ខេត្តស្វាយរៀង ៖ គ្រោះថ្នាក់ចរាចរណ៍មួយបង្កឡើង ដោយរថយន្តទេសចរណ៍៤៥កៅអី បុកជាមួយគោយន្ត ដឹកដើមប្រេងខ្យល់ពេញទំហឹង បណ្តាលឲ្យអ្នកបើកបរគោយន្តស្លាប់ភ្លាមៗនៅលើគោយន្ត រីឯរថយន្តក្រុងរេចង្កូតបើកបុកម៉ូតូ ពីរនាក់ប្តីប្រពន្ធកំពុងឈប់ចាក់សាំងខាងមុខ តូបលក់កាហ្វេបណ្តាលឲ្យរងរបួសបាក់ជើងម្ខាង និងជ្រុលចូលក្នុងហាងលក់កាហ្វេបុករះ ធ្វើឲ្យភ្ញៀវកំពុងអង្គុយ ក្នុងហាងកាហ្វេរត់ប្រាសអាយុភ័យស្លន់ស្លោ។
ហេតុការគ្រោះថ្នាក់ចរាចរណ៍នេះ កើតឡើងកាលពីវេលាម៉ោង ៥និង៣០នាទីល្ងាច ថ្ងៃទី៦កុម្ភៈ ២០១៧ នៅលើកំណាត់ផ្លូវជាតិលេខ១ ចំណុចខាងលិចខ្លោងទ្វារវត្តធ្លក ស្ថិតនៅភូមិព្រៃផ្តៅ សង្កាត់ច្រកម្ទេស ក្រុងបាវិត។
បើតាមសមត្ថកិច្ចបានបង្ហើបឲ្យដឹងថា មុនពេលកើតហេតុ គេឃើញ បុរសម្នាក់បើកបរគោយន្តដឹកដើមប្រេងខ្យល់ពីទិសខាងកើតទៅលិច លុះមកដល់ចំណុចកើតហេតុបានរេចង្កូតចូលទ្រូងថ្នល់ស្របពេលនោះក៏មានរថយន្តក្រុងមួយគ្រឿងប្រភេទទេសចរណ៍៤៥កៅអី ម៉ាកហ៊ីយ៉ាន់ដាយ ពណ៌ក្រហម បើកបរបញ្ច្រាសទិសគ្នាពីលិចមកកើតក៏បុកគ្នាពេញទំហឹងលាន់ដូចរន្ទះ បណ្តាលឲ្យបុរសអ្នកបើកបរគោយន្តស្លាប់ភ្លាមៗនៅលើគោយន្តគួរឲ្យរន្ធត់។
បន្ទាប់មករថយន្តបង្ក រេចង្កូតទៅបុកម៉ូតូជនរងគ្រោះ ២នាក់ប្តីប្រពន្ធដែលកំពុងឈប់ចាក់សាំងនៅខាងមុខផ្ទះ លក់កាហ្វេបណ្តាលឲ្យ ស្ត្រីជាប្រពន្ធ រងរបួសបាក់ជើងម្ខាង រីឯបុរសជាប្តីគេចផុត រថយន្តក៏ជ្រុលចង្កូតបុកចូលក្នុង ផ្ទះលក់កាហ្វេបុករះ បណ្តាលឲ្យភ្ញៀវភិតភ័យរត់ប្រាសអាយុ។ បន្ទាប់មកសមត្ថកិច្ចបញ្ជូន ស្ត្រីរងគ្រោះមកកាន់មន្ទីរពេទ្យខេត្ត ដើម្បីសង្គ្រោះ។
សមត្ថកិច្ចសន្និដ្ឋានថា មូលហេតុអ្នកបើកគោយន្តដឹក ដើមប្រេងខ្យល់រេចង្កូតចូលទ្រូងថ្នល់បណ្តាលឲ្យដើមប្រេងខ្យល់រេចូល ផ្លូវរថយន្តក្រុងទើបបុកគ្នាដូច្នេះ ទោះបីយ៉ាងណាសមត្ថកិច្ចបានធ្វើការស្រាវជ្រាវ និងវាស់វែងរកឲ្យឃើញថា តើភាគីណាជាអ្នកបង្កឲ្យមានគ្រោះថ្នាក់ចរាចរណ៍នេះ៕
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
{Update} ក្រោយពេលចាប់បានជនដៃដល់ ទើបដឹងថាស្ត្រីរងគ្រោះនិយាយមិនពិត
រាជធានីភ្នំពេញ ៖ ទីបំផុត បុរសអ្នកបើកបររថយន្ត ដឹកស៊ីម៉ង់ត៍ជើងខ្លាំង ដែលបានធ្វើទារុណកម្ម វាយធ្វើបាប និងប៉ុនប៉ងចាក់សម្លាប់ ព្រមទាំងគំរាមថា នឹងតាមធ្វើស៊ី(សម្លាប់ចោល)ស្ត្រីម្នាក់នោះ ត្រូវបានកម្លាំងនគរបាលប៉ុស្ដិ៍ចោមចៅចាប់ខ្លួនបានហើយកាលពីវេលាម៉ោងជាង ១២រំលងអាធ្រាត្រឈានចូលថ្ងៃទី៦ ខែកុម្ភៈ ឆ្នាំ២០១៧ បន្ទាប់ពីរត់គេចខ្លួន អស់រយៈពេលជាង១២ម៉ោង ។
ស្ត្រីរងគ្រោះ បានឲ្យសមត្ថកិច្ចដឹងថា រវាងនាងនិងជនដៃដល់ជាមនុស្សស្គាល់គ្នា ដោយនាងបានហៅគាត់ ឲ្យមកនៅក្បែរបានជាគ្នាទៀតផង ហើយកន្លងមកមិនដែលមានទំនាស់គ្នាទាល់តែសោះ ប៉ុន្តែមិនដឹងថាជននោះខឹង និងមានគំនុំអ្វីជាមួយនាងតាំងពីពេលណាមកទេទើប ធ្វើបាបនាងបែបនេះ ។
ប៉ុន្តែក្រោយពេលចាប់ខ្លួន ជនសង្ស័យបាន ប្រាប់សមត្ថកិច្ចថា មិនមែននៅសុខៗខ្លួនទៅវាយនាងដោយគ្មាន រឿងទៅកើតនោះទេ គឺមុនពេលកើតហេតុ ដោយសារតែនាងម្នាក់នោះនិយាយដើម បរិហារកេរ្តិ៍ខ្លួនមិនឈប់ ហើយនៅពេលដឹងខ្លួនថា ត្រូវស្ត្រីនោះនិយាយបរិហារកេរ្តិ៍បែបនេះ ខ្លួនខឹងខ្លាំងណាស់ក៏បានទៅសួរនាំ និងបបួលនាងដើម្បីទៅជជែកគ្នានៅប៉ុស្ដិ៍ប៉ូលិសចោមចៅ រកខុសត្រូវ ស្រាប់តែពេលនោះស្ត្រីខាងលើបានជេរម្រ៉ាយខ្លួនឥតសំចៃមាត់ ហើយថែមទាំងនិយាយថា «ឯងឪអញមែន បានបបួលអញទៅប៉ុស្ដិ៍ប៉ូលិស?» ដែលសម្ដីនោះបានដុតបញ្ឆេះ កំហឹងឲ្យខ្លួនរឹតតែខឹងខ្លាំងថែមទៀត រហូតអត់ទ្រាំមិន បានក៏បានវាយតែម្ដង ប៉ុន្តែខណៈនោះស្ត្រីម្នាក់នេះ ក្រញៅបណ្ដាលឲ្យរូបគេមុត ក្រចកដាច់សាច់ផ្ទៃមុខ ទើបរូបគេទាញយកកូន កាំបិតប្រុងចាក់សម្លាប់តែម្ដង។
គួរបញ្ជាក់ថា ហេតុការណ៍ខាងលើនោះ បានកើតឡើងកាលពីវេលាម៉ោង១១ និង៥០នាទីព្រឹក ថ្ងៃទី៥ ខែកុម្ភៈ ឆ្នាំ២០១៧ នៅចំណុចផ្ទះជួលមួយកន្លែង ដែលមានទីតាំងស្ថិតនៅក្នុងភូមិគោកចំបក់ សង្កាត់ចោមចៅ ខណ្ឌពោធិ៍សែនជ័យ ។ ស្ត្រីដែលជាជនរងគ្រោះនោះឈ្មោះ អ៊ឹម ស្រីម៉ៅ អាយុ៣០ឆ្នាំ មានស្រុកកំណើតនៅភូមិត្រពាំងស្រងែ ឃុំអង្គតាសោម ស្រុកត្រាំកក់ ខេត្តតាកែវ មានប្តីឈ្មោះ ចិន ស៊ីម អាយុ៣៨ឆ្នាំ មុខរបរជាមន្ត្រីយោធា សព្វថ្ងៃស្នាក់នៅផ្ទះជួលកើតហេតុខាងលើ ។
ចំណែកជនដៃដល់ឈ្មោះ ឆេង លី ភេទប្រុស អាយុប្រហែលជាង៣០ឆ្នាំ មុខរបរជាអ្នកបើកបររថយន្តដឹកស៊ីម៉ង់ត៍ ស្នាក់នៅបន្ទប់ផ្ទះជួលក្បែរគ្នា ត្រូវចាប់ខ្លួនបានហើយ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
