាប់ដោយសារមូលហេតុអ្វីដែរ ។ ហើយបុរសជាប្តីនោះ ក៏បានគេចខ្លួនបាត់ទៀត ទើបព្រឹកឡើងខ្លួន បីសពកូនស្រីនេះមកបូជាតែម្តង។
យោងប្រភព ពីអ្នកជិតខាងឱ្យដឹងថា ស្ត្រីជាម្តាយខាងលើនេះ ត្រូវសង្ស័យជាប្រពន្ធចុងនោះទេ ហើយនារីម្នាក់ ដែលតែងតែមករករឿងនាង គឺជាប្រពន្ធដើម ខណៈពួកគេទាំង២នាក់ (ប្តីនិងនារីម្នាក់ទៀត) គេចខ្លួនអស់ហើយ ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
