រាជធានីភ្នំពេញ ៖ ទីបំផុត បុរសអ្នកបើកបររថយន្ត ដឹកស៊ីម៉ង់ត៍ជើងខ្លាំង ដែលបានធ្វើទារុណកម្ម វាយធ្វើបាប និងប៉ុនប៉ងចាក់សម្លាប់ ព្រមទាំងគំរាមថា នឹងតាមធ្វើស៊ី(សម្លាប់ចោល)ស្ត្រីម្នាក់នោះ ត្រូវបានកម្លាំងនគរបាលប៉ុស្ដិ៍ចោមចៅចាប់ខ្លួនបានហើយកាលពីវេលាម៉ោងជាង ១២រំលងអាធ្រាត្រឈានចូលថ្ងៃទី៦ ខែកុម្ភៈ ឆ្នាំ២០១៧ បន្ទាប់ពីរត់គេចខ្លួន អស់រយៈពេលជាង១២ម៉ោង ។
ស្ត្រីរងគ្រោះ បានឲ្យសមត្ថកិច្ចដឹងថា រវាងនាងនិងជនដៃដល់ជាមនុស្សស្គាល់គ្នា ដោយនាងបានហៅគាត់ ឲ្យមកនៅក្បែរបានជាគ្នាទៀតផង ហើយកន្លងមកមិនដែលមានទំនាស់គ្នាទាល់តែសោះ ប៉ុន្តែមិនដឹងថាជននោះខឹង និងមានគំនុំអ្វីជាមួយនាងតាំងពីពេលណាមកទេទើប ធ្វើបាបនាងបែបនេះ ។
ប៉ុន្តែក្រោយពេលចាប់ខ្លួន ជនសង្ស័យបាន ប្រាប់សមត្ថកិច្ចថា មិនមែននៅសុខៗខ្លួនទៅវាយនាងដោយគ្មាន រឿងទៅកើតនោះទេ គឺមុនពេលកើតហេតុ ដោយសារតែនាងម្នាក់នោះនិយាយដើម បរិហារកេរ្តិ៍ខ្លួនមិនឈប់ ហើយនៅពេលដឹងខ្លួនថា ត្រូវស្ត្រីនោះនិយាយបរិហារកេរ្តិ៍បែបនេះ ខ្លួនខឹងខ្លាំងណាស់ក៏បានទៅសួរនាំ និងបបួលនាងដើម្បីទៅជជែកគ្នានៅប៉ុស្ដិ៍ប៉ូលិសចោមចៅ រកខុសត្រូវ ស្រាប់តែពេលនោះស្ត្រីខាងលើបានជេរម្រ៉ាយខ្លួនឥតសំចៃមាត់ ហើយថែមទាំងនិយាយថា «ឯងឪអញមែន បានបបួលអញទៅប៉ុស្ដិ៍ប៉ូលិស?» ដែលសម្ដីនោះបានដុតបញ្ឆេះ កំហឹងឲ្យខ្លួនរឹតតែខឹងខ្លាំងថែមទៀត រហូតអត់ទ្រាំមិន បានក៏បានវាយតែម្ដង ប៉ុន្តែខណៈនោះស្ត្រីម្នាក់នេះ ក្រញៅបណ្ដាលឲ្យរូបគេមុត ក្រចកដាច់សាច់ផ្ទៃមុខ ទើបរូបគេទាញយកកូន កាំបិតប្រុងចាក់សម្លាប់តែម្ដង។
គួរបញ្ជាក់ថា ហេតុការណ៍ខាងលើនោះ បានកើតឡើងកាលពីវេលាម៉ោង១១ និង៥០នាទីព្រឹក ថ្ងៃទី៥ ខែកុម្ភៈ ឆ្នាំ២០១៧ នៅចំណុចផ្ទះជួលមួយកន្លែង ដែលមានទីតាំងស្ថិតនៅក្នុងភូមិគោកចំបក់ សង្កាត់ចោមចៅ ខណ្ឌពោធិ៍សែនជ័យ ។ ស្ត្រីដែលជាជនរងគ្រោះនោះឈ្មោះ អ៊ឹម ស្រីម៉ៅ អាយុ៣០ឆ្នាំ មានស្រុកកំណើតនៅភូមិត្រពាំងស្រងែ ឃុំអង្គតាសោម ស្រុកត្រាំកក់ ខេត្តតាកែវ មានប្តីឈ្មោះ ចិន ស៊ីម អាយុ៣៨ឆ្នាំ មុខរបរជាមន្ត្រីយោធា សព្វថ្ងៃស្នាក់នៅផ្ទះជួលកើតហេតុខាងលើ ។
ចំណែកជនដៃដល់ឈ្មោះ ឆេង លី ភេទប្រុស អាយុប្រហែលជាង៣០ឆ្នាំ មុខរបរជាអ្នកបើកបររថយន្តដឹកស៊ីម៉ង់ត៍ ស្នាក់នៅបន្ទប់ផ្ទះជួលក្បែរគ្នា ត្រូវចាប់ខ្លួនបានហើយ ៕
ប្រភព៖ កោះសន្តិភាព
កំណត់ហេតុខ្មែរឡូត៖
គួររំលឹកព័ត៌មានចាស់ដែរថា ហៅមកនៅជិតបានជាគ្នា បែរជាវាយធ្វើបាបហើយប៉ុនប៉ងចាក់សម្លាប់ទៀត
រាជធានីភ្នំពេញ ៖ ស្ត្រីម្នាក់ត្រូវបានអ្នកជិតខាងជួយឲ្យរួចផុតពីសេចក្ដីស្លាប់ ហើយរត់ទៅប្ដឹងនគរបាលប៉ុស្ដិ៍ចោមចៅជួយអន្តរាគមន៍បន្ទាប់ពីនាងទទួលរងទារុណកម្មវាយធ្វើបាប និងប៉ុនប៉ងចាក់សម្លាប់ពីបុរសម្នាក់ដែលរស់នៅបន្ទប់ជួលជិតគ្នា ។ ហេតុការណ៍នេះបានកើតឡើងកាលពីវេលាម៉ោង១១ និង៥៥នាទីព្រឹក ថ្ងៃទី៥ ខែកុម្ភៈ ឆ្នាំ២០១៧ នៅចំណុចផ្ទះជួលមួយកន្លែង ស្ថិតក្នុងភូមិគោកចំបក់ សង្កាត់ចោមចៅ ខណ្ឌពោធិ៍សែនជ័យ ។
ស្ត្រីរងគ្រោះឈ្មោះ អ៊ឹម ស្រីម៉ៅ អាយុ៣០ឆ្នាំ មានស្រុកកំណើតនៅក្នុងភូមិត្រពាំងស្រងែ ឃុំអង្គតាសោម ស្រុកត្រាំកក់ ខេត្តតាកែវ មានប្តីឈ្មោះ ចិន ស៊ីម អាយុ៣៨ឆ្នាំ មុខរបរជាមន្ត្រីយោធា សព្វថ្ងៃស្នាក់នៅផ្ទះជួលកើតហេតុខាងលើ ។ ចំណែកជនដៃដល់ឈ្មោះ ឆេង លី ភេទប្រុស អាយុជាង៣០ឆ្នាំ មុខរបរអ្នកបើកបររថយន្តដឹកស៊ីម៉ង់ត៍ ស្នាក់នៅបន្ទប់ផ្ទះជួលក្បែរគ្នា ។
ស្ត្រីរងគ្រោះបានឲ្យសមត្ថកិច្ចដឹងថា នាងនិងជនដៃដល់ជាមនុស្សស្គាល់គ្នា ដោយនាងបានហៅគាត់ឲ្យមកនៅក្បែរបានជាគ្នាទៀតផង ហើយកន្លងមកមិនដែលមានទំនាស់គ្នាទាល់តែសោះ ប៉ុន្តែមិនដឹងថា ជននោះខឹង ឬ មានគំនុំអ្វីជាមួយនាងតាំងពីពេលណាទេ ទើបធ្វើបាបនាងបែបនេះ ។
ស្ត្រីរងគ្រោះឲ្យដឹងទៀតថា មុនពេលកើតហេតុ ខណៈនាងកំពុងបោសសំអាតផ្ទះដោយមិនដឹងខ្លួន ស្រាប់តែជននោះស្រែកឡូឡា បន្ទាប់មកបានទាញអំបោសវាយនាងទាំងកំរោលដោយមិនដឹងមូលហេតុ បន្ទាប់មកជននោះបានទាញយកកូនកាំបិតប៉ងចាក់សម្លាប់នាងទៀត ប៉ុន្តែបានអ្នកជិតខាងជួយទាន់ កុំអីនាងស្លាប់បាត់ទៅហើយ មិនតែប៉ុណ្ណោះជននោះបាននាំបក្សពួកតាមសម្លាប់នាងចោលថែមទៀតផង ។ ក្រោយពីមានការភ្ញាក់ផ្អើល ជនបង្កបានបើករថយន្តម៉ាកវីហ្គោ ស៊េរីឆ្នាំ២០១៦ គេចខ្លួនបាត់ ព្រមទាំងបានគំរាមតាមទូរស័ព្ទថា ទោះនាងទៅដល់ទីណាក៏តាមធ្វើនាងស៊ី(សម្លាប់នាងចោល)ដែរ និងគំរាមថា និងដាក់ពាក្យប្ដឹងនាងទៀតផង ។ ពិតជាខ្លាំងគួរឲ្យខ្លាចមែនទែនសម្រាប់អ្នកទន់ខ្សោយដូចជារូបនាង។
សមត្ថកិច្ចនគរបាលបានឲ្យថា ក្រោយពេលទទួលរងទារុណកម្ម និងប៉ុនប៉ងចាក់សម្លាប់ពីសំណាក់ជនដៃដល់ ខាងលើនោះរួច ស្ត្រីរងគ្រោះបានទូរស័ព្ទសុំអន្តរាគមន៍ពីសំណាក់នគរបាលប៉ុស្ដិ៍ចោមចៅ ហើយខណៈនោះកម្លាំងបានចុះភ្លាមៗ ប៉ុន្តែជនដៃដល់បានរត់គេចខ្លួនបាត់ទៅហើយ ប៉ុន្តែទោះបីជាយ៉ាងណា ជននោះមិនអាចគេចផុតពីសំណាញ់ច្បាប់បានឡើយ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]