រាជធានីភ្នំពេញ ៖ ក្មេងស្ទាវឈាមរាវស្ទើរភ្លើង ៣នាក់ឃើញអ៊ុំប្រុសម្នាក់ ពាក់ខ្សែកធំៗក៏រមាស់ដៃបែកគំនិតដេញឆក់ តែមិនបានសម្រេចត្រូវម្ចាស់ដេញតាមទាន់ស្រែកចោរៗ ពេលនោះប្រជាពលរដ្ឋ ជូនកាដូរថ្ងៃបុណ្យសេចក្ដីស្រលាញ់ម្នាក់ មួយដៃមួយជើងទើបប្រគល់ឲ្យសមត្ថកិច្ច ដាក់កងដៃអាល័យស្នេហ៍ យកទៅសាកសួរ។
ហេតុការណ៍នេះ បានកើតឡើងកាលពីវេលាម៉ោង ៧និង០០នាទីយប់ ថ្ងៃទី១៤ ខែកុម្ភ ឆ្នាំ២០១៦ ត្រង់ចំណុចមុខសាកលវិទ្យាល័យ មេគង្គ ស្ថិតតាមបណ្ដោយផ្លូវ២៧១ ស្ថិតក្នុងសង្កាត់ទឹកថ្លា ខណ្ឌសែនសុខ ហើយឃាត់ខ្លួនបានត្រង់ចំណុចខាងកើតឃ្លាំងដឹកជញ្ជូនហាក់ម៉ៅ ប្រមាណ៥០មែត្រ ស្ថិតតាមបណ្ដោយផ្លូវ២០០២ ស្ថិតក្នុងសង្កាត់ទឹកថ្លា ខណ្ឌសែនសុខ។
តាមប្រភពព័ត៌មាន ពីជនរងគ្រោះមានឈ្មោះ ហួន ជា ភេទប្រុស អាយុ៧២ឆ្នាំ មុខរបរលក់ដូរ ស្នាក់នៅផ្ទះលេខ២២៩ សង្កាត់ក្រាំធ្នង់ ខណ្ឌសែនសុខ បានឲ្យដឹងថា មុនពេលកើតហេតុរូបគាត់ បានជិះម៉ូតូមួយគ្រឿងម៉ាក Zoomer-X ពណ៌ក្រហម ពាក់ស្លាកលេខ ភ្នំពេញ1GB-7168 បើកបរតាមផ្លូវ២៧១ ក្នុងទិសដៅពីជើងទៅត្បូងលុះមកដល់ចំណុចមុខកន្លែងកើតហេតុស្រាប់តែ មានជនសង្ស័យបីនាក់ជិះម៉ូតូមួយគ្រឿងម៉ាកហុងដាឌ្រីមសេរ៊ីឆ្នាំ២០១៣ ពណ៌ខ្មៅពាក់ស្លាកលេខ ភ្នំពេញ 1CF-5953 បានជិះមកពីក្រោយហើយវ៉ាពីខាងស្ដាំ និងបានធ្វើសកម្មភាពឆក់ខ្សែក ប្លាទីនដែលជនរងគ្រោះពាក់នៅនឹងកមានទម្ងន់២តម្លឹងកន្លះ។
តែជាសំណាងរបស់ជនរងគ្រោះ ដោយជនសង្ស័យឆក់មិនបានសម្រេច ហើយភ្លាមនោះជនរងគ្រោះ ដែលជាជើងចាស់មួយរូបនោះ បានជិះម៉ូតូដេញតាមពីក្រោយហើយស្រែកថាចោរៗ រហូតដល់ចំណុចកើតហេតុ ទើបដេញទាន់ហើយស្រែកឆោឡោផ្អើលប្រជាពលរដ្ឋនៅម្ដុំនោះ រត់មកជូនកាដូដល់ ជនសង្ស័យម្នាក់មួយដៃមួយជើងទើបប្រគល់ឲ្យសមត្ថកិច្ចចាប់វាយខ្នោះ ដឹកបញ្ជូនយកទៅប៉ុស្ដិ៍នគរបាលរដ្ឋបាលទឹកថ្លាដើម្បីធ្វើការសាកសួរ។
បើតាមប្រភពពីសមត្ថកិច្ច បានឲ្យដឹងថា ជនសង្ស័យខាងលើ មានឈ្មោះ ចន្ទ សុបញ្ញា ភេទប្រុស អាយុ១៧ មុខរបរសិក្សថ្នាក់ទី១០ សាលាសាមគ្គី ស្នាក់នៅផ្សារត្រពាំងឈូក សង្កាត់ទឹកថ្លា ខណ្ឌសែនសុខ មានស្រុកកំណើត ក្នុងភូមិស្រុកត្រាំកក់ ខេត្តតាកែវ ជាអ្នកជិះកណ្ដាល រីឯឈ្មោះ ណូត ថាន់ណាហ្វី អាយុ១៧ រៀននៅថ្នាក់ទី៥ សាលាអូរបែកក្អម ស្នាក់នៅផ្ទះជួល ភូមិផ្សារបឹងឈូក សង្កាត់ទឹកថ្លា ខណ្ឌសែនសុខ ជាអ្នកកាន់ចង្កូត និងឈ្មោះ ម៉ៅ រ៉ា ភេទប្រុស អាយុ១៧ឆ្នាំ មុខរបរនៅរៀន ឯខេត្ត ស្នាក់ម្ដុំបាក់ទូក សង្កាត់វាលវង់ ខណ្ឌ៧មករា មានស្រុកកំណើតភូមិស្អំ ឃុំក្រែក ស្រុកក្រែក ខេត្តត្បូងឃ្មុំ ជាអ្នកជិះពីក្រោយ និងជាជនដៃដល់ផងដែរ។
ក្រោយពេលកើតហេតុ អ្នកទាំងបីនាក់ ត្រូវបានកសាងសំណុំរឿង និងបញ្ជូនបន្តទៅកាន់អធិការដ្ឋានខណ្ឌសែនសុខ រង់ចាំការចាត់ការទៅតាមនីតិវិធី៕
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
ក្មេងស្រីកំពុងដេកលក់ ស្រាប់តែបុរសម្នាក់...
ខេត្តព្រៃវែង ៖ សេចក្តីរាយការណ៍បានឲ្យដឹងថា ក្មេងស្រីម្នាក់ខណៈកំពុងដេកលង់លក់កាលពីវេលាម៉ោង១២ និង៣០នាទីរំលងអាធ្រាត្រ ឈានចូលថ្ងៃទី១៤ ខែកុម្ភៈ ឆ្នាំ២០១៧ ស្រាប់តែបុរសម្នាក់ បានលបដាក់ជណ្ដើរឡើង ទៅកាត់ចម្រឹងបង្អួចចូលទៅចាប់រំលោភ តែត្រូវឪពុកម្តាយនាងដឹង ទាន់ស្រែកផ្អើលឆោឡោបង្កឲ្យមានការភ្ញាក់ផ្អើលនៅឃុំស្ពឺ«ក» ស្រុកបាភ្នំ ខេត្តព្រៃវែង ។
ជនសង្ស័យឈ្មោះ ទុយ មាស ភេទប្រុស អាយុ៣៥ឆ្នាំ មុខរបរកសិករ រស់នៅភូមិ-ឃុំកើតហេតុ ចំណែកក្មេងស្រីរងគ្រោះឈ្មោះ យ.ស.ណ អាយុ១៤ឆ្នាំ ។
ប្រភពពីនគរបាល ស្រុកបាភ្នំបានឲ្យដឹងា នៅយប់ថ្ងៃកើតហេតុជនសង្ស័យបានដាក់ជណ្ដើរឡើងទៅកាត់ចម្រឹងបង្អួច រួចលបចូលទៅធ្វើសកម្មភាព ចាប់រំលោភក្មេងស្រីរងគ្រោះ ប៉ុន្តែសំណាងល្អ ខណៈកំពុងធ្វើសកម្មភាព ក៏ត្រូវឪពុកម្តាយនាងដឹងស្រែកផ្អើលឆោឡោ ហើយដេញចាប់ជនសង្ស័យ បានយកមកប្រគល់ឲ្យសមត្ថកិច្ចតែម្តង ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
