ម្តាយរវល់តែចុចទូរស័ព្ទ កូនលង់ទឹកមិនដឹងស្លាប់ ឬរស់ (មានវីដេអូ)

ចិន៖ ហេតុការណ៍ដ៏រន្ធត់មួយ បានកើតឡើងនៅក្នុងអាងទឹកមួយកន្លែង។ មុនពេលកើតហេតុ ស្ត្រីជាម្តាយម្នាក់ កំពុងចុចទូរស័ព្ទ ពេលដែលក្មេងតូចរបស់ខ្លួន កំពុងតែព្យាយាមបក់ដៃខ្វៃៗក្នុងអាងទឹក នៅចម្ងាយប្រមាណពី ២​ ទៅ ៣ម៉ែត្រពីម្តាយរបស់គេ ។

ក្នុងវីដេអូគេឃើញ ស្ត្រីជាម្តាយហាក់បីដូចជាមិនបានដឹងថាកូនរបស់ខ្លួនកំពុងលង់ទឹកឡើយ។ លើសពីនេះ បន្ទាប់ពីនាងបានបញ្ឈប់ការចុចទូរស័ព្ទ ទើបនាងចាប់ផ្តើមព្យាយាមស្វែងរកកូនប្រុសអាយុ៤ឆ្នាំរបស់នាង។ បន្ទាប់មកទៀត នាងជាម្តាយក៏បានដើរចេញទាំងមិនដឹងថា កូនរបស់នាងកំពុងស្ថិតនៅក្នុងដំណាក់កាលដង្ហើមចុងក្រោយ និងកំពុងស្ថិតនៅក្បែរនាងបំផុតឡើយ។

ទោះជាយ៉ាងណា វីដេអូដដែលនេះ ត្រូវបានគេយកទៅបង្ហោះនៅក្នុងបណ្តាញសង្គម ព្រោះពូកគេចង់ឲ្យមនុស្សគ្រប់គ្នា បានយល់ដឹងអំពីផលវិបាកដែលអាចកើតឡើងដោយសារការធ្វេសប្រហែសពីសំណាក់ឪពុកម្តាយចំពោះកូនតូចៗ។

មានអ្នកទស្សនាម្នាក់បានបញ្ចេញយោបល់ថា “ នៅពេលដែលមានមនុស្សលង់ទឹក ហេតុអ្វីបានជាអ្នកនៅជុំវិញនោះមិនស្រែក? ហេតុអ្វីក៏នៅស្ងៀមស្ងាត់ មិនស្រែកអ្វីអ៉ីចឹង? សូមស្រែកឲ្យលឺៗឡើង” ។

អ្នកលេងម្នាក់ទៀតដែលមានឈ្មោះថា Noman Zafar បានបន្ថែមថា “ឪពុកម្តាយមិនគួរណាត្រូវបានអនុញ្ញាតឲ្យប្រើប្រាស់ទូរស័ព្ទដៃផង និងមើលកូនផងនៅក្នុងអាងទឹកទេ។ ដូច្នេះ ពួកគេអាចយកចិត្តទុកដាក់លើកូនៗរបស់ពួកគេបានច្រើនជាងនេះ” ។

ទោះជាយ៉ាងណា តាមរយៈសារព័ត៌មាន Mirror Online បានឲ្យដឹងថា កូនប្រុសអាយុ៤ឆ្នាំរូបនេះ មិនមានគ្រោះថ្នាក់ដល់ជីវិតទេ។

បន្ថែមពីនេះទៀត អង្គការកុមារមួយដែលមានឈ្មោះថា The Child Accident Prevention Trust បានឲ្យដឹងដែរថា “កូនង៉ែត ឬកុមារតូចៗអាចលង់ទឹកបានដោយស្ងៀមស្ងាត់បំផុត ទោះបីជាទឹកមានជម្រៅត្រឹម ៥សង់ទីម៉ែត្រក៏ដោយ” ។

ពួកគេក៏បានបន្ថែមទៀតដែរថា “ក្នុងរយៈពេល៦ឆ្នាំចុងក្រោយនេះ មានកុមារអាយុក្រោម១០ឆ្នាំ ប្រមាណ៣០នាក់ បានលង់ទឹកស្លាប់នៅក្នុងអាងទឹកសណ្ឋាគារនៅឯបរទេស” ។

“ជាទូទៅ រឿងហេតុបែបនេះបានកើតឡើងនៅពេលដែលកូនៗវង្វេងពីឪពុកម្តាយរបស់គេ ហើយក៏ធ្លាក់ចូលក្នុងអាងទឹកតែម្តង” ៕ 

ប្រភព៖ បរទេស

ដោយឡែកព័ត៌មានគួរឲ្យចាប់អារម្មណ៍មួួយផ្សេងទៀត៖ កូនប្រសារលួចមានស្រី ម្តាយក្មេកចិត្តស្លុយ ទៅតាមបោចដល់អូតែល (មានវីដេអូ)

ចិន៖ ប្តីចិត្តសាវ៉ាម្នាក់បានទទួលរងការវាយប្រហារយ៉ាងខ្លាំង ពីសំណាក់ប្រពន្ធ ម្តាយក្មេក និងស្រីកំណាន់របស់ខ្លួន ក៏ព្រោះតែម្តាយក្មេក និងប្រពន្ធរបស់គេបានទម្លាយចូលក្នុងបន្ទប់សណ្ឋាគារ ខណៈពេលដែលពួកគេកំពុងចាប់ផ្តើមប្រតិបត្តិការស្នេហាដ៏រោលរាល។ លើសពីនេះ វត្តមានរបស់ប្រពន្ធ និងម្តាយក្មេករូបនេះ ក៏បានធ្វើឲ្យបែកការណ៍ដឹងថាបុរសម្នាក់នេះមិនមែននៅកំលោះ។

បុរសបង្កហេតុដែលរស់នៅទីក្រុង Quanzhou ភាគខាងកើតនៃខេត្ត Fujian ប្រទេសចិន រូបនេះ បានប្រាប់ទៅកាន់ស្រីកំណាន់របស់គេថា គេជាកំលោះមានទ្រព្យមួយរូប។

យ៉ាងណាមិញ វីដេអូឃ្លីបមួយដែលជាភស្តុតាងបានបង្ហាញអំពីសកម្មភាពរបស់ប្រពន្ធ និងម្តាយក្មេកទម្លាយចូលក្នុងបន្ទប់សណ្ឋាគារនេះ ត្រូវបានគេយកទៅបង្ហោះពេញក្នុងបណ្តាញសង្គមតែម្តង។

នៅក្នុងវីដេអូនោះដែរ គេឃើញមានស្រីកំណាន់ម្នាក់ កំពុងស្ថិតនៅក្នុងសភាពស្រាតមួយកំណាត់ក្រោមនៅឡើយ ហើយនាងក៏កំពុងតែព្យាយាមស្វែងរកសំលៀកបំពាក់ដែលពួកគេបានក្រវែងទៅលើឥតកាលគ្រាមួយនោះដែរ។

ខណៈពេលកើតហេតុ នារីជាប្រពន្ធមានអារម្មណ៍ថាភ្ញាក់ផ្អើលយ៉ាងខ្លាំង ដោយនាងគិតតែពីអង្គុយរអ៊ូរទាំ និងទិតៀនប្រុសចិត្តសាវ៉ាដែលជាប្តីរបស់នាងម្នាក់នេះ។ ចំនែកឯម្តាយក្មេកវិញ ក៏មិនធម្មតាដែរ គាត់បានស្រែកជេរបុរសនោះលឺៗដោយការខឹងសម្បារ។ បន្ទាប់មកទៀត គាត់ក៏បានចាប់ផ្តើមប្តូរប្រធានបទ បែរមករកស្រីជើងល្អនេះវិញម្តង។

ប៉ុន្តែអ្វីៗក៏មានការផ្លាស់ប្តូរតិចតួច ដោយសារតែស្រីកំណាន់រូបនេះ ក៏ក្លាយជានារីរងគ្រោះម្នាក់ដែរ។ ភ្លាមៗនោះ នាងបានស្លៀកខោរបស់នាងវិញ រួចក៏ស្រែកដាក់បុរសជើងមួយជិះទូកពីរនោះថា “អ្នកបានរៀបការរួចហើយមែនទេ? ហេតុអ្វីអ្នកប្រាប់ខ្ញុំថាអ្នកនៅលីវអ៉ីចឹង?”

បន្ទាប់មកទៀត ម្តាយក្មេកក៏បានបន្ថែមថា “អាប្រុសជើងល្អហ្នឹង ក្នុងចំណោម១៥ថ្ងៃ មាន១៤ថ្ងៃហើយដែលវាដើរបោកស្រីយកមកដេកនៅអូតែលដូចនេះនោះ”។

បន្ទាប់មកទៀត ប្រពន្ធ និងម្តាយក្មេកក៏បានផ្លាស់ប្តូរបរិយាកាសមកមើល ការវាយប្រហាររបស់ស្រីកំណាន់ដ៏កំសត់ មកលើបុរសក្បត់ចិត្តនេះវិញម្តង។ នាងបានវាយគេជាច្រើនដៃ ខណៈពេលបុរសម្នាក់នោះ កំពុងអង្គុយនៅលើកៅអ៉ីធ្វើទឹកមុខយ៉ាងកំសត់។

ហេតុការណ៍មួយនេះ ក៏មានសាក្សីឃើញផ្ទាល់ដល់ក្នុងបន្ទប់ផងដែរ ដែលមានគ្នាប្រហែលជា ៥-៦ នាក់ ក្នុងនោះសុទ្ធសឹងតែជាសាច់ញាតិរបស់ពួកគេទាំងអស់។

ទោះជាយ៉ាងណា រឿងហេតុមួយនេះ មិនមានការប្តឹងផ្តល់ទៅដល់ប៉ូលិសទេ។ ពួកគេគ្រាន់តែដោះស្រាយតាមវិធីសាស្រ្តផ្ទាល់ខ្លួនរបស់ពួកគេតែប៉ុណ្ណោះ ហើយគេក៏មិនបានដឹងដែរថានឹងមានរឿងអ្វីកើតឡើងបន្តមកទៀត រវាងបុរសជើងល្អ និង ស្រីកំណាន់រូបឆើតម្នាក់នេះ៕

• វីដេអូ