ធ្លាយវីដេអូផ្សេងទៀត ដែលចោរបាញ់ប្លន់សម្លាប់បុរសម្នាក់ចោលគូដណ្ដឹង នៅម្តុំបឹងត្របែក (មានវីដេអូ)

ភ្នំពេញ៖ ហេតុការណ៍​ចោរប្លន់​ដល់មុខផ្ទះ និងមានការបាញ់ប្រហារដ៏សាហាវកាលពីយប់មិញនេះ បានធ្វើឲ្យមហាជនទាំងឡាយ នាំគ្នាភិតភ័យ និងមានការព្រួយបារម្ភខ្លាំងមិនស្ទើរនោះទេ។

ទន្ទឹមនឹងនេះ ក្រោយពីហេតុការណ៍នេះបានផ្សព្វផ្សាយ គ្រប់បណ្ដាញសារព័ត៌មានរួចមក ក៏មានគណនីហ្វេសប៊ុកឈ្មោះ Avi Za ក៏បានបង្ហោះសារ និងវីដេអូថា «អាចោរដែលបាញ់គេស្លាប់យប់មុិញ វាក៏ធ្លាប់ប្លន់ខ្ញុំនៅម្តុំបឹងត្របែក តែវាប្លន់មិនបានសំរេចទេ»។ សូមទស្សនាវីដេអូខាងក្រោម ដែលម្ចាស់គណនីនេះបង្ហោះឡើង៖

គួរបញ្ជាក់ថា បុរសម្នាក់ក្នុងចំណោមជនរងគ្រោះទាំង៣នាក់ មាននារីម្នាក់ត្រូវជាគូដណ្តឹង ដែលត្រូវក្រុមចោរតាមប្លន់ដល់មុខផ្ទះ ហើយបើកការបាញ់ប្រហារស្ថិតនៅជិតផ្សារសុវណ្ណា សង្កាត់ទំនប់ទឹក ខណ្ឌចំការមននោះ បានស្លាប់ហើយ នៅព្រឹកថ្ងៃទី២១ ខែមករា ឆ្នាំ២០១៧នេះ។

នៅព្រឹកថ្ងៃដដែលនេះនៅកន្លែងកើតហេតុ គេសង្កេតឃើញវត្តមានលោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ និងលោក សុង លី ស្នងការរងនគរបាល បានដឹកនាំមន្រ្តីនគរបាលជំនាញមួយក្រុម ចុះទៅសួរនាំបន្ថែមពីករណីប្លន់បាញ់ប្រហារខាងលើនេះ។

សូមបញ្ជាក់ថា ជនរងគ្រោះ៣នាក់ បានរងរបួសធ្ងន់ និងស្រាលដោយក្រុមចោរបានប្លន់ និងបាញ់ប្រហារដល់មុខផ្ទះ នាម៉ោង២រំលងអាធ្រាត្រ​ថ្ងៃទី២១​ ខែមករាឆ្នាំ​២០១៧​ នៅសង្កាត់ទំនប់ទឹក ខណ្ឌចំការមន ជិតផ្សារទំនើបសុវណ្ណា។ មុនពេលកើតហេតុជនសង្ស័យ៤នាក់ជិះម៉ូតូ២គ្រឿងបានធ្វើសកម្មភាពទៅឆក់កាបូប និងទូរស័ព្ទ ជនរងគ្រោះជានារីម្នាក់ពេលចុះបើកទ្វារ ស្រាប់តែពេលនោះជនរងគ្រោះម្នាក់ទៀតដែលនៅក្នុងរថយន្តត្រូវជាគូដណ្តឹង បានបើកបុកធ្វើឲ្យជនសង្ស័យខឹង ក៏បើកការបាញ់ប្រហារតែម្តងបណ្តាលឲ្យរងរបួសធ្ងន់ និងស្រាលទាំង៣នាក់។

ជនរងគ្រោះជិះរថយន្តសេរីទំនើប១គ្រឿងម៉ាក Lexus​ ពណ៌សស្លាកលេខភ្នំពេញ 2AI-8799​ ចេញមកពីក្លឹប Epic មកផ្ទះ។ បន្ទាប់ពីបាញ់ឲ្យរងរបួសហើយជនរងគ្រោះទាំង៣ត្រូវបានបានបញ្ជួនទៅសង្គ្រោះនៅមន្ទីរពេទ្យកាល់ម៉ែតភ្លាមៗដើម្បីជួយសង្គ្រោះអាយុជិវិតផងដែរ​។ ប៉ុន្តែនៅពេលនេះបុរសជាគូដណ្តឹងបានស្លាប់ហើយ៕

• វីដេអូ