ខេត្តបាត់ដំបង ៖ បុរសម្នាក់ត្រូវបាន កម្លាំងអាវុធហត្ថចាប់ខ្លួនកាលពី វេលាម៉ោង៥ និង៣០នាទីល្ងាច ថ្ងៃទី១៦ ខែកុម្ភៈ ឆ្នាំ២០១៧ នៅភូមិដូង ឃុំបឹងរាំង ស្រុកកំរៀង បន្ទាប់ពីបុរសរូបនោះបានយកខ្សែក្រវាត់រឹត.ក សម្លាប់ប្រពន្ធខ្លួនឯង នៅក្នុងបន្ទប់ទឹកបាន១ម៉ោង ។
បុរសម្នាក់ត្រូវកម្លាំងកងរាជ អាវុធហត្ថតាមឃាត់ខ្លួនបានភ្លាមៗ បន្ទាប់ពីយកខ្សែរក្រវ៉ាត់រឹត.កសម្លាប់ប្រពន្ធរបស់ខ្លួន ដែលគេសង្ស័យផ្ដើមចេញពី ភ្លើងប្រច័ណ្ឌ កាលពីវេលាម៉ោង៥:៣០នាទីល្ងាចថ្ងៃទី១៦កុម្ភ: ស្ថិតនៅភូមិដូង ឃុំបឹងរាំង ស្រុកកំរៀង។
ប្រភពពី មន្ត្រីអាវុធហត្ថបានឲ្យដឹងថា ជនសង្ស័យជាប្តីឈ្មោះ ង៉ូវ សុខលីន អាយុ២៥ឆ្នាំ ចំណែកស្ត្រីរងគ្រោះជាប្រពន្ធឈ្មោះ ឃឿន ចំរើន អាយុ៣៥ឆ្នាំ រស់នៅភូមិ ឃុំកើតហេតុខាងលើ ។
ប្រភពឲ្យដឹងទៀតថា ជនសង្ស័យជាប្តីបានយក ខ្សែក្រវាត់រឹត.ក សម្លាប់ប្រពន្ធរបស់ខ្លួននៅក្នុងបន្ទប់ទឹក បន្ទាប់ពីមានការឈ្លោះប្រកែកគ្នា ហើយបានរត់គេចខ្លួនទៅកាន់ខេត្តប៉ៃលិន តែត្រូវកម្លាំងកងរាជអាវុធហត្ថស្រុកកំរៀង តាមចាប់ខ្លួនដល់ទីនោះតែម្ដង ។
រហូតមកដល់ពេលនេះ គេនៅមិនទាន់ដឹង អំពីមូលហេតុពិតប្រាកដ ដែលនាំឲ្យបុរសជាប្តីប្រើហិង្សាទៅលើ ប្រពន្ធរបស់ខ្លួន រហូតដល់ស្លាប់បែបនេះនៅឡើយទេ ។ ប៉ុន្តែមានប្រភពខ្លះបាននិយាយថា ការឈានដល់ការសម្លាប់ប្រពន្ធនេះ គឺអាចបណ្ដាលមកពីភ្លើងប្រចណ្ឌ ។
សាក្សីនិយាយថា កន្លងមកគេតែងឮប្ដីប្រពន្ធនេះ ឈ្លោះគ្នាជាញឹកញាប់ពីរឿងប្រចណ្ឌនេះ តែគេមិនទាន់ច្បាស់ថា តើប្រពន្ធប្រចណ្ឌប្ដី ឬប្ដីប្រចណ្ឌប្រពន្ធឡើយ0x017d7 ព្រោះប្ដីក្មេងជាងប្រពន្ធ ដល់ទៅ១០ឆ្នាំឯណោះ ។ តែទោះជាយ៉ាងណា សមត្ថកិច្ចកំពុងសួរនាំជនដៃដល់ហើយ ។
លោក ឡាច វ៉ាន់ នាយការិយាល័យប្រឆាំង បទល្មើសព្រហ្មទណ្ឌ នៃបញ្ជាការដ្ឋានកងរាជអាវុធហត្ថខេត្ត បានឲ្យដឹងថា ក្រោយពីសម្លាប់ប្រពន្ធ ជនដៃដល់ឈ្មោះ ង៉ូវ សុខលីន បានជិះម៉ូតូគេចខ្លួនទៅផ្ទះ ខាងម្ដាយរបស់ខ្លួន នៅស្រុកសាលាក្រៅ ខេត្តប៉ៃលិន ហើយត្រូវកម្លាំងកងរាជអាវុធហត្ថ ស្រុកកំរៀង តាមចាប់ខ្លួនដល់ទីនោះ ក្រោយកើតហេតុមួយម៉ោង ។ លោកថា ពេលនេះមន្ត្រីជំនាញ កំពុងសួរនាំជនសង្ស័យរូបនេះហើយ ដើម្បីស្វែងរកមូលហេតុ ដែលឈានដល់ការសម្លាប់ប្រពន្ធ និងកំពុងចងក្រងសំណុំរឿងបញ្ជូនទៅតុលាការ ៕
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
ទោះស្វាមី ដាញ់ ម៉ូនីកា មិនចេះផ្អែម មិនចេះលួងដូចគេ តែក្នុងចិត្តវិញ.......
អូស្រ្តាលី៖ តារាសម្តែងស្រី ដាញ់ ម៉ូនីកា ក្រោយពីផ្តាច់ខ្លួនទាំងស្រុងចេញពីវិស័យសិល្បៈ និងទៅរស់នៅសាងគ្រួសារយ៉ាងមានសេចក្តីសុខជាមួយនឹងស្វាមី នៅឯប្រទេសអូស្រ្តាលី អស់រយៈពេលជិត៧ឆ្នាំមកនេះ គេសង្កេតឃើញថា អ្នកនាង ទទួលបានចំណងដៃកូន២នាក់ ដ៏គួរឲ្យស្រលាញ់ និងពោរពេញទៅដោយផងដែរ។
ជាការពិតណាស់ ក៏ដូចជាថ្មីៗនេះ ដាញ់ ម៉ូនីកា អ្នកនាងក៏បានបង្ហោះសារមួយ ដែលបង្ហាញការរស់នៅជាមួយស្វាមី និងបង្ហាញពីអារម្មណ៍ផ្ទាល់ខ្លួនខ្លះៗ ដែលខ្លួនមានចំពោះស្វាមីជាទីស្រលាញ់របស់ខ្លួនផងដែរ។ ដោយក្នុងសារនោះមានអត្ថន័យដូចតទៅ៖
«អូនដឹងថាបងមិនសូវចេះនិយាយផ្អែម រឺក៏យកចិត្តអូនទេមានពេលខ្លះអូនខឹងបង ក៏បងមិនសូវចេះលួងអូនដែរ តែក្នុងចិត្តបងវិញគឺស្រឡាញ់អូននិងកូនៗណាស់ បងជាប្ដីល្អនិងប៉ាល្អសំរាប់អូននិងកូន មានរឺក៏ក្រវាមិនសំខាន់សំរាប់អូនទេ នេះជាពាក្យពិតចេញពីបេះដូងអូន អ្វីដែលសំខាន់គឺការរស់នៅជាមួយគ្នាត្រូវចេះយល់ចិត្តគ្នា និងផ្ដល់ភាពកក់ក្ដៅដល់អូននិងកូន មានរឿងអីចេះអត់អោនឲ្យគ្នាទៅបានហើយ អូនអាណិតនិងស្រឡាញ់បងណាស់ប្ដីសំឡាញ់ចិត្តអូន!! នៅថ្ងៃទី24.ខែ2 នេះអូននឹងធ្វើវីដេអូlive (វីដេអូផ្សាយផ្ទាល់នៅលើហ្វេសប៊ុក) និយាយពាក្យក្នុងចិត្តអូនទៅប្រាប់បង ព្រោះវាជាថ្ងៃពិសេសខួបអាពាហ៏ពិពាហ៏គំរប់៧ឆ្នាំ ដែលយើងបានរួមសុខរួមទុក្ខរស់នៅជាមួយគ្នា!!!»។
នេះអាចបញ្ជាក់បានថា អ្នកនាងពិតជាស្រលាញ់ស្វាមីនិងក្រុមគ្រួសារខ្លាំងមែនទែន ហើយអ្នកគាំទ្រទាំងអស់ ក៏សូមជូនពរអ្នកនាងពីចម្ងាយផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
