រាជធានីភ្នំពេញ ៖ បុរសជនជាតិចិន៣នាក់ បន្ទាប់ពីចូលទៅរករឿងម្ចាស់ភោជនីយដ្ឋានរួចតែមិនអស់ចិត្តបានបើកឡានបុកទម្លុះចូលក្នុងហាងបង្កឲ្យមានការភ្ញាក់ផ្អើលកាលពីវេលាម៉ោង១០ និង៣០នាទីយប់ ថ្ងៃទី២១ ខែមករា ឆ្នាំ២០១៧ នៅភោជនីដ្ឋានសាច់អាំងទ័ពអាកាសលេខ១ ផ្លូវលេខ២០៨ សង្កាត់បឹងរាំង ខណ្ឌដូនពេញ ។
បើតាមសំដីរបស់បុគ្គលិកស្រីម្នាក់សុំមិនបញ្ចេញឈ្មោះបានប្រាប់ឲ្យដឹងថា មុនពេលកើតហេតុមានជនជាតិចិនប្រុស៣នាក់ចូលមករករឿងថៅកែដែលជាចិនដូចគ្នា ដោយសារតែខឹងឈប់ជួលផ្ទះឲ្យជនជាតិចិនម្នាក់ក្នុងចំណោម៣នាក់នោះ ព្រោះជនជាតិចិនរូបនោះជួលផ្ទះស្នាក់នៅពីរបីខែមិនបានឲ្យលុយថ្លៃជួល ។ បុរសជាជនជាតិចិននោះខឹងបណ្តេញរូបគេចេញពីផ្ទះជួល ស្រាប់តែនៅយប់កើតហេតុបាននាំបក្សពួក២នាក់ទៀតជិះរថយន្ត ម៉ាកតូយ៉ូតាព្រូស ពណ៌ស្ករ ពាក់ស្លាកលេខ ភ្នំពេញ 2Y-7093 បានមកអុកឡុកក្នុងហាង ហើយបើករថយន្តបុកចូលក្នុងហាងធ្វើឲ្យខូចខាតសម្ភារក្នុងហាងអស់មួយចំនួន ភ្លាមៗនោះបុគ្គលិក និងថៅកែនាំគ្នាវាយបំបែកកញ្ចក់រថយន្តទាំងសងខាង ទើបអ្នកបើករថយន្តបង្កបានបើករថយន្តគេចចេញទៅដល់ផ្លូវលេខ២៣២ក៏ឈប់រថយន្តនៅកណ្ដាលផ្លូវមុខភោជនីដ្ឋានស្បូវមាស រួចបើកទ្វាររថយន្តរត់គេចខ្លួនបាត់អស់ ។
ក្រោយពេលកើតហេតុ សមត្ថកិច្ចចុះទៅដល់កន្លែងកើតហេតុបានសួរនាំ តែម្ចាស់ភោជនីយដ្ឋានប្រាប់ថា អត់ប្តឹងផ្តល់ទេ សុខចិត្តជួសជុលការខូចខាតដោយខ្លួនឯង សមត្ថកិច្ចក៏បានយករថយន្តបង្កហេតុទៅរក្សាទុកដើម្បីរង់ចាំម្ចាស់ចូលខ្លួនមកយករថយន្តវិញ ៕
ប្រភព៖ កោះសន្តិភាព
ដោយឡែកព័ត៌មានគួរឲ្យចាប់អារម្មណ៍មួយផ្សេងទៀត៖ ធ្លាយវីដេអូផ្សេងទៀត ដែលចោរបាញ់ប្លន់សម្លាប់បុរសម្នាក់ចោលគូដណ្ដឹង នៅម្តុំបឹងត្របែក
ហេតុការណ៍ចោរប្លន់ដល់មុខផ្ទះ និងមានការបាញ់ប្រហារដ៏សាហាវកាលពីយប់មិញនេះ បានធ្វើឲ្យមហាជនទាំងឡាយ នាំគ្នាភិតភ័យ និងមានការព្រួយបារម្ភខ្លាំងមិនស្ទើរនោះទេ។
ទន្ទឹមនឹងនេះ ក្រោយពីហេតុការណ៍នេះបានផ្សព្វផ្សាយ គ្រប់បណ្ដាញសារព័ត៌មានរួចមក ក៏មានគណនីហ្វេសប៊ុកឈ្មោះ Avi Za ក៏បានបង្ហោះសារ និងវីដេអូថា «អាចោរដែលបាញ់គេស្លាប់យប់មុិញ វាក៏ធ្លាប់ប្លន់ខ្ញុំនៅម្តុំបឹងត្របែក តែវាប្លន់មិនបានសំរេចទេ»។
គួរបញ្ជាក់ថា បុរសម្នាក់ក្នុងចំណោមជនរងគ្រោះទាំង៣នាក់ មាននារីម្នាក់ត្រូវជាគូដណ្តឹង ដែលត្រូវក្រុមចោរតាមប្លន់ដល់មុខផ្ទះ ហើយបើកការបាញ់ប្រហារស្ថិតនៅជិតផ្សារសុវណ្ណា សង្កាត់ទំនប់ទឹក ខណ្ឌចំការមននោះ បានស្លាប់ហើយ នៅព្រឹកថ្ងៃទី២១ ខែមករា ឆ្នាំ២០១៧ ម្សិលមិញ។
នៅកន្លែងកើតហេតុ គេសង្កេតឃើញវត្តមានលោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ និងលោក សុង លី ស្នងការរងនគរបាល បានដឹកនាំមន្រ្តីនគរបាលជំនាញមួយក្រុម ចុះទៅសួរនាំបន្ថែមពីករណីប្លន់បាញ់ប្រហារខាងលើនេះ។
សូមបញ្ជាក់ថា ជនរងគ្រោះ៣នាក់ បានរងរបួសធ្ងន់ និងស្រាលដោយក្រុមចោរបានប្លន់ និងបាញ់ប្រហារដល់មុខផ្ទះ នាម៉ោង២រំលងអាធ្រាត្រថ្ងៃទី២១ ខែមករាឆ្នាំ២០១៧ នៅសង្កាត់ទំនប់ទឹក ខណ្ឌចំការមន ជិតផ្សារទំនើបសុវណ្ណា។ មុនពេលកើតហេតុជនសង្ស័យ៤នាក់ជិះម៉ូតូ២គ្រឿងបានធ្វើសកម្មភាពទៅឆក់កាបូប និងទូរស័ព្ទ ជនរងគ្រោះជានារីម្នាក់ពេលចុះបើកទ្វារ ស្រាប់តែពេលនោះជនរងគ្រោះម្នាក់ទៀតដែលនៅក្នុងរថយន្តត្រូវជាគូដណ្តឹង បានបើកបុកធ្វើឲ្យជនសង្ស័យខឹង ក៏បើកការបាញ់ប្រហារតែម្តងបណ្តាលឲ្យរងរបួសធ្ងន់ និងស្រាលទាំង៣នាក់។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
