រាជធានីភ្នំពេញ ៖ នគរបាលប៉ុស្តិ៍ទំនប់ទឹក ឃាត់ខ្លួនជនសង្ស័យ ឆក់ទូរស័ព្ទម្នាក់ ក្នុងចំណោមបក្សពួក២នាក់ ក្រោយធ្វើសកម្មភាព ឆក់ពីស្ត្រីមានផ្ទៃពោះម្នាក់ ខណៈកំពុងតែជិះម៉ូតូតាមផ្លូវម្នាក់ឯង ទៅផ្ទះនៅម្តុំផ្សាដើមគរនោះ កើតឡើងកាលពីវេលាម៉ោង១០ព្រឹក ថ្ងៃទី១១ មករា ស្ថិតនៅចំណុចមុខផ្ទះលេខ១៦៨ ផ្លូវព្រះមុនីរ៉េត ក្រុម២៧ ភូមិ៤ សង្កាត់ទំនប់ទឹក ខណ្ឌចំការមន។
ជនសង្ស័យដែលឃាត់ខ្លួនឈ្មោះរិទ្ធ វីរ៉ាត់ អាយុ២០ឆ្នាំ ស្នាក់នៅផ្ទះជួល គ្មានលេខ ផ្លូវលំ ក្នុងភូមិរន្ទះបាញ់ សង្កាត់ទន្លេសាក់ ខណ្ឌចំការមន រាជធានីភ្នំពេញ ។ រីឯស្ត្រីរងគ្រោះឈ្មោះជា សុភាវី អាយុ៣៥ឆ្នាំ ជាអ្នកលក់ដូរ ស្នាក់នៅផ្ទះលេខ៥AZ ផ្លូវលេខ ២២៦ សង្កាត់ផ្សារដើមគរ ខណ្ឌទួលគោក ។
មុនពេលកើតហេតុ ស្ត្រីរងគ្រោះជិះម៉ូតូម៉ាកស្គូពី ពណ៌.ស ពាក់ស្លាកលេខភ្នំពេញ១AZ-៧២៥២មួយគ្រឿង មកពីកន្លែងលក់ដូរនៅម្តុំព្រៃ.ស ក្នុងគោលបំណងទៅផ្ទះ ដោយទុកទូរស័ព្ទដៃចំនួនពីរគ្រឿង(ម៉ាកសាំស៊ុងមួយគ្រឿង និងអាយហ្វូនមួយគ្រឿង)នៅក្នុងឃ្លុបម៉ូតូខាងមុខ ។
ប្រភពដែលបន្តថា លុះមកដល់ចំណុចខាងលើ ក៏លេចមុខក្រុមជនសង្ស័យចំនួន២នាក់ ជិះម៉ូតូមួយគ្រឿងមកក្បែរឆក់យកទូរស័ព្ទនោះ ត្រូវស្ត្រីរងគ្រោះស្រែកឆោឡោឡើងថា«ចោរៗ» ក៏មានការភ្ញាក់ផ្អើល ទៅដល់អ្នកដំណើរតាមផ្លូវ ជួយដេញចាប់ខ្លួនបានម្នាក់ភ្លាមៗ ប្រគល់អោយនគរបាលប៉ុស្តិ៍ និងម្នាក់ទៀតឈ្មោះរក្ស បានជិះម៉ូតូនិងយកទូរស័ព្ទជិះរត់គេចខ្លួនបាត់ស្រមោល។
ប្រភព៖ កោះសន្តិភាព
ដោយឡែក ក្រឡេកទៅមើលព័ត៌មាន ចាប់អារម្មណ៍មួយផ្សេងទៀត៖
តើពិតមែនទេ សមត្ថកិច្ចរកឃើញថា ភរិយា ថៃ នរៈពិទូ កុហករឿងមានផ្ទៃពោះ ដើម្បីចង់គេចពីទោស?
ភ្នំពេញ៖ ក្រោយពីលេចលឺដំណឹងថា ភរិយា របស់លោក ថៃ នរៈពិទូ កំពុងជាប់ពន្ធនាគារ ទាំងដែលខ្លួនកំពុងពពោះកូន២ ខែក្នុងផ្ទៃ និងមានការអះអាងពីសំណាក់ឪពុកក្មេក លោក ថៃ នរៈសត្យា ដែលលើកឡើងថា កូនប្រសារស្រីរបស់ខ្លួនមិនមានការជាប់ពាក់ព័ន្ធ ជាមួយកូនប្រុស ទាក់ទងទៅនឹងករណីមួយនេះ បានធ្វើឲ្យខាងសមត្ថកិច្ចនៃខេត្តបាត់ដំបង ដុតដៃដុតជើងសើុបអង្កេតពីករណីមួយនេះយ៉ាងសស្រាក់សស្រាំមែនទែន ។
នេះបើយោងតាម ការបង្ហោះរបស់ម្ចាស់គណនីហ្វេសប៊ុកមួយរូប ដែលបានផ្ញើសារឆ្លងឆ្លើយ ផ្ទាល់ជាមួយនឹងខាងក្រុមអន្តរាគមន៍ បង្ការ បង្ក្រាប ប្រចាំខេត្តបាត់ដំបង បានឲ្យដឹងថា ការលើកឡើងរបស់ភរិយាថៃ នរៈពិទូ ដែលថាខ្លួនកំពុងមាន ទម្ងន់២ខែនៅក្នុងផ្ទៃនេះ គឺវាមិនមែនជាការពិតនោះទេ ហើយមកទល់ពេលនេះ ខាងក្រុមសមត្ថកិច្ច ក៏បានបញ្ជូនជនសង្ស័យទាំង៦រូប ទៅកាន់តុលាការដើម្បីចាត់វិធានការតាមផ្លូវច្បាប់ផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
