(ព្រះសីហនុ)៖ ឧត្តមសេនីយ៍ ជួន ណារិន្ទ ស្នងការនគរបាលខេត្តព្រះសីហនុ បានបញ្ជាក់ឲ្យដឹងនៅព្រឹកថ្ងៃទី២១ ខែកុម្ភៈនេះថា នៅល្ងាចថ្ងៃទី២០ ខែកុម្ភៈ ឆ្នាំ២០១៧ នៅចំណុចមាត់លូ ឆ្នេរសមុទ្រ ក្នុងក្រុមទី៤ ភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ ប្រជាពលរដ្ឋបានប្រទះឃើញស្បោងពណ៌ខ្មៅនៅជាប់មាត់លូ ដោយមានធំក្លិនស្អុយ ហើយបានយកកាំបិតទៅវះមើល ឃើញសពមនុស្ស នៅក្នុងស្បោងនោះ។
លោកឧត្តមសេនីយ៍ បានបញ្ជាក់ទៀតថា តាមការពិនិត្យ សាកសពត្រូវបានរំដោយស្បោងកៅស៊ូ និងចងដោយខ្សែនីឡុង មិនទាន់ស្គាល់អត្តសញ្ញាណ ភេទប្រុស។ បើតាមការសន្និដ្ឋានបឋម ជនរងគ្រោះ ត្រូវគេធ្វើឃាត ហើយដឹកតាមរថយន្តយកមកទម្លាក់ ចោលរយៈពេលប្រហែល១០ថ្ងៃមកហើយ។
លោកឧត្តមសេនីយ៍បន្តថា ចពោះករណីនេះ នគរបាលបច្ចេកទេស និងវិទ្យាសាស្ត្រ បន្តធ្វើកោសល្យវិច្ឆយ័លើសាកសព និងស្រាវជ្រាវរកអត្តសញ្ញាណជនរងគ្រោះផងដែរ៕
ប្រភព៖ Fresh News
ដោយឡែករំលឹកព័ត៌មានមួយផ្សេងទៀត៖ សាហាវណាស់! អង្គុយអារដៃ អារ.កខ្លួនឯង រហូតស្លាប់
ខេត្តកណ្ដាល ៖ បុរសម្នាក់ប្រើប្រាស់គ្រឿងញៀនខ្លាំង រហូតកើតជំងឺសរសៃប្រសាទ ស្រាប់តែយកកូនកាំបិតមកអារដៃ និងអារបំពង់.ក ខ្លួនឯងបណ្តាលឱ្យស្លាប់ កាលពីវេលាម៉ោង១១ និង៣០នាទីយប់ថ្ងៃទី១៩ កុម្ភៈ ស្ថិតលើផ្ទះរបស់ខ្លួនក្នុងភូមិទួលងោក ឃុំកំពង់លួង ស្រុកពញាឮ ខេត្តកណ្តាល។
ប្រភពឱ្យដឹងថា ជនរងគ្រោះឈ្មោះស៊ុន មូស្លីម អាយុ២៥ឆ្នាំ ជនជាតិឥស្លាម ស្នាក់នៅជាមួយម្តាយ និងប្អូន ក្នុងភូមិ-ឃុំកើតហេតុខាងលើ ។ តាមការបញ្ជាក់ពីម្តាយជនរងគ្រោះថា កូនប្រុសគាត់រូបនេះ មានជំងឺសសៃប្រសាទ ធ្វើទុក្ខរាល់ថ្ងៃ ព្រោះតែប្រើប្រាស់គ្រឿងញៀនពេក ។
នៅពេលកើតហេតុ គាត់ឃើញកូនប្រុស យកកាំបិតចិតបន្លែចុងស្រួច មកអង្គុយអារដៃ និងអារបំពង់.កខ្លួនឯង ពេលនោះគាត់ចេញទៅ ស្រែកហៅអ្នកជិតខាងឱ្យមកជួយ តែអកុសលកូនគាត់ បានដាច់ខ្យល់ស្លាប់បាត់ទៅហើយ ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]