ខេត្តសៀមរាប ៖ រូបសំណាកលោកយាយទេព ត្រូវបានជនមិនស្គាល់មុខវាយបំបាក់.ក និងក្តោងចម្រុះ កាលពីយប់រំលងអធាត្រ ឈានចូលថ្ងៃទី២៤ មករា ស្ថិតនៅតាមផ្លូវជាតិលេខ៦ ខាងត្បូងព្រះអង្គចេកព្រះអង្គចម ក្នុងភូមិមណ្ឌល២ សង្កាត់ស្វាយដង្គំ ក្រុង សៀមរាប ហើយត្រូវបានអ្នកមើលការខុសត្រូវ យកស៊ីម៉ង់តិ៍មកបិត នៅរសៀលថ្ងៃទី២៤ មករាដដែលរួចរាល់ជាស្ថាបពរ ។
ប៉ុន្តែទោះបីជាលាក់បាំង យ៉ាងណាក៏ដោយ ក៏នៅតែមិនអាចបិតបាំង ពីភ្នែកមហាជន ឬក៏ភ្ញៀវដែលតែងតែចូលមក គោរពបួងសូងសុំសេចក្តីសុខបានឡើយ ។
បើតាមសម្តីអ្នកមើលការ ខុសត្រូវម្នាក់ឈ្មោះឈឿង អ៊ស់ ភេទស្រី អាយុ៣៧ឆ្នាំ អ្នកបីបាច់ថែរក្សានៅកន្លែងរូបសំណាក លោកយាយទេពជាង ១០ឆ្នាំមកហើយ មានទីលំនៅភូមិនគរក្រៅ សង្កាត់គោកចក ក្រុងសៀមរាប បានរៀបរាប់ប្រាប់អ្នកយកព័ត៌មាននៅថ្ងៃទី២៥ មករា នេះថា កាលពីយប់រំលងអធ្រាត្រ ចូលថ្ងៃទី២៤ មករា មានអ្នកមកចូលអុចធូកនៅទីនេះ បានខលមកប្រាប់គាត់ថា រូបសំណាកលោកយាយទេព ត្រូវជនមិនស្គាល់មុខ បានវាយកម្ទេចបំបាក់.ក និងក្តោងចម្រុះ លោកយាយអស់ហើយ ។
គាត់បន្តថា លុះព្រឹកឡើង គាត់បានមកដល់ ក៏រាយការទៅថ្នាក់លើ ដើម្បីសុំយោបល់នាំគ្នាទិញស៊ីម៉ង់តិ៍យកមកបិត ដើម្បីកុំឱ្យភ្ញៀវចូលមកបួងសួងសុំសេចក្តីសុខនាំគ្នាឃើញ រូបសំណាកលោកយាយទេពបាក់.ក និងខ្ទេចក្តោងចម្រុះនោះ នាំឱ្យពួកគាត់អស់ជំនឿ មកលើថ្នាក់ដឹកនាំ ។
អ្នកស្រីបញ្ជាក់ទៀតថា ចំពោះក្បាលលោកយាយទេព ត្រូវបានជនមិនស្គាល់មុខវាយបំបាក់នោះ ប៉ុន្តែមិនបានចេញពីគ្នាទេ ដូច្នេះពួកគាត់ដែលជាអ្នកមើលការខុសត្រូវនោះ បានយកស៊ីម៉ង់តិ៍មកបិតឱ្យដូចដើមវិញ ។ ចំណែកខ្ទង់ច្រមុះលោកយាយរកមិនឃើញ ក៏យកស៊ីម៉ង់តិ៍មកបិតជំនួសវិញ ប៉ុន្តែទោះជាយ៉ាងណាក៏ដោយ ក៏មិនបានដូចដើមវិញដែរ ។
ទស្សនាវីដេអូ៖
ប្រភព៖ កោះសន្តិភាព
ដោយឡែកក្រឡេកទៅមើលព័ត៌មាន ចាប់អារម្មណ៍មួយផ្សេងទៀត៖
រដ្ឋមន្រ្តីក្រសួងព័ត៌មាន៖ ពិធីការិនីរបស់វិទ្យុ ABC បានចូលក្នុងបញ្ជីខ្មៅ
ភ្នំពេញ៖រដ្ឋមន្រ្តីក្រសួងព័ត៌មាន លោក ខៀវ កាញារីទ្ធ បានថ្លែងថា ចំពោះពិធីករ-ពិធីការិនី រូបណាដែលជាប់ជំពាក់ លើការជេរបញ្ចោ មកទស្សនិកជន ដែលបានរិះគន់ ចំពោះកាយវិកាមិនសមរម្យ របស់ខ្លួនពេលកំពុងផ្សាយផ្ទាល់ មិនអនុញ្ញាតឲ្យឡើងប៉ុស្តិ៍ទូរទស្សន៍ ហើយចំណែកពិធីការិនី របស់វិទ្យុABC ដែលមានកាយវិការមិនសមរម្យ និងខ្វះសីលធម៌នោះ បានចូលក្នុងបញ្ជីខ្មៅហើយ ។
ការលើកឡើងរបស់លោករដ្ឋមន្រ្តី បានធ្វើឡើងបន្ទាប់ពីក្រុមពិធីករ-ពិធីការិនីរបស់វិទ្យុ ABCបានជួលម៉ោងទូរទស្សន៍ប៉ុស្តិ៍ លេខ៣ផ្សាយពីកម្មវិធីចម្រុះ ABC 3 Spring ដែលបានប្រព្រឹត្តនូវអំពើពុំ គួរគប្បីដោយសម្ដែងកាយវិការ មិនសមរម្យ ប្រើសំដីខ្វះសីលធម៌វិជ្ជាជីវៈ ជាអ្នកសារព័ត៌មាន និងបានប្រមាថមាក់ងាយអ្នកស្ដាប់ ក៏ដូចជាទស្សនិជន ។
ក្នុងពិធីសំណេះសំណាលជា ភាតរភាពជាមួយនិវត្តជន នៅព្រឹកថ្ងៃទី២៥ ខែមករា ឆ្នាំ២០១៧ថា “ខ្ញុំបាននិយាយហើយពិធីករ-ពិធីការិនីណាដែល ជាប់ជំពាក់លើបញ្ហា ជេរបញ្ចោគេ គឺមិនអនុញ្ញាតឲ្យឡើងប៉ុស្តិ៍នោះទេ លើកលែងតែ៣ទៅ៤ឆ្នាំទៀត ។ ប៉ុន្តែគាត់បានចូលក្នុងបញ្ជីខ្មៅ” ។
លោកបន្តថា កំហុងខុសឆ្គងរបស់ពិធីការិនីរូបនោះ ជារឿងធម្មតាទេ ចំពោះអ្នកដែលមិនធ្លាប់បានធ្វើការងារ ប្រភេទនេះ ប៉ុន្តែពិធីការិនីរូបនោះ ក្រោយពីមានការរិះគន់មិនព្រមទទួលយកទេ បែរជាមកបកស្រាយហើយ ជេរអ្នករិះគន់ទៅវិញ នេះជាចំណុចដែលមិនសម ជាពិធីករ-ពិធិការិនីទេ ។ លោកថា កំហុសជេរសាធារណជន គឺជាកំហុសវិជ្ជាជីវៈ ដែលជាកំហុសមិនអាច លើកលែងឲ្យបាន ។ កំហុសមាន២គឺ កំហុសធម្មតានិងកំហុសវិជ្ជាជីវៈ ដែលកំហុសនេះ មិនអាចលើកលែងឲ្យបាននោះទេ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]