ស៊យធំ! ស្រលាញ់ប៉ះប្តីអ្នកប្រដាល់ ស៊ីរន្ទះដៃផង រន្ទះជើងផង ឡើងទក់សាច់ (មានវីដេអូ)

ថៃ៖ វីដេអូមួយបានធ្វើឲ្យអ្នកទស្សនាមានអារម្មណ៏ថាបុកពោះយ៉ាងខ្លាំង ដោយសារតែគេឃើញមានស្រ្តីម្នាក់  បានទាត់ក្បាល ទះកំផ្លៀង និងជេរប្រទេច នារីម្នាក់ទៀតយ៉ាងចាស់ដៃ។

នារីជាប្រពន្ធបានរកឃើញថា ប្តីរបស់ខ្លួន និងស្រីកំណាន់ លួចសាហាយស្មន់ជាមួយគ្នានៅក្នុងទីក្រុងបាងកក ប្រទេសថៃ។ នៅក្នុងវីដេអូដែលគេថតបាន ឃើញនារីជាប្រពន្ធបញ្ចេញក្បាច់គុណមូយចំនួន ដូចជាទាត់ ទះកំផ្លៀង និងបោចសក់ស្រីកំណាន់ រយៈពេល ២នាទី។  ហេតុការណ៍នេះត្រូវគេដឹងថាបានកើតឡើង នៅក្នុងផ្ទះរបស់នារីជាប្រពន្ធ ខណៈពេលដែលពួកគេកំពុងរៀបចំពិធីជប់លៀងមួយ។

យោងទៅតាមកញ្ញា Ploy Tapadchum ដែលជាសាក្សី និងជាអ្នកថតវីដេអូបាននិយាយថា “ស្នេហាត្រីកោណ បានបង្កឲ្យមានអំពើហឹង្សានៅពេលណាដែលប្តីទទួលស្គាល់ថា គេពិតជាបានលួចស៊ីក្រៅមែន” ។

នាងក៏បានបន្ថែមទៀតដែរថា “នាងជាប្រពន្ធនោះ ពិតជាខឹងខ្លាំងណាស់ នៅពេលដែលបានដឹងថាប្តីរបស់ខ្លួនលួចមានស្រី។  នាងបានណាត់ជួបប្តីនាង និងស្រីជើងល្អម្នាក់នោះ ហើយក៏បានវាយនាង​ (ស្រីកំណាន់) តែម្តង ប៉ុន្តែនាងមិនបានតបតអ្វីឡើយ ព្រោះនាងក៏បានដឹងខ្លូនដែរថា នាងបានសាងកំហុសឆ្គង ហើយក៏គ្មាននរណាម្នាក់ មកហាមឃាត់ការវាយប្រហារមួយនេះដែរ។ វាពិតជាខុសដែលនាង (ស្រីកំណាន់) ទៅដណ្តើមប្តីរបស់គេ ប៉ុន្តែនាង (ប្រពន្ធ) មិនគួរណាវាយគេបែបនេះទេ។ ខ្ញុំចង់ឲ្យមនុស្សគ្រប់គ្នាបានទស្សនាវីដេអូមួយនេះ” ។

ចុងបញ្ចប់កញ្ញា Ploy បានបន្ថែមថា “ហេតុការណ៍មួយនេះ មិនត្រូវបានទទួលការសម្របសម្រួលពីប៉ូលិសឡើយ” ៕  

ដោយឡែកព័ត៌មានគួរឲ្យចាប់អារម្មណ៍មួយផ្សេងទៀត៖ សំណាងមែន! រថភ្លើងបើកពីលើហើយ នៅតែមិនអី...! (មានវីដេអូ)

ថៃ៖ ហេតុការណ៍មួយ ដែលធ្វើឲ្យអ្នកដំណើរ មានភាពស្រឡាំងកាំង បានកើតឡើងនៅឯស្ថានីយ៍រថភ្លើងមួយកន្លែង ក្នុងខេត្ត Petchaburi ភាគខាងត្បូងប្រទេសថៃ។

តាមរយៈឃ្លីបវីដេអូ បានបង្ហាញថាបុរសពាក់អាវពណ៌បៃតងម្នាក់ បានហក់ចូលផ្លូវរថភ្លើង ស្របពេលដែលរថភ្លើងបានមកដល់ និងបើកកាត់ពីលើ។ រឿងដែលអស្ចារ្យនោះ គឺបុរសនោះមិនបានរងរបួសអ្វីទេ ហើយរត់ចេញពីតំបន់នោះដូចគ្មានរឿងអ្វីកើតឡើង ខណៈដែលអ្នកនៅកន្លែងកើតហេតុ នឹកស្មានថាគាត់ត្រូវបានរថភ្លើងកិនពីលើបាត់ទៅហើយនោះ។

បុរសជនជាតិថៃ វ័យ២៣ឆ្នាំរូបនោះ មានឈ្មោះ Wirachai Nisairam ត្រូវបានប៉ូលិសឃាត់ខ្លួនដើម្បីសួរចម្លើយពីមូលហេតុដែលបានកើតឡើង។ បុរសម្នាក់នោះ ក៏ត្រូវបាន អ្នករស់នៅក្នុងតំបន់ប្រទះឃើញ២ ទៅ ៣ថ្ងៃកន្លងមកហើយ ដោយសង្ស័យថាគាត់មានសម្ពាធផ្លូវចិត្ត និងថែមទាំងធ្លាប់ធ្វើទារុណកម្មខ្លួនឯងទៀតផង។

យ៉ាងណាមិញបុរសនោះ ត្រូវបានបញ្ជូនទៅមន្ទីរពទ្យ Phra Jorm Klao ដើម្បីព្យាបាល ប៉ុន្ដែគាត់មិនបានរងរបួសអ្វីធ្ងន់ធ្ងរនោះទេ គឺគ្រាន់តែឈឺជើងបន្តិចបន្ដួចប៉ុណ្ណោះ៕ 

• វីដេអូ