(ភ្នំពេញ)៖ ធនាគារអេស៊ីលីដា បន្ទាប់ពីបានផ្លាស់ប្តូរនិមិត្តសញ្ញាថ្មី (Logo) របស់ខ្លួន តបតាមសំណើរបស់ រាជរដ្ឋាភិបាលកម្ពុជាហើយនោះ ធនាគារក្នុងស្រុកដ៏ល្បីឈ្មោះមួយនេះ បានពន្យល់លម្អិតនូវអត្ថន័យរបស់អក្សរ នៃនិមិត្តសញ្ញាថ្មីនេះ។
ជាមួយគ្នានេះ លោក អ៉ិន ចាន់នី ប្រធាននាយកប្រតិបត្តិរបស់ធនាគារ អេស៉ីលីដា បានអះអាងថា ខ្លួនពេញចិត្តនឹងនិមិត្តសញ្ញាថ្មីនេះ ខណៈការផ្លាស់ប្តូរនិមិត្តសញ្ញាថ្មី នឹងបញ្ចប់នៅក្នុងសប្តាហ៍នេះ ដោយត្រូវចំណាយប្រាក់៣.៥លានដុល្លារ។
ខាងក្រោមនេះជាអត្ថន័យអក្សរនៃនិមិត្តសញ្ញាថ្មី របស់ធនាគារ អេស៉ីលីដា៖
ប្រភព៖ Fresh News
ដោយឡែករំលឹកព័ត៌មានមួយផ្សេងទៀត៖ អាសូរណាស់ ! រៀបរាប់ទាំងទឹកភ្នែកពីមូលហេតុចាកចេញពីកូនមកសង់ខ្ទមនៅម្នាក់ឯង
ខេត្តត្បូងឃ្មុំ ៖ ពិតជាគួរឲ្យអាណិតអាសូរខ្លាំងណាស់ ដែលលោកតាឈ្មោះ សេង សយ អាយុ៧៥ឆ្នាំទៅហើយ សង្ឃឹមថាបានរស់នៅដោយស្រួល តែផ្ទុយទៅវិញសុខចិត្តចាកចេញពីផ្ទះកូន មកធ្វើកូនខ្ទមរស់នៅ តែម្នាក់ឯងក្នុងភូមិមាត់ឃ្មង់ ឃុំជីរោទ៍ទី២ ស្រុកត្បូងឃ្មុំ ដោយដើររើសអេតចាយ ដើម្បីចិញ្ចឹមជីវិតយ៉ាងលំបាក ។
ស្ត្រីឈ្មោះ ទូច មើយ អាយុ៣៦ឆ្នាំ ប្រកបរបរលក់បាយ បានប្រាប់ឲ្យដឹងនៅព្រឹកថ្ងៃទី១៩ ខែកុម្ភៈ ឆ្នាំ២០១៧ ថា គាត់បានឃើញតាចាស់ម្នាក់នេះ មានស្ថានភាពក្រីក្រលំបាកណាស់ គឺប្រហែលជា១០ឆ្នាំមកហើយ ដោយមានកង់កញ្ចាស់១គ្រឿងសម្រាប់ជាមធ្យោបាយដើររើសអេតចាយ នៅតាមហាងលក់ដូរ ត្រង់ម្តុំស្ពានមាត់ឃ្មង់ នៅពេលណាដែលបានច្រើនគ្រាន់បើនោះ នឹងត្រូវប្រមូលលក់ម្តង គ្រាន់នឹងបានលុយទិញអង្កដាំបាយពិសារ ។
ស្ត្រីរូបនោះប្រាប់បន្តថា នៅរដូវវស្សាទឹកទន្លេមេគង្គបានឡើងមក ទឹកបាននៅប្រៀបពាក់កណ្តាលផ្លូវជាតិលេខ៧ លោកតាបានដាក់មងក្នុងទឹក នៅពេលដែលបានត្រី និងជាប់សត្វមាន់ទឹកតែងតែយកមកលក់ ឲ្យគាត់ដល់កន្លែងលក់ដូររបស់គាត់ជិតស្ពានមាត់ឃ្មង់ ។ ជួនកាលគាត់ជូនលុយកាក់ សម្រាប់យកទៅទិញអង្កដាំបាយ និងពេលខ្លះទៀតបានហៅឲ្យបាយ និងម្ហូបយកទៅពិសារថែមទៀត ។
ក្រោយមកស្រាប់តែបាត់តា សយ មិនដឹងទៅណានោះទេ ១ឆ្នាំហើយទើបតែឃើញគាត់ក្នុងរយៈពេលប្រហែល ៥ខែនេះ ។ ទោះជាការលក់ដូរមិនសូវដាច់ ហើយទីតាំងត្រូវជួលគេទៀត ពេលដែលឃើញមនុស្សចាស់បែបនេះ គាត់មានក្តីអាណិតអាសូរ តែងតែហុចនំចំណីជូនគាត់ពិសារ ។
ស្ត្រីវ័យចំណាស់ឈ្មោះ សេង ស៊ាងហួត អាយុ៦០ឆ្នាំ នៅភូមិមាត់ឃ្មង់ ឃុំជីរោទ៍ទី២ មានប្រសាសន៍ឲ្យដឹងថា គាត់បានឃើញតាសយ បានមករស់នៅធ្វើកូនខ្ទមសម្រាប់ជ្រកកោនរបៀបនេះគឺ ៤-៥ឆ្នាំហើយ និងមានកង់១គ្រឿង សម្រាប់បណ្តើរដាក់របស់របរនៅពេលដែលរើសអេតចាយបាន ។
តែចុងក្រោយនេះ បានមកសុំដីរបស់អ្នកក្រុងសួង ដែលមានដីនៅជាប់នឹងដីរបស់គាត់ ដើម្បីធ្វើខ្ទមនៅ គាត់ក៏បានទូរស័ព្ទសុំម្ចាស់ដីគេ ក៏បានអនុញ្ញាតឲ្យនៅនឹងចញ្ចើមថ្នល់តែម្តង ហើយជាញឹកញាប់ គាត់បានផ្តល់ចំណីអាហារ ជូនតាសយពិសារផងដែរ ។
លោកតា សេង សយ មានប្រសាសន៍ឲ្យដឹងទាំងបង្ហូរទឹកភ្នែកថា ចំពោះមូលហេតុដែលគាត់ចាកចេញពីកូន មកសង់ខ្ទមនៅម្នាក់ឯងរបៀបនេះ ដោយសារតែកូនស្រីម្នាក់នៅពេលដែលគាត់ដើររើសអេតចាយបានលុយ កូនស្រីនោះខ្ចីលុយគាត់អស់ៗ ដោយសារតែការលំបាកពេក គាត់ក៏សុខចិត្តមករស់របៀបនេះល្អជាងទ្រាំលំបាកគ្រប់បែបយ៉ាង ដោយសុខចិត្តដើររើសអេតចាយ ដើម្បីចិញ្ចឹមជីវិតទម្រាំដល់ថ្ងៃស្លាប់ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
