ខេត្តបាត់ដំបង ៖ បុរសម្នាក់ដែលបានរាយការណ៍ ប្រាប់សមត្ថកិច្ចថា ប្រពន្ធវ័យក្មេងរបស់ខ្លួនបានស្លាប់ ខណៈកំពុងដេកជាមួយខ្លួន នៅក្នុងផ្ទះនោះ រហូតដល់ពេលនេះសមត្ថកិច្ចបានសម្រេចឃុំខ្លួន បណ្ដោះអាសន្នដើម្បីកសាងសំណុំរឿងបញ្ជូនទៅតុលាការដោយ ។
គួររម្លឹកថា នារីវ័យក្មេងម្នាក់បានស្លាប់ខណៈកំពុងដេកជាមួយប្តី
សូមបញ្ជាក់ថា នារីវ័យក្មេងម្នាក់បានដេកស្លាប់ ខណៈកំពុងដេកក្នុងផ្ទះជាមួយប្តី ហើយត្រូវបានប្តីដឹងថា ស្លាប់ពេលដាស់ប្រពន្ធ កាលពីវេលាម៉ោង២រំលងអាធ្រាត្រឈានចូលថ្ងៃទី១៥ ខែមករា ឆ្នាំ២០១៧ នៅភូមិព្រែកទាល់ ឃុំកោះជីវាំង ស្រុកឯកភ្នំ ប៉ុន្តែនៅលើសាកសព នារីវ័យក្មេងរងគ្រោះ សមត្ថកិច្ចពិនិត្យឃើញមានស្នាមជាំ ដូចស្នាមរឹត.កសម្លាប់ ដូច្នេះហើយទើបកម្លាំង នគរបាលស្រុកឯកភ្នំ សម្រេចហៅបុរសជាប្ដីទៅសួរនាំអំពីរឿងនេះ ពាក់ព័ន្ធនឹងស្នាមដូចរឹត.កសម្លាប់ ។
សមត្ថកិច្ចបានឲ្យដឹងថា ជនសង្ស័យជាប្តីឈ្មោះ ជូន ពៅ អាយុ២២ឆ្នាំ រីឯនារីវ័យក្មេងរងគ្រោះជាប្រពន្ធឈ្មោះសុខ គឹមជូ អាយុ១៨ឆ្នាំ រស់នៅក្នុងភូមិឃុំកើតហេតុខាងលើ ។
បន្ទាប់ពីហៅទៅធ្វើការសាកសួរ ជនសង្ស័យឈ្មោះ ជូន ពៅ មិនបានសារភាពថា ខ្លួនជាអ្នកសម្លាប់ប្រពន្ធនោះទេ បើទោះជានៅយប់កើតហេតុខ្លួនបានដេកនៅក្បែរប្រពន្ធក្ដី ជននេះបានឆ្លើយ ប្រាប់សមត្ថកិច្ចថា ពេលខ្លួនដាស់ប្រពន្ធពីដំណេក គឺនាងបានស្លាប់បាត់ទៅហើយ ហើយខ្លួនសង្ស័យថា នាងស្លាប់ដោយសារជំងឺគាំងបេះដូង ។
លោក សន លុច នាយរងការិយាល័យ ព្រហ្មទណ្ឌកម្រិតធ្ងន់ បានឲ្យដឹងថា ទោះបីជាជននេះបានព្យាយាម បដិសេធយ៉ាងណាក្តី ប៉ុន្តែវត្ថុតាងមួយចំនួនដែលសមត្ថកិច្ចរកឃើញ ហើយសង្ស័យថា ឈ្មោះ ជូន ពៅ គឺជាជនសង្ស័យសម្លាប់ប្រពន្ធរបស់ខ្លួន ។
លោក សន លុច បានបញ្ជាក់ថា មន្ត្រីជំនាញបានប្រទះឃើញ ខ្សែនីឡុងមួយខ្សែនៅកន្លែងកើតហេតុ ដែលស៊ីសង្វាក់គ្នា ទៅនឹងស្លាកស្នាមនៅលើ.កសាកសព ដូច្នេះគេសង្ស័យថាជាខ្សែដែលជននេះ ប្រើសម្រាប់រឹត.ក សម្លាប់ប្រពន្ធរបស់ខ្លួនតែម្ដង ។ ហើយជននេះក៏ធ្លាប់មាន ប្រវត្តិជាប់គុកម្ដងហើយពីបទ «ប្លន់» ។
ទោះជាយ៉ាងណាលោកថា លោកស្នងការនគរបាល ខេត្តបានបញ្ជាឲ្យបញ្ជូនជនសង្ស័យរូបនេះទៅកាន់ស្នងការដ្ឋាននគរបាលខេត្ត ហើយដើម្បីឃុំខ្លួនបណ្ដោះអសន្ន និងសួរនាំបន្តមុនពេលឈាន ដល់ការកសាងសំណុំរឿង បញ្ជូនទៅតុលាការ ៕
ប្រភព៖ កោះសន្តិភាព
ដោយឡែកក្រឡេកទៅមើល ព័ត៌មានចាប់អារម្មណ៍មួយផ្សេងទៀត៖
នៅ សូនីតា បង្ហោះរូបពាក់អាវគូស្នេហ៍ យ៉ាងផ្អែមល្ហែមជាមួយ...!
ភ្នំពេញ៖ ម្សិលមិញ នៅលើហ្វេសប៊ុករបស់តារាសម្តែងស្រី កញ្ញា នៅ សូនីតា បានបង្ហោះរូបភាពផ្អែមល្ហែម ជាមួយនឹងបុរសវ័យក្មេង ដែលត្រូវបានគេសង្ស័យថា គឺជាគូស្នេហ៍របស់នាង ថែមទាំងអ្នកទាំងពីរបានពាក់អាវគូស្នេហ៍ទៀតផង។
ដោយនៅក្នុងនោះដែរ កញ្ញា នៅ សូនីតា ក៏បានប្រាប់នៅលើហ្វេសប៊ុកនាងថា៖ «នៅចាំពួកខ្ញុំអត់? សម្តែងបទអី? ឆ្លើយត្រូវបានរង្វាន់» ព្រមជាមួយនឹងរូបថត ថតជាមួយបុរសសង្ហាម្នាក់នោះយ៉ាង Sweet (ផ្អែមល្ហែម)។
អ្នកទាំងពីរត្រូវបានគេស្គាល់ច្បាស់ថា គឺជាដៃគូដ៏ស័ក្តិសម ដែលបានចាប់ដៃគ្នា នៅក្នុងការសម្តែង Full MV បទ៖ «ស្រលាញ់គេតែម្នាក់ឯង» របស់តារាចម្រៀងជើងចាស់លោក ហេង ពិទូ ដោយទទួលបានការគាំទ្រជាច្រើនពីទស្សនិកជន។
ហើយបន្ទាប់ពីមានការលេចធ្លោ តាមរយៈការសម្តែងបទចម្រៀងនេះ កាលពីចុងខែធ្នូ ឆ្នាំ ២០១៦ កន្លងទៅ កញ្ញា នៅ សូនីតា ក៏បានបង្ហោះរូបថតផ្ទះវីឡាមួយខ្នង ដែលកំពុងតែសាងសង់ ជាមួយនឹងសារអរគុណទៅកាន់មនុស្សម្នាក់នោះ ដែលគេជឿថាជាគូស្នេហ៍របស់នាង។ ហើយចំពោះអំណាយជាផ្ទះវីឡាមួយខ្នងធំនេះ គឺសម្រាប់ថ្ងៃគម្រប់ខួបស្នេហា រយៈពេល៤ឆ្នាំរបស់ពួកគេ។
ប៉ុន្តែរឿងទំនាក់ទំនងស្នេហាយ៉ាងណានោះ កញ្ញា នៅ សូនីតា ក៏មិនទាន់បានបើកបង្ហាញ ជាសាធារណៈនៅឡើយទេ តែយើងក៏អាចដឹងថា មួយគូនេះ Sweet មិនចាញ់គូស្នេហ៍ដទៃទៀតប៉ុន្មាននោះទេ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]