ខេត្តកំពង់ស្ពឺ ៖ បុរសចំណាស់ម្នាក់ បានបញ្ឆោតក្មួយស្រីរបស់ខ្លួន ឲ្យចូលព្រៃក្បែរផ្ទះ រួចចាប់ស្រាតខោអាវ និងលេងប្រដាប់ភេទរបស់នាង យ៉ាងរោលរាលយ៉ាងយូរក្នុងគោលបំណងប្រុងចាប់រំលោភ តែសំណាងល្អត្រូវឪពុកនាង ទៅទាន់ក៏ប្តឹងសមត្ថកិច្ចឲ្យចាប់ខ្លួនតែម្តង ។
ហេតុការណ៍នេះ កើតឡើងកាលពីវេលាម៉ោង ៣រសៀល ថ្ងៃទី១៩ ខែមករា ឆ្នាំ២០១៧ នៅចំណុចភូមិតាពរ ឃុំសំបូរ ស្រុកសំរោងទង ខេត្តកំពង់ស្ពឺ ។
ជនសង្ស័យឈ្មោះ នួន ម៉ៅ ភេទប្រុស អាយុ៥០ឆ្នាំ ត្រូវជាបងប្រុសជីដូនមួយរបស់ម្តាយក្មេងស្រីរងគ្រោះទើបតែមានអាយុ១០ឆ្នាំប៉ុណ្ណោះ ។
ប្រភពពីសមត្ថកិច្ចនគរបាល បានឲ្យដឹងថា ការឃាត់ខ្លួនជនសង្ស័យរូបនេះគឺយោងតាមបណ្តឹងរបស់ឪពុកក្មេងស្រីរងគ្រោះ ដែលបានចោទប្រកាន់ថា បានហៅកូនស្រីរបស់គាត់ទៅក្នុងព្រៃ ក្បែរភូមិប្រុងចាប់រំលោភ តែត្រូវសំណាងល្អគាត់ទៅទាន់ក៏ចាប់ខ្លួនយកមកប្រគល់ឲ្យសមត្ថកិច្ច និងប្តឹងតែម្តង ។
នៅចំពោះមុខសមត្ថកិច្ច ជនសង្ស័យបានសារភាពថា គាត់ពិតជាបាននាំក្មេងស្រីរងគ្រោះចូលទៅក្នុងព្រៃប្រាកដមែន ។ ជនសង្ស័យបន្តថា គាត់គ្រាន់តែបានបបោសអង្អែលប្រដាប់ភេទនាងលេងតែប៉ុណ្ណោះ មិនទាន់បានរំលោភនោះទេ កុំចេះតែចោទថា គាត់រំលោភ ។
ក្មេងស្រីរងគ្រោះបានប្រាប់ សមត្ថកិច្ចឲ្យដឹងថា មុនពេលកើតហេតុ នាងត្រូវបានឪពុកធំឈ្មោះ នួន ម៉ៅ ហៅឲ្យចូលក្នុងព្រៃ ពេលចូលដល់ក្នុងព្រៃស្រាប់តែគាត់ចាប់ស្រាតខោអាវរបស់នាង និងលេងប្រដាប់ភេទនាងយ៉ាងយូរ មួយសន្ទុះក្រោយមកទើបឪពុកនាងទៅទាន់ក៏ប្តឹងសមត្ថកិច្ចឲ្យចាប់ខ្លួនគាត់តែម្តង ។
ឪពុកក្មេងស្រីរងគ្រោះ អាយុ៤៥ឆ្នាំ បានបំភ្លឺប្រាប់សមត្ថកិច្ចថា មុនពេលកើតហេតុរូបគាត់ និងប្រពន្ធ មិនបាននៅផ្ទះទេ គឺរវល់ទៅមើលស្រូវនៅឯស្រែដើម្បីរកគេមកជួយច្រូត ។ ពេលមើលស្រូវហើយក៏ត្រឡប់មកផ្ទះវិញ តែមិនឃើញកូន ក៏បាននាំគ្នាដើររក ស្រាប់តែឃើញឈ្មោះ នួន ម៉ៅ កំពុងតែស្ទាបអង្អែលប្រដាប់ភេទកូនស្រីគាត់យ៉ាងរោលរាល ក៏ស្ទុះចូលទៅឃាត់ ហើយប្តឹងឲ្យសមត្ថកិច្ចចាប់ខ្លួនតែម្តង ។
ក្រោយពេលចាប់ខ្លួន ជនសង្ស័យត្រូវបាន នគរបាលការិយាល័យព្រហ្មទណ្ឌធ្វើការសាកសួរ ទោះបីជារហូតមកដល់ រសៀលថ្ងៃទី២០ ខែមករា ឆ្នាំ២០១៧ នេះ ជនសង្ស័យនៅតែបដិសេធថា មិនបានរំលោភឡើយ គ្រាន់តែបានស្ទាបលេងប៉ុណ្ណោះក៏ដោយ ក៏សមត្ថកិច្ចត្រូវតែកសាងសំណុំរឿង បញ្ជូនទៅតុលាការដើម្បីចាត់ការបន្តតាមនីតិវិធីច្បាប់ ៕
ប្រភព៖ កោះសន្តិភាព
ដោយឡែកក្រឡេកទៅមើល ព័ត៌មានចាប់អារម្មណ៍មួយផ្សេងទៀត៖
ដើម្បីអ្នកជំងឺ! សុខចិត្តទ្រាំធ្វើការវះកាត់ជាច្រើនម៉ោង មិនព្រមសម្រាក រហូតអស់កម្លាំងដួលសន្លប់ខ្លួនឯង
ចិន៖ សារព័ត៌មាន People’s Daily បានចុះផ្សាយ កាលពីថ្ងៃព្រហស្បតិ៍ ទី១៩ មករា ឆ្នាំ២០១៧ ម្សិលមិញនេះថា លោកគ្រូពេទ្យវះកាត់ជនជាតិចិន វ័យ៥០ផ្លាយម្នាក់ ហេតុតែដើម្បីជួយសង្គ្រោះជីវិតអ្នកជំងឺ ខំប្រឹងតស៊ូមិនហ៊ានសម្រាក រហូតទាល់តែដួលសន្លប់ខ្លួនឯង នៅក្នុងបន្ទប់វះកាត់តែម្តង។
លោកគ្រូពេទ្យវះកាត់ Liang Ming មានវ័យ៥៨ឆ្នាំ គឺជាបុគ្គលិកបម្រើការនៅ មន្ទីរពេទ្យវេជ្ជសាស្រ្តបុរាណចិន «Hospital of Traditional Chinese Medicine» មួយកន្លែង ស្ថិតនៅក្នុងទីក្រុង Wuhu ភាគខាងត្បូងខេត្ត Anhui ប្រទេសចិន។
បើតាមប្រភពបានឲ្យដឹងថា លោកគ្រូពេទ្យ Liang Ming បានចាប់ផ្តើមមមាញឹក ជាមួយនឹងប្រតិបត្តិការវះកាត់ជូនអ្នកជំងឺ អស់រយៈជាច្រើនម៉ោងមកហើយ ពោលគឺចាប់តាំងពីថ្ងៃទី១៣ មករា មកម្ល៉េះ។ ខណៈប្រតិបត្តិការវះកាត់ ចុងក្រោយនេះ ដែលជិតបញ្ចប់រួចរាល់ទៅហើយនោះ ស្រាប់តែធ្វើឲ្យលោកវេជ្ជបណ្ឌិត Liang អស់កម្លាំងក្នុងខ្លួន រហូតដួលសន្លប់ទៅនឹងដីតែម្តង។
ប្រភពដដែលបានឲ្យដឹងថា កន្លងមក លោកវេជ្ជបណ្ឌិត Liang បានបញ្ចប់ប្រតិបត្តិការវះកាត់លើអ្នកជំងឺ បានចំនួន៧ប្រតិបត្តិការហើយ ដោយគិតត្រឹមមកដល់ថ្ងៃទី១២ មករា នេះ។ ក្រុមវេជ្ជបណ្ឌិតរួមការងារជាមួយគាត់ បាននិយាយថា នេះមិនមែនជាលើកទីមួយឡើយ ដែលលោកគ្រូពេទ្យ Liang បានពុះពារទាល់តែបានជោគជ័យ រាល់គ្រប់ប្រតិបត្តិការទាំងអស់ ដោយភាពនឿយហត់បែបនេះ។
បើតាមការមានប្រសាសន៍ ពីសំណាក់លោកវេជ្ជបណ្ឌិត Liang វិញ បានឲ្យដឹងថា ពានរង្វាន់ដ៏មានតម្លៃបំផុតសម្រាប់គាត់ គឺធ្វើយ៉ាងណា ដើម្បីអាចជួយសង្គ្រោះ ជីវិតរបស់អ្នកជំងឺបាន ។
គួរឲ្យដឹងដែរថា បន្ទាប់ពីរូបភាពប៉ុន្មានសន្លឹក របស់លោកគ្រូពេទ្យ Liang ត្រូវបានបង្ហោះចែកចាយនៅលើបណ្តាញសង្គម ដែលបង្ហាញពីទិដ្ឋភាព សម្រាកគេងនៅលើកម្រាលឥដ្ឋ ក្នុងបន្ទប់វះកាត់មក បានធ្វើឲ្យប្រជាជនចិន ជាពិសេសអ្នកនិយមលេងអ៊ីនធើណែតជាច្រើន បាននាំគ្នាកោតសរសើរ ពីទឹកចិត្តតស៊ូរបស់គាត់ ដោយក្តីគោរពផងដែរ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
