ខេត្តព្រះវិហារ ៖ សេចក្តីរាយការណ៍បានឱ្យដឹងថា ជនសង្ស័យម្នាក់ត្រូវសមត្ថកិច្ចឃាត់ខ្លួន បញ្ជូនទៅស្នងការដ្ឋាននគរបាលខេត្ត ដើម្បីសាកសួរ កាលពីព្រឹកថ្ងៃទី១៣ កុម្ភៈ នេះ បន្ទាប់ពីធ្វើសកម្មភាពចាប់រំលោភសេពសន្ថវៈលើអនីតិជន ដែលត្រូវក្មួយស្រីបង្កើតរបស់ខ្លួន។
ជនសង្ស័យខាងលើ ឈ្មោះសាប់ ស៊ិញ រីឯក្មេងស្រីជាក្មួយរងគ្រោះ មានអាយុ៩ឆ្នាំ ។
ប្រភពឱ្យដឹងថា ការចាប់ខ្លួននេះ គឺយោងតាមពាក្យបណ្តឹងរបស់ឈ្មោះស៊ឹម លីម ត្រូវជាម្តាយក្មេងស្រីរងគ្រោះ ដោយគាត់បានឱ្យដឹងថា កាលពីថ្ងៃទី០១ កុម្ភៈ កន្លងមក ស្ថិតនៅចំណុចខ្ទមស្រែ ក្នុងភូមិសែនគង់ ឃុំចំរើន ស្រុកសង្គមថ្មី ខណៈគាត់បានទៅចម្ការបាត់ ជនសង្ស័យបានចាប់រំលោភកូនស្រីគាត់ ហើយបានបែកធ្លាយ ក្រោយពីកូនស្រីយករឿងនេះទៅប្រាប់គាត់ ។
បន្ទាប់ពីទទួលដំណឹងនេះភ្លាម គាត់បានមកដាក់ពាក្យបណ្តឹងនៅអធិការដ្ឋាននគរបាលស្រុកសង្គមថ្មី ដើម្បីស្វែងរកយុត្តិធម៌ ។ លុះមកដល់ថ្ងៃទី១១ កុម្ភៈ សមត្ថកិច្ចក៏បានឃាត់ខ្លួនជនសង្ស័យបានតែម្តង ។
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
(ប៉ៃលិន)៖ លោក រ៉ិត គង់ ប្រធានការិយាល័យគយ និងរដ្ឋាករច្រកព្រំដែន ព្រំ នៃសាខាគយ និងរដ្ឋាករខេត្តប៉ៃលិន នៅម៉ោង១១៖២៥នាទី យប់ថ្ងៃទី១២ ខែកុម្ភៈ ឆ្នាំ២០១៧ បានទទួលមរណភាព ដោយសារគ្រោះថ្នាក់ចរាចរណ៍ ដោយរថយន្តរបស់លោក បុកជាមួយរថយន្តដឹកម៉ៃឃូ ក្នុងភូមិរថក្រោះឆេះ ខេត្តប៉ៃលិន។
សមត្ថកិច្ចនគរបាលខេត្តប៉ៃលិន បានបញ្ជាក់ប្រាប់អង្គភាព Fresh News នៅព្រឹកថ្ងៃទី១៣ ខែកុម្ភៈ ឆ្នាំ២០១៧នេះថា មុនពេលកើតហេតុ នៅយប់ថ្ងៃទី១២ ខែកុម្ភៈ លោក រ៉ិត គង់ ប្រធានការិយាល័យគយ និងរដ្ឋាករ ច្រកព្រំដែនព្រំ បានធ្វើដំណើរចេញពីកន្លែងធ្វើការ ត្រឡប់ទៅផ្ទះ នៅខេត្តបាត់ដំបង លុះដល់កន្លែងកើតហេតុក៏ជួបគ្រោះថ្នាក់ចរាចរណ៍ រថយន្តរបស់លោក រ៉ិត គង់ ក៏បុកជាមួយរថយន្តធនធំ ដឹកម៉ៃឃូ បណ្តាលឲ្យស្លាប់ នៅកន្លែងកើតហេតុ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]