(ភ្នំពេញ)៖ តារាសម្ដែងស្រីដ៏ស្រស់សោភា កញ្ញា សោម ស្រីនាថ បានបង្ហើបឲ្យដឹងថា នាងបានបន្ថែមការងារច្រៀងតាមហាង នៅពេលយប់មួយទៀត ដើម្បីស្វះស្វែងរកប្រាក់ មកព្យាបាលជំងឺម្ដាយរបស់នាង ដែលកំពុងតែដង្ហោយ រកជំនួយសង្គ្រោះបន្ទាន់ បន្ទាប់ពីស្ថានភាពជំងឺមហារីក ឈានដល់ដំណាក់កាលធ្ងន់ធ្ងរ និងជួបប្រទះនូវការខ្វះខាតយ៉ាងខ្លាំង។
មិនត្រឹមតែជាតារាសម្ដែងនោះទេ កញ្ញា សោម ស្រីនាថ ក៏ជាតារាបង្ហាញម៉ូដ និងជាពិធីការិនីប្រចាំស្ថានីយទូរទស្សន៍ប៉ុស្ដិ៍លេខ៥ ក្នុងកម្មវិធី «ស្រ្តីដើម្បីស្ត្រី»ជាមួយកញ្ញា ដួង ហ្សូរីដា ផងដែរ។ ក្រៅពីមមាញឹកក្នុងអាជីពជាច្រើន កញ្ញា សោម ស្រីនាថ បានទទួលអាជីពជាតារាចម្រៀង ក្នុងភោជនីយដ្ឋាន ក្នុងពេលរាត្រីមួយកន្លែង ក្នុងរាជធានីភ្នំពេញគឺហាង «Mango» ហើយមូលហេតុដែលនាង ត្រូវបន្ទាបខ្លួនច្រៀងក្នុងហាង ពេលយប់នេះ ដោយសារតែនាង ត្រូវការប្រាក់ព្យាបាលម្ដាយនាង ដែលកំពុងមានជំងឺមហារីក សុដន់ធ្ងន់ធ្ងរ បើទោះបីជាធ្លាប់បានឆ្លងកាត់ ការវះកាត់ និងកាត់សុដន់ ចោលម្ខាងហើយក៏ដោយ ក៏នៅតែធ្វើទុក្ខ ពិសេសម្ដាយនាងត្រូវចាក់ថ្នាំ និងបាញ់កាំរស្មី ជារៀងរាល់ថ្ងៃ ដែលត្រូវការប្រាក់ចំណាយច្រើន ក្នុងមួយថ្ងៃៗ។
សប្បុរសជនជាច្រើន ធ្លាប់បានជួយជាថវិកា ដើម្បីព្យាបាលម្ដាយរបស់ កញ្ញា ស្រីនាថ តែហាក់មិនអាចសម្រាលបានច្រើនឡើយ គ្រាន់តែទប់ៗមួយគ្រាៗ ប៉ុណ្ណោះ ទើបនាងប្រឹងប្រែង រកលុយម្នាក់ឯង ខណៈដែលប្អូនប្រុសនាងកំពុងរៀន ហើយឪពុករបស់នាងមានចំណូលទាប ពោលមានតែនាងម្នាក់គត់ បានយិតយោងគ្រួសារបាន ។
សោម ស្រីនាថ ជាតារាសម្ដែងម្នាក់ ដែលមានប្រវត្តិតស៊ូបំផុត ខណៈនាងធ្លាប់ជិះម៉ូតូអាគុបរបស់នាង ទៅដើរម៉ូដ កណ្ដាលយប់អាធ្រាត្រ ក៏នាងទៅដែរសំខាន់ គឺរកលុយដើម្បីគ្រួសារនាង ហើយនាងមិនព្រមធ្វើរឿង ដែលមិនត្រឹមត្រូវយកលុយមកចិញ្ចឹមគ្រួសារនោះទេ ខណៈដែលតារាមួយចំនួនមានជីវភាព ល្អប្រសើរ ដោយតែមានគេចិញ្ចឹមបីបាច់ តែនាងប្រឹងប្រែងដោយភាពថ្លៃថ្នូរ ទោះបីត្រូវគេសើចចំអកនាងក៏ដោយ៕
ប្រភព៖ Khmertalking
ដោយឡែករំលឹកព័ត៌មានមួយផ្សេងទៀត៖ លាង សុផាឡែន៖ ពួកខ្លួនបែកគ្នាយូរហើយ តែប្រពន្ធតារាប្រុស T.O បែរជាយករូបចាស់ មកបង្ហោះបង្ករឿងទៅវិញ
ភ្នំពេញ៖ តារាចម្រៀងស្រីស្រស់ ប្រចាំផលិតកម្មភ្លេងរីខត កញ្ញា លាង សុផាឡែន ទើបបង្ហើបថា សព្វថ្ងៃនាងមានគូស្នេហ៍ហើយ ជា មន្ត្រី ប៉ូលិស តែសុំមិនបង្ហាញ តួនាទីពិតប្រាកដឡើយ ខណៈកំពុងស្វែងយល់ចិត្ត ថ្លើមពីគ្នាទៅវិញទៅមក ។ ស្រាប់តែប៉ុន្មានថ្ងៃក្រោយបែរជា ផ្ទុះរឿងអាស្រូវស្នេហ៍ចាស់ផ្អើល ពេញបណ្តាញសង្គមហ្វេសប៊ុក ព្រោះបានបែកគ្នាយូរហើយ តែប្រពន្ធតារាប្រុស T.O យករូបចាស់មកបង្ករឿងទៅវិញ ។
ទោះយ៉ាងណា កញ្ញា លាង សុផាឡែន បានរៀបរាប់ពីដំណើររឿង ស្នេហាខ្លួន និងតារាប្រុស T.O កាលគ្រាដែលនាងមិនទាន់ ដឹងបុរសនោះជាប្តីគេ ប្រាប់ថា៖ «ទំនាក់ទំនងខ្ញុំ និងគេគឺបាន ដាច់គ្នាចាប់តាំងពីនាងខ្ញុំបានដឹងដោយសារស្រ្តីជាភរិយាគាត់ បានទូរស័ព្ទប្រាប់នាងខ្ញុំ នូវដំណឹង ដ៏ភ្ញាក់ផ្អើលនោះមកម្ល៉េះ» ។
តារាចម្រៀងដែលផ្ទុះរឿងអាស្រូវ ស្នេហ៍ចាស់ កញ្ញា លាង សុផាឡែន បន្តថា៖ «ចំពោះទំនាក់ទំនងយើងជាគូស្នេហ៍ ដោយនាងខ្ញុំមិនបានដឹងថាគាត់ មានប្រពន្ធនោះមានរយៈពេលប្រមាណ ជាបីឆ្នាំចុងក្រោយនេះ ខណៈពួកយើងស្គាល់គ្មានក្នុងវិថីសិល្បៈ កំពុងក្នុងផលិតកម្មភ្លេងរំខកច្រើន ជាងនេះគឺជិត ៥ ឆ្នាំ។ បណ្តុំរូបថតដែលខ្ញុំ និងគាត់ធ្លាប់ថតជាមួយគ្នារួមមានទាំងក្រុមការងារ ដែរនោះគឺជារូបភាពចាស់យូរហើយ មិនមែនជារូបថតថ្មីៗដូចដែលស្រ្តីជាភរិយាគាត់បាន អះអាងនោះឡើយ។ ហើយចាប់តាំងពីដឹងរឿង T.O មានប្រពន្ធមក នាងខ្ញុំឈប់ទាក់ទងគាត់ហើយ»។
គួររំលឹកថា តារាចម្រៀងវ័យ៣០ឆ្នាំ កញ្ញា លាង សុផាឡែន ធ្លាប់បានសារភាពថា នាងមានគូស្នេហ៍ហើយ ដែលទើបទំនាក់ទំនង ជាមួយគ្នាបានមួយរយៈ ។ បុរសម្នាក់នោះ ជាមន្ត្រីប៉ូលិស ។ ទោះយ៉ាងណាសុំមិនបង្ហាញ ពីមុខមាត់ របស់គូស្នេហ៍ឡើយ ដោយសារពេលនេះនាង និង បុរសម្នាក់នោះកំពុងស្វែងយល់ចិត្ត ថ្លើមគ្នាទៅវិញទៅមក ។
ទន្ទឹមនឹងនោះ កញ្ញា សុផាឡែន បាននិយាយទៀតថា មុននឹងសម្រេចចិត្តរៀបការ នាងត្រូវតែមានជីវភាព ល្អប្រសើរជាមុនសិន ។ មិនទាន់ប្រាកដថា រវាងនាង និង គូស្នេហ៍អាចឈានទៅចាប់ដៃគ្នា រៀបការឬយ៉ាងណានោះទេ ។ មានការបង្ហើបថា មួយរយៈចុងក្រោយនេះ លាង សុផាឡែន អ៊ុនអៀរគួរសម នាងជោគជ័យ ទាំងព្រមមិនថា រឿងស្នេហា និង ការងារ សិល្បៈនោះទេ ។
ជាមួយនឹងការទទួលស្គាល់ ការពិត លាង សុផាឡែន បានប្រាប់ថា សព្វថ្ងៃនាងមានការងារ មមាញឹក ច្រើន ទាំងការច្រៀងនៅតាម ឆាកប្រ គុំតន្ត្រីរបស់បណ្តារក្រុមហ៊ុន និងតាមស្ថានីយទូរទស្សន៍ នានា ។ ក្រៅពីនេះនាងត្រូវហាត់ច្រៀងបទថ្មីៗ ដែលភាគច្រើនជា បទញាក់កន្ត្រាក់ អារម្មណ៍ ។ សូមជម្រាបថា ស្រីស្រស់ស្អាត លាង សុផា ឡែន កំពុងទទួលបានការ ចាប់អារម្មណ៍ពីសំណាក់ទស្សនិកជន តាមរយៈការតុបតែងខ្លួនប្លែកៗ នៅក្នុង MVបទ «Fill Your Heart Fill Your Cup» «Show Me Love» និងបទ «ស្រលាញ់ប្រុសកំពស់ ១,៧៥» ។
មានការសរសើរថា លាង សុផាឡែន មានស្ទីលប្លែកមិនចាញ់តារា បរទេសនោះទេ ។ ហើយនៅពេលឆាប់ៗ ខាងមុខនេះ លាង សុផាឡែន ត្រៀមនិងច្រៀងបទ Original Song ដែលត្រូវនិង ស្ទីលរបស់នាង ផងដែរ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]