ភ្នំពេញ៖ ចាន់ វឌ្ឍនាកា បានទៅដល់ទឹកដីប្រទេសជប៉ុនបានជិតមួយសប្តាហ៍ហើយ ដែលជាការផ្លាស់ទៅលេងឲ្យក្លិបថ្មី ក្នុងលីកទី៣ ឬ J-League3 ក្នុងក្លិប Fujieda MYFC ។
តែយ៉ាងណាមិញ ទៅជប៉ុនមិនទាន់បានប៉ុន្មានផង ស្រាប់តែថ្មីៗនេះ មានគណនីនិងទំព័ររបស់ វឌ្ឍនាកា ជាច្រើនត្រូវបានផុសឡើងនៅក្នុងបណ្តាញសង្គមហ្វេសប៊ុក ដែលសាមីខ្លួនផ្ទាល់បានអះអាងសុទ្ធតែជាគណនីក្លែងក្លាយទាំងអស់។
ក្នុងនោះ ខ្សែប្រយុទ្ធ ចាន់ វឌ្ឍនាកា បានបញ្ជាក់ប្រាប់នៅក្នុងបណ្តាញសង្គមរបស់ខ្លូនថា «ឃើញមានការកើនឡើងលើចំពោះការប្រើaccount Facebook ក៏ដូចជា page ក្លែងក្លាយដែលបានដាក់រូប និង ឈ្មោះរបស់ខ្ញុំ ហើយaccount មួយចំនួនពេលគេសួរថា វឌ្ឍនាកា មែន ស្រាប់តែគាត់ឆ្លើយថា បាទគឺខ្ញុំ ហឹមសុំទោសណាបងប្អូនប្រយ័ត្នចាញ់បោកមនុស្សមួយចំនួនដែលមានបំនងមិនល្អ» ។
គួរបញ្ជាក់ផងដែរខ្សែប្រយុទ្ធឆ្នើម វ័យ២៣ឆ្នាំរូបនេះ មានគណនីសង្គមមួយ និងទំព័រផ្ទាល់ខ្លួនតែមួយប៉ុណ្ណោះគឺ គណនី Chan Vathanaka និងទំព័រ Chan vathanaka CV11 នៅក្នុងបណ្តាញសង្គមហ្វេសប៊ុក។ ដូច្នេះ សូមបងប្អូនអ្នកគាំទ្រមេត្តាជ្រាប៕
ដោយឡែក គួររំលឹកព័ត៌មានចាស់ពាក់ព័ន្ធ និងកីឡាកររូបនេះផងដែរថា៖ ចាន់ វឌ្ឍនាកា ថាមិត្តរួមក្រុមថ្មីនៅជប៉ុន រួសរាយរាក់ទាក់ ចេះជួយគ្នា..
ជប៉ុន៖ កន្លងផុតទៅជិតមួយសប្តាហ៍ហើយ ដែលខ្សែប្រយុទ្ធឆ្នើម ចាន់ វឌ្ឍនាកា បានចាកចេញពីប្រទេសកម្ពុជា ផ្លាស់ប្តូរទ្រនំទៅក្លិបថ្មី Fjieda MYFC នៅប្រទេសជប៉ុន។
មកដល់ប្រទសជប៉ុន វឌ្ឍនាកា ក៏បានចាប់ផ្តើមធ្វើការហ្វឹកហាត់ថ្ងៃដំបូងជាមួយក្លិបថ្មីផងដែរ កាលពីថ្ងៃទី១៥ ខែកុម្ភៈកន្លងទៅ ដើម្បីត្រៀមប្រកួតនៅពេលរដូវកាលថ្មីខាងមុខមកដល់។
បើទោះជាយ៉ាងណាក៏ដោយ ការរស់នៅលើទឹកដីថ្មី ក្នុងប្រទេសជប៉ុន ត្រូវបានលេច|ឭដំណឹងមកថា វឌ្ឍនាកា មិនទាន់ស៊ាំនៅឡើយទេ ដោយសារតែអាកាសធាតុនៅទីនោះត្រជាក់ពេក ពេលខ្លះមានអាការៈឈឺក្បាល និងឈឺសាច់ដុំទៀតផង។
ចំពោះគ្រូបង្វឹករបស់ Fujieda MYFC ក៏បានលើកឡើងដែរថា « រាងកាយ វឌ្ឍនាកា មិនទាន់ស៊ាំនឹងភាពត្រជាក់ ទើបចាប់ផ្តើមបង្ហាត់ម្តងមួយៗដោយមិនបង្ខំ» ។
បន្ថែមពីនេះទៀត លោកបានអោយដំបូន្មានថា វឌ្ឍនាកា ត្រូវតែញ៉ាំ និងដេកឱ្យបានច្រើន។ ហើយដើម្បីស៊ាំនឹងអាកាសធាតុ វឌ្ឍនាកា ត្រូវការពេលវេលា ៣ទៅ ៤ថ្ងៃ ទើបរាងកាយវិលរកសភាពដើមឡើងវិញ។
ប៉ុន្តែមិនថ្វីនៅក្លិបថ្មី Fujieda MYFC ចាន់ វឌ្ឍនាកា ក៏ទទួលបានការស្វាគមន៍យ៉ាងកក់ក្តៅពីមិត្តរួមក្រុម និងគ្រូបង្វឹកផងដែរ ដោយជាក់ស្តែងកាលពីម្សិលមិញនេះ រូបគេ និងមិត្តរួមក្រុមនៅជប៉ុន ថែមទាំងចេញនូវវីដេអូឃ្លីបមួយទៀតផង។
នៅក្នុងវីដេអូបានបង្ហាញថា វឌ្ឍនាកា បានបង្រៀនមិត្តរួមក្រុមជប៉ុន២នាក់ឲ្យនិយាយជាភាសាខ្មែរ ក្នុងនោះគឺកីឡាករ Otake Ryuto និងកីឡាករ Miyoshi Hirochika ។ លើសពីនេះទៀត អតីតខ្សែប្រយុទ្ធរបស់ក្លិបបឹងកេតអង្គរ ក៏បាននិយាយបញ្ជាក់ក្នុងវីដេអូផងដែរថា «នៅទីនេះសប្បាយរីករាយ ដោយពួកគាត់មានភាពរួសរាយរាក់ទាក់ និងចេះជួយគ្នាទៅវិញទៅមក» ។ នេះបើយោងតាមទំព័រហ្វេសប៊ុក Fujieda MYFC KHMER បានបង្ហោះកាលពីម្សិលមិញ៕ ចុចមើលវីដេអូ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]