ភ្នំពេញ៖ បន្ទាប់ពីផ្ទុះរឿងក្រមសីលធម៌មិនសមរម្យរបស់ពិធីករ និងពិធីការិនីមួយក្រុមនៅស្ថានីយវិទ្យុABCមក ពេលនេះបណ្តាអ្នកលេង បណ្តាញសង្គមហ្វេសប៊ុកទាំងអស់កំពុងតែមានប្រតិកម្មខ្លាំងទាក់ទងទៅនឹងរឿងនេះ។
ក្រោយមានរឿងដូច្នេះកើតឡើង ក៏មានការសម្តែងភាពមិនពេញចិត្តជាច្រើន ទៅលើសកម្មភាពមិនសមរម្យទាំងនោះ ស្របពេលដែលមានម្ចាស់គណនីហ្វេសប៊ុក Honey Oun Ta ដែលត្រូវបានគេស្គាល់ថា ជាពិធីការិនីមួយរូបនៅវិទ្យុABCចេញមកប្រតិកម្មតបតទៅវិញក្នុងរឿងនេះដែរ។
ចំណែកឯលោក ខៀវ កញ្ញារិទ្ធ ក៏បានប្រាប់នៅក្នុងហ្វេសប៊ុករបស់លោកថា៖
«បណ្តុះបណ្តាលពិធីករពិធីការិនីវិទ្យុ ទូរទស្សន៍ មិនមែនជាការលេងទេ ហើយរឹតតែមិនមែនងាយទៀត បណ្តុះបណ្តាល អ្នកនិយាយព័ត៌មាន ព្រោះមិនមែនគ្រាន់តែនិយាយឲ្យឮនោះទេ ត្រូវមានទាំងសីលធម៌ មានទាំងចំនេះដឹង ។ សូមថែរក្សាអាជីពនេះឲ្យថ្លៃថ្នូរ បើមិនដូចនេះទេ អាជីពនេះសូមធាក់អ្នកចេញហើយ!»។
រីឯប្អូនស្រីបង្កើតរបស់អ្នកនាង ឈិន ច័ន្ទសុធារី កញ្ញា ឈិន រីយ៉ា ពិធីការិនីនៅទូរទស្សន៍ MY TV ក៏បានបញ្ចេញយោបល់ នៃការយល់ឃើញរបស់ខ្លួនឯងដែរ។ កញ្ញា ឈិន រីយ៉ា បានប្រាប់ដូច្នេះថា៖
«គួរតែរៀនទទួលស្គាល់កំហុស ហើយកែខ្លួនទើបជាការល្អ ទើបអាចធ្វើជាពិធីការិនី ដែលប្រកបដោយទេពកោសល្យ និងចំណេះវិជ្ជា ទោះបីធ្វើកម្មវិធីបែបសប្បាយដល់ថ្នាក់ណាក៏ដោយ ក៏មិនអាចបំពានឲ្យលើសក្រមសីលធម៌ការងាររបស់ខ្លួនឯងដែរ ព្រោះអ្នកជាពិធីការិនីមិនមែនជាអ្នកកំប្លែង។ ខ្ញុំក៏ធ្លាប់មានកំហុស ហើយក៏មានអ្នករិះគន់ ប៉ុន្តែខ្ញុំទទួលស្គាល់កំហុសហើយទទួលពាក្យរិះគន់ដោយរីករាយ។ នេះគ្រាន់តែជាគំនិតក្នុងន័យស្ថាបនា៕ សូមអរគុណ!»
ចុះប្រិយមិត្តវិញយល់យ៉ាងណាដែរ?
ទស្សនាវីដេអូ ដែលគេរិះគន់ចំពោះទង្វើរបស់ពិធីករ-ពិធីការិនីវិទ្យុ ABC៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]