អស់ស្ទះ! បុរសប៉ាគីស្ថានម្នាក់ បំបែកកំណត់ត្រា បោកក្បាលបំបែកដូង ៤៣ផ្លែ ប្រើរយៈពេលត្រឹមតែ ១នាទី (មានវីដេអូ)

ប៉ាគីស្ថាន៖ បុរសជនជាតិប៉ាគីស្ថានម្នាក់ បាននឹងកំពុងតែធ្វើឲ្យមហាជនជាច្រើន មានការចាប់អារម្មណ៍ ជាមួយនឹងទេពកោសល្យសមត្ថភាព របស់គាត់យ៉ាងខ្លាំង បន្ទាប់ពីប្រើក្បាលអុកបំបែកដូង អស់រាប់សិបផ្លែ ដោយប្រើថេរវេលាក្នុងរយៈពេល ដ៏ខ្លីមួយតែប៉ុណ្ណោះ។

លោក Rashid Naseem មានវ័យ៣០ឆ្នាំ មកពីទីក្រុងការ៉ាជី (Karachi) ខេត្ត Sindh នៃប្រទេសប៉ាគីស្ថាន ត្រូវបានគេកត់ត្រា ចូលក្នុងសៀវភៅកំណត់ត្រាពិភលោក បន្ទាប់ពីរូបលោក បានយកក្បាលទៅបោកបំបែកនឹងផ្លែដូងស្រស់ អស់ចំនួន៤៣ផ្លែ ដោយប្រើរយៈពេលត្រឹមតែ ៦០វិនាទីតែប៉ុណ្ណោះ។

លោក Naseem ដែលជាអ្នកហ្វឹកហាត់នូវសិល្បៈគុន ដ៏គ្រោះថ្នាក់នេះ បានឲ្យដឹងថា កន្លងមករូបលោកបានត្រៀមខ្លួនរួចជាស្រេច ក្នុងធ្វើការហ្វឹកហាត់សមនូវក្បាច់គុននេះ អស់រយៈជាង៦ខែ មុនថ្ងៃសម្តែងបំបែកកំណត់ត្រានេះមកដល់។

លោក Naseem និយាយថា «ខ្ញុំបានចំណាយពេលជាច្រើន ក្នុងការរៀបចំខ្លួនដើម្បីសម្តែង ដែលតម្រូវឲ្យខ្ញុំត្រូវតែធ្វើការងារមួយនេះ យ៉ាងលំបាកជាទីបំផុត ដោយការប្រើប្រាស់នូវថាមពលកម្លាំងខ្លាំង ព្រោះថា ការបំបែកផ្លែដូងស្រស់ ដោយប្រើប្រាស់ក្បាលនេះ គឺវាប្រឈមនឹងគ្រោះថ្នាក់ និងការឈឺចាប់ខ្លាំង» ។

លោកបន្តថា «ផ្លែដូងស្រស់ គឺពិតជាមិនងាយនឹងបំបែកបានងាយៗឡើយ ដូច្នេះហើយចាប់តាំងពីខ្ញុំបានចាប់ផ្តើម ហាត់រៀនវាមក វាក៏ធ្លាប់បានធ្វើឲ្យក្បាល របស់ខ្ញុំឈឺចាប់ផងដែរ។ និយាយទៅខ្ញុំក៏ធ្លាប់បាន បែកក្បាលដោយសារតែវាដែរ។ ខ្ញុំដឹងតាំងពីដំបូងមកម្ល៉េះ ថាការសម្តែងបែបនេះ គឺវាពិតជាផ្សងនឹងគ្រោះថ្នាក់ខ្លាំងណាស់ ប៉ុន្តែដោយសារតែ មានការហាត់រៀនត្រឹមត្រូវ ទើបទីបំផុតខ្ញុំអាចពង្រឹង សមត្ថភាពកម្លាំងខ្លួនឯងបានគ្រប់គ្រាន់ ដោយអនុវត្តន៍ធ្វើវាបានជាធម្មតា» ។

គួរឲ្យដឹងដែរថា លោក Naseem គឺជាមនុស្សម្នាក់ ដែលធ្លាប់និយាយអួតសរសើរខ្លួនឯងថា គាត់ជាមនុស្សដែលចូលចិត្ត ការបង្កើតឯកទគ្គកម្ម។ ជាក់ស្តែង កាលពីឆ្នាំមុននេះ លោក Neseem ក៏ធ្លាប់បានបំបែកផ្លែវ៉លណាត់ (Walnuts) អស់ចំនួន២១០ផ្លែ ក្នុងរយៈមួយនាទីដូចគ្នា ដោយប្រើក្បាលរបស់គាត់ផងដែរ។ លោក Neseem ថែមទាំងបានអះអាងប្រាប់ទៀតថា រូបគាត់នឹងក្លាយជាអ្នក កាន់កំណត់ត្រាឯកទគ្គកម្មពិភពលោក ជាថ្មីម្តងទៀត ក្នុងការកម្ទេចកំប៉ុងភេសជ្ជៈ ជាមួយនឹងចំនួនដ៏ច្រើនផងដែរ។

អ្វីដែលពិសេស ជាងនេះទៅទៀតនោះ លោក Neseem ក៏បានបើកសាលាបណ្តុះបណ្តាល ពីសិល្បៈគុននេះ ដោយនិយាយថា រូបលោកគឺចង់បំបែកកំណត់ត្រា ឲ្យបានច្រើនទៀត។ «កន្លងមកខ្ញុំបានបំបែកកំណត់ត្រាបាន៥ រួចមកហើយ ប៉ុន្តែគោលបំណងរបស់ខ្ញុំនៅថ្ងៃខាងមុខ គឺខ្ញុំចង់បំបែកកំណត់ត្រាឲ្យបាន ៥០បន្ថែមទៀត ដើម្បីជាមោទនភាពមុខមាត់ នៃប្រទេសរបស់ខ្ញុំ» ៕   

ទស្សនាវីដេអូ៖

ប្រភព៖ ដេលីម៉ែល

ក្រឡេកទៅមើលព័ត៌មាន ចាប់អារម្មណ៍មួយផ្សេងទៀត៖

ញាក់សាច់! ភោជនីយដ្ឋានចិនមួយកន្លែង ត្រូវចោទប្រកាន់ពីរឿងយកសាច់មនុស្ស ទៅបម្រើភ្ញៀវ!

អីុតាលី៖ ភោជនីយដ្ឋានចិនមួយកន្លែង ត្រូវបានចោទប្រកាន់ថា បម្រើជើងមនុស្សជាអាហារ បន្ទាប់ពីអ្នកបម្រើម្នាក់បានបង្ហោះរូបភាពដ៏គួរឲ្យខ្ពើមរអើម ដែលថតឡើងនៅក្នុងចង្ក្រានបាយ ចូលទៅក្នុងបណ្ដាញសង្គម។

នេះបើតាមរូបភាព បានបង្ហាញពីទំរង់ជើងមនុស្សដ៏រលេះរលួយ នៅក្នុងចានជ័រធំពណ៌ខៀវ។ នៅក្នុងនេះបានឲ្យដឹងថា វាត្រូវបានលេចឡើង ក្រោយពីអាហារល្ងាចរបស់មនុស្សមួយក្រុម នៅក្នុងភោជនីយដ្ឋានមួយកន្លែង នៅទីក្រុង Padua ក្នុងប្រទេសអ៊ីតាលី ដែលពួកគេបានកុម្ម៉ង់ម្ហូបដ៏ល្បីរបស់ចិន គឺក្រញ៉ាំខ្មាឃ្មុំ។ អ្នកបម្រើដែលមិនបញ្ចេញឈ្មោះម្នាក់ បានអះអាងថា រូបភាពដែលខ្លួនបង្ហោះថាជាជើងមនុស្សនេះ គឺជាក្រញ៉ាំខ្មាឃ្មុំ ដែលបានបម្រើជូនដល់ មនុស្សមួយក្រុមខាងលើ។

ទោះជាយ៉ាងណា បន្ទាប់ពីរូបភាពនេះបានចែកចាយ ពេញបណ្ដាញសង្គមរួចមក ភ្ញៀវអ៊ីតាលីដែលឧស្សាហ៍ទៅទទួលទាននៅទីនោះ បានធ្វើការរាយការណ៍ទៅកាន់ អជ្ញាធររបស់ខ្លួន។ ដោយនៅក្នុងនោះ ប៉ូលិស និងអជ្ញាធរជំនាញម្ហូបអាហារ បានចុះទៅដល់ទីតាំងនោះ និងរកឃើញសាច់ប្រមាណជិត ២៥គ.ក និងត្រីកក ដែលមិនមានប្រភពច្បាស់លាស់។ ពួកគេក៏បានរកឃើញភាពកខ្វក់ និងខ្លាញ់ជាច្រើននៅលើទូរទឹកកក, នៅលើឥដ្ឋ និងនៅលើម៉ាស៊ីនដុតសាច់ផងដែរ ហើយជើងកង្កែប និងសាច់ក្ដាមដែលនៅក្នុងថង់វេចខ្ចប់ ក៏ប្រទះឃើញថា សាច់ទាំងនេះសុទ្ធសឹងតែហួសថ្ងៃប្រើប្រាស់ផងដែរ។

គួរបញ្ជាក់ថា ប៉ូលិសក៏បានធ្វើការពិគ្រោះជាមួយនឹង អ្នកជំនាញទាក់ទិននឹងរូបភាពជើងមនុស្សនេះផងដែរ ដែលពួកគេនៅតែបន្ដលើកឡើងថា ពួកគេកំពុងតែស្វែងរកប្រភពដើមនៃរូបភាពនេះ ខណៈដែលចំណាត់ការផ្លូវច្បាប់ទៅលើភោជនីយដ្ឋាននេះ មិនត្រូវបានបញ្ជាក់នោះទេ៕

• ជំរុញទឹកចិត្ត
• វីដេអូ