(ភ្នំពេញ)៖ អតីតព្រះសង្ឃម្នាក់ ត្រូវបាននគរបាលព្រហ្មទណ្ឌក្រសួងមហាផ្ទៃ ចាប់ខ្លួននិងបញ្ជូនទៅកាន់សាលាដំបូងរាជធានីភ្នំពេញ នាថ្ងៃ១៩ ខែមករា ឆ្នាំ២០១៧នេះ ពាក់ពន្ធពីបទឆបោកទឹកប្រាក់រហូតដល់១៨ម៉ឺនដុល្លារ ក្នុងរូបភាពយកគំនូររូបថតព្រះគីណេស ធ្វើការបញ្ចុះបញ្ចូលលើលោកជំទាវម្នាក់ ដោយកុហសថា «ជាវត្ថុសក្តិសិទ្ធិអាចជួយការពារបានរាប់រយរាប់ពាន់ជំពូក គ្រាន់តែយក ទៅដាក់តម្កល់ក្នុងលំនៅដ្ឋាន»។
មន្ត្រីនគរបាលព្រហ្មទណ្ឌក្រសួងមហាផ្ទៃ បានប្រាប់ភ្នាក់ងារ Fresh News ប្រចាំតុលាការថា ជនជាប់សង្ស័យដែលចាប់ខ្លួនឈ្មោះ កែវ កល្យាណ អាយុ៣៨ឆ្នាំ ជាអតីតសង្ឃបួសនៅវត្តអាស្រមឧត្តមព្រៃមាន ឃុំត្រពាំងវែង ស្រុកកណ្តាលស្ទឹង ខេត្តកណ្តាល ។
មន្រ្តីនគរបាលបានបន្តថា កាលពីថ្ងៃទី៨ ខែមិថុនា ឆ្នាំ២០១៧ ឈ្មោះ កែវ ល្យាណ បានប្រើល្បិចទៅបញ្ចុះបញ្ចូលលោកស្រីម្នាក់ អាយុ៤៨ឆ្នាំ មានងារជាលោកជំទាវ ឲ្យទិញលោហៈធាតុធ្វើអំពីសំរិទ្ធ ដែលជាវត្ថុសក្តិសិទ្ធិមានបារមីរាប់រយរាប់ពាន់ជំពូកយកទៅទុក ក្នុងលំនៅដ្ឋាន ដើម្បីជួយការពារ និងថែរក្សាអាយុជីវិត ព្រមទាំងជួយដល់ការប្រកបមុខរបររកស៊ីឲ្យមាសប្រាក់ហូរចូលទៀតផង (នេះជាសំដីបោកប្រាស់) ដែលវត្ថុនោះមានតម្លៃជាទឹកប្រាក់១៨ម៉ឺនដុល្លារអាមេរិក។
មន្រ្តីនគរបាលបន្តទៀតថា ក្រោយពេលបញ្ចុះ ជនសង្ស័យបានតម្រូវឲ្យជនរងគ្រោះ ផ្ទេរប្រាក់ចូលក្នុងកុងរបស់គេ តាមរយៈធនាគារ អេស៊ីលីដា ដោយសន្យាប្រគល់លោហៈធាតុសំរិទ្ធនោះនៅថ្ងៃទី៩ ខែមិថុនា ឆ្នាំ២០១៦ វេលាម៉ោង២រសៀល។
ដោយមានការជឿទុកចិត្ត ជនរងគ្រោះ បានបញ្ចូលទឹកប្រាក់គ្រប់ចំនួនទៅក្នុងកុងជនសង្ស័យតាមរយៈធនាគារអេស៊ីលីដា នៅម្តុំអង់តែនទួលគោក ខណ្ឌទួលគោក រាជធានីភ្នំពេញ។ ស្រាប់តែវេលារសៀលថ្ងៃដដែលឈ្មោះ កែវ កល្យាណ បានទៅដកប្រាក់ ពីកុងធនាគារអស់ចំនួន១៨ម៉ឺនដុល្លារហើយគេចខ្លួនបាត់។
ជនសង្ស័យ បានរៀបរាប់ប្រាប់សមត្ថកិច្ចថា ខ្លួនពិតជាបានយកប្រាក់ពីជនរងគ្រោះមែន តាមរយៈរូបថត ជារូបគំនូរព្រះគីណេសថា ជាវត្ថុសក្តិសិទ្ធិ ទៅបង្ហាញជនរងគ្រោះដើម្បីបញ្ចុះបញ្ចូលបោកយកប្រាក់។
ក្រោយពីបានធ្វើសកម្មភាពដូចការរៀបរាប់ខាងលើនេះ និងបានប្រាក់ដល់ដៃហើយ ក៏បានបិទទូរស័ព្ទ ផ្តាច់ការទំនាក់ទំនង ហើយគេខ្លួនរហូតលុះនៅថ្ងៃទី១៨ ខែមករា ឆ្នាំ២០១៧ ក៏ត្រូវសមត្តកិច្ចចាប់ខ្លួនតែម្តង បន្ទាប់ពីជនរងគ្រោះដាក់ពាក្យប្តឹង។
នៅសាលាដំបូងរាជធានីភ្នំពេញ សំណុំរឿងនេះ បានស្ថិតនៅដៃលោក ហ៊ឹង ប៊ុនថន ព្រះរាជអាជ្ញារងអមសាលាដំបូងរាជធានីភ្នំពេញ បាន និងកំពុងធ្វើការសាកសួរ។ តែទោះជាយ៉ាងណា មន្រ្តីនគរបាលបង្ហើបថា ជនសង្ស័យគ្មានវាសនាបានទៅផ្ទះវិញទេ អាចនឹងទៅដេក ក្នុងពន្ធនាគារតាមអំពើដែលខ្លួនបានប្រព្រឹត្ត៕
ប្រភព៖ Fresh News
ដោយឡែកព័ត៌មានគួរឲ្យចាប់អារម្មណ៍មួយផ្សេងទៀត៖ ប្តីក៏ស្រវឹងប្រពន្ធក៏ស្រវឹង កើតជាជម្លោះប្តីទាញកាំបិតកាប់ប្រពន្ធដាច់ដៃ និងជើង
នគរបាលបានចាប់ឃាត់ខ្លួនម្នាក់ ខណៈជននេះស្រវឹងស្រាបានបង្កហិង្សាក្នុងគ្រួសារយ៉ាងធ្ងន់ធ្ងរ ដោយយកកាំបិតផ្គាក់កាប់ទៅលើស្ត្រីជាប្រពន្ធស្ទើរដាច់ដៃម្ខាង និងជើងខាងស្តាំ។ បុរសជាប្តីដែលត្រូវនគរបាលស្រុកព្រែកប្រសព្វឃាត់ខ្លួននេះ ឈ្មោះ ម៉េង ពៅ អាយុ៤៥ឆ្នាំ រស់នៅឃុំកំពង់គរ ស្រុកព្រែកប្រសព្វ និងបានធ្វើសកម្មភាពកាប់ទៅលើស្ត្រីជាប្រពន្ធ ឈ្មោះ ឆាយ ចាន់បុ អាយុ៣៦ឆ្នាំ ដែលជនដៃដល់ជាប្តី និងស្ត្រីរងគ្រោះជាប្រពន្ធស្រវឹងស្រាដូចគ្នាក៏កើតជាទំនាស់។
អធិការនគរបាលស្រុកព្រែកប្រសព្វលោក ចាន់ សុផល្លា បានឲ្យដឹងថា កន្លងមកគ្រួសារមួយនេះ តែងតែកើតជម្លោះក្នុងគ្រួសារជាញឹកញាប់តែមិនធ្លាប់បានបង្កហិង្សាធ្ងន់ធ្ងរបែបនេះទេ។ លោកថា នៅថ្ងៃកើតហេតុទី១៩ មករា ស្ត្រីរងគ្រោះជាប្រពន្ធ និងបុរសជាប្តីបានផឹកស្រានៅកន្លែងផ្សេងគ្នា និងស្រវឹងជោគខ្លួន ទើបកើតជាទំនាស់ពាក្យសម្តីឈានដល់ការប្រើហិង្សាធ្ងន់ធ្ងរ។
ក្រោយការមានជម្លោះពាក្យសម្តី ជនដៃដល់ជាប្តី បានយកកាំបិតផ្គាក់មកកាប់លើស្ត្រី ជាប្រពន្ធដាច់កំភួនដៃខាងស្តាំ និងកំភួនជើងខាងស្តាំដូចគ្នា។ ភ្លាមៗក្រោយបង្កហេតុ នគរបាលបានចាប់ខ្លួនជនដៃដល់ជាប្តី និងនាំស្ត្រីរងគ្រោះជាប្រពន្ធមកសង្គ្រោះនៅមន្ទីរពេទ្យឆ្លូង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
